منو الأولى ؟؟ عيالج ولا زوجج ؟؟

بنات بسألكم سؤال
بالنسبة لكم
منو الأولى بالإهتمام ازواجكم ولا عيالكم ؟؟؟
انا احاول اهتم بالطرفين بس اكيد العيال اكثر مهما كان انا المسؤولة عنهم وحبي لهم غير
بس ساعات خواتي ورفيجاتي اذا سولفنا يقولون ان العيال مردهم بتزوجون والزوج اللي ضال واهو اللي لازم نترس عينه بكل وقت

انتوا بالنسبة لكم شرايكم ؟؟
اهتمامكم بمنو اكبر عيالكم ولا ازواجكم ؟
وتوصل لدرجة انكم تتهاوشون مع ازواجكم بسبب طريقة معاملتهم مع عيالكم ؟؟؟
يعني تنحازون دوم لعيالكم ضد الزوج اذا غلط الزوج بسلوك معين معاهم ؟
ولا في بالكم ان ما يسوى تسوونها نجرة بسبة العيال ؟؟؟

انا توني عندي ولد واحد الله يحفظه…. واشوف اهتمامي فيه حاليا بس اهو

لان من ولدته زوجي يدرس بره

فا ماحسيت بشعور اهتم بمنو اكثر …..

العيال لان لو ما انتبه عالعيال بيضيعون اما الزوج بيفهم هالشي وبيقدره النما غير والرجال كبير وفاهم وبيعرف الصح من الغلط

انا اشوف العيال

مشكوره حبيبتي على الموضوع

ام حمد
مهاوي تناوي

تصدقون عاد ،، رفيجتي ذاك اليوم تقولي ميو تصدقين بعد ما تزوجنا وفضى البيت على امي وابوي اكتشفت ان بالنهاية امي وابوي مالهم غير بعض ،، ضحكتني قلت لها عيل تعبنا على عيالنا كله على الفاضي مردهم بيهدونا ومهما قاموا فينا بس هم بتكون لهم حياتهم وبيوتهم

سؤالج صعب جدا

بالنسبة لي اذا عيالي طيبين و ما فيهم شي

اجابل ريلي بصراحة

بس عاد اذا مرضى ولا محتاجيني بشغلة معينة اجابلهم و لما اخلص اردله

و بس

عيالي اكيد

والله انا طول اليوم مع عيالي ومجابلتهم بس اذا رجع زوجي البيت احاول اجابله……..والله بالنهايه مالي الا اهو…..العيال من الحين اذا لقوا وناستهم هدوني

حبيبتي ميوووووه

تكفين علميني من وين اتيبين هالاسئله العجيبه والغريبه _03ba:

وربي اني ولا مره فكرت بالسؤال هذا

بالنسبه لجوابي انا

فأكيد بهتم بريلي أكثر من بناتي

لأن اهو اللي باقيلي بعد عمر طويييييل ان شاء الله

والريال عباره عن طفل كبير يبي من يدلعه ويهتم فيه ويداديه عشان تترسين عينه وما يطالع غيرج

اما اليهال ماردهم لريايلهم وبينسونا مع زحمة الحياة

اسأل الله العظيم ان يرزقهم برنا واهتمامهم فينا عند الكبر

اللهم اميييين

أكيد ريلي حبيبي من لي غيره بعد الله وبعدهم العيال

اكيد زوجي
لانه اذا ما اهتميت فيه بيروح يدورله وحده ثانيه اداريه وتشوفه وتدلع
وساعتها بموت من القهر وبتي الي تهتم فيهم بعدي
اليهال اهتم فيهم بس زوجي اكثر

اهتم بالاثنين اكيد

وما اعتقد اقدر اقارن بين زوجي و عيالي

كل واحد فيهم له حقوق و واجبات ملزومه اني اسويها

اذا اهتميت بزوجي بعيش احلى عيشه ( هذا اللي حاصل )

واذا اهتميت بعيالي اكثر بكبر بعين زوجي لاني دايره بالي على عياله (وهذا اللي حاصل)

والنتيجه انهم يبرون فيني اذا كبروا وبيداروني مثل ما داريتهم وهم صغار

صاحبه صغيرا يصاحبك كبيرا مثل ماقال الدكتور محمد الثويني

يعني بالنهايه الاثنين عيني اليمين والشمال

بس سؤال صغير بنات انتوا بعد ما تزوجتوا نسيتوا امكم وابوكم؟؟!!

mrs_sugar
اي صعب جذي اذا زوجي سألني تحبيني انا ولا اليهال اكثر يوهقني بس افهمه ان محبتي لعيالي غير محبتي له

ام عبادي
شكلج مثلي لووووووول ابدي عيالي بوايد امور بس غلط ،، اصلا قام يغار منهم

sweeta77
الله يحفظهم لج كلهم

بناتي حبيباتي
هههههههههههههه ضحكتيني على سؤالج ،، بس ما ادري والله انا نوعي احب اكتب مواضيع ففجأة يطري موضوع معين على بالي وايي ركض اكتبه سكتي زوجي معصب يقولي ترى زايده بمجابل المنتدى

مريم الكويت
الله يحفظ لج العيال وابوهم

الأسطورة
اي والله مانبي قهر

أمواج البحر
الله يتمم عليكم وناستكم دوم انشالله

انا ما اتفق معاكم انا اهم شي عيالي والله يخليهم لي اما زوجي فانا قايمه في حقه والرجال ماله امان تهتمين ولا ما تهتمين اذا يبي الزواج عليج ما يرده شي اما عيالج مردهم لج

اثنينهم بنفس المقام
والله اني أحبهم نفس الحب لأنهم كل حيااتي
الله يخليهم لي ولا يحرمني مهم ياارب
تحيااتي

الاثنين طبعا وكل واحد له اهتمام خاص