حل لكل المشاكل الزوجية والاسرية

السلام عليكم ..

بالبداية انا مو متزوجة بس على وش قواز على قولتهم .. بس لاني ماقدر افيدكم بحل لمشاكلكم لان ماعندي الخبرة الكافية لهالشئ

اكيد لي وجهة نظر ببعض المشاكل بس انا افضل الواحد يستشير ناس متخصصين بهالمجال

والحمد لله الحين العيادات النفسية كثير لا تقولولي صرنا مجانين لا مو هذا القصد حاشاكم بس فيه بهالمراكز النفسية اخصايين واخصائيات بالاستشارات الاسرية فلما تجلسين معاها راح تسالك بشياء كثيره منها تعرف حجم المشكله تكتشف شنو نقاط ضعفك وقوتك ونقاط ضعف زوجك وقوته واهلك ايضا الي المشكلة متعلقه فيهم وتعطيك حلول مع تعطيك اشياء تساعد الواحد يتغير من جوا وبرا

والله يا بنات اني ناصحه لكم ولنفسي بهالشئ لان الواحد لا بد انه عنده عيوب وعنده حسنات حلو الواحد يكتشفها و يحسن الي يبيله تحسين ويخلي الزين الي فيه

فايدتها انهم ناس واعين ومتعلمين ومتخصصين بهالشئ بتقولين غاليين ومادري شنو اعتقد انه فيه استشارات بالتلفون وتكون مجانية عندنا بالسعودية هالشئ واعتقد ان عندكم نفس الشئ

الله يهدي سركم ويلم شملكم ويسخرلكم اهلكم وازواجكم يارب وصدقوني دام الحب والاحترام موجود والتفاهم بتعيشون بسعاده اهم شئ مايكون فيه ذل وهوان من اي طرف من الاطراف

يمكن طولت عليكم اترك المجال لكم

الي تعرف خل تحط الارقام هني وانتي بعجد حطي الارقام الي تعرفينها>>> خل نفيد ونستفيد

اقتباس:

المشاركة الأصلية كتبت بواسطة om deaj مشكورة وايد بس ماعتقد اكو في الكويت؟؟؟ الي تعرف خل تحط الارقام هني وانتي بعجد حطي الارقام الي تعرفينها>>> خل نفيد ونستفيد

بحاول الاقي لك الارقام ان شاء الله انا من الرياض بس لو لقيت اي رقم لاي مكان بحطه ان شاء الله بس غالبا المراكز تتصلين عليهم وتقولين لهم انا ابي استشاره عن طريق الهاتف وهم بيدلونك كطيف الطريقة

بالرياض فيه مراكز كثيره

منها دار الابداع بس مادري اذا فيه استشاره بالتلفون

https://www.daralebdaa.net/tablescoursesdetail.aspx

فيه مركز تبع الراشد بس ناسية اسمه اول مااتذكره بقولكم عليه موقعهم بطريق الملك فهد بالرياض

وهذا لقيته بالنت مركزهم بالكويت ياليت البنات يفيدونا عنه

https://sdo.gov.kw/link7-consul3_1.htm

وهذا بقطر
https://portal.www.gov.qa/wps/portal/…-d03-v2-ar-ict