|
|
مرحبا بنات 
بقولكم سالفه تخصني و شوي مضايقتني .gif "Eh S(1)")
مشكلتي انني انسانه احب النظافه زياده عن اللزوم لدرجه احس انني مريضه نفسيا من النظافه اتسبح باليوم 4 مرات مو اقل و الله العظيم ماجذبت عليكم اوكي النظافه من لاايمان و المره النظيفه يحبها زوجها و ادري بتقولون وين المشكله ..
المشكله انني تعبت من نفسي و الوسواس اللي يحوشني صارلي جم سنه على هالحال اقوم الصبح اتسبح و اتفرك و بخار الماي الحار يقمتني و اسبح حتى شعري اروح الدوام اقعد متضايقه من نفسي مو قادره اشتغل احس انني مو نظيفه مع ان الكل يسألني ريحتج تهبل ووحده بالدوام تقولي واي انا بحياتي مامرت علي ريحه نظافه جذي ارجع البيت اتسبح حتى شعري اسبحه مره ثانيه عقب الغدا اذا رحت بغسل ايدي تلقيني لاشعوريا ادش اسبح صار العصر ييت بطلع اقول حق نفسي ستوب بس لي متى سبوح تلقونيمن اتمكيج و البس الا و قطيت ثيابي و دشيت اسبح قبل لا انام اسبح و اتفرك ارجع اقوم الصبح اتسبح شعري انهرى من الشامبو و الله الشامبو مايقعد اقل من اسبوع و وقتي كله يضيع اتأخر على الدوام و اذا ريلي قالي خل نطلع فجأه الحين اقوله يبيلي ساعه لاا ربع و اكون جاهزة لاني بشسبح يقولي استخفيتي توج سابحه الحمام مانشف حتى و يزعل و يطلع من البيت معصب حده و اذا جاملته و طلعت بدون لا اسبح اقعد بالي مشغول بهالسالفه طول الطلعه و اتضايق من نفسي و ما استانس و اهوا يحس بهالشي و يقوللي شفيج ساكته بدت الطناقر !! و الله لو ارد تعبانه نص الليل و قريب الفير و ميته ابي انام مستحيل ادش الفراش قبل لا اسبح و اهوا طفران حده و انا هم طفرانه و خدامتي كل يوم اخليها تتسبح مرتين باليوم قلتلها هذا السستم بالبيت عندي و انتي مو احسن مننا احنا تشوفيننا قاعدين نتسبح اكثر منج و تقبلت الوضع عادي عندها وولدي اسبحه كل يوم تخيلوا من عمره اشهر لي الحين بس هالايام ليش الجو بارد اسبحه كل يوم و ترك و اذا سبحته لازم استخدمله البيبي باث و الصابونه و الشامبو و الليفه و فؤشه الاسنان و عمره سنه و 3 شهور و تواليتي بيمشى من كثر الكريمات و اللوشنات و الديودرنتات و العطور و منظفات الويه و دايما اشك بنظافه الملابس الملفع لو البسه و اروح الجمعيه و ارجع لازم احطه بسلة الغسيل مستحييييييييييييييييييييييييييل ينلبس مره ثانيه نفس الشي ملابسي لازم تنغسل عقب كل لبسه حتى لو هاللبسه مدتها ساعه وحده و ماتفرق معاي صيف ولا شتا و الطامه الكبرى ان زاد عندي هالشعور لما تزوجت و صرت بس اشيل ملابس زوجي و احطهم بالغساله و ايي يسألأ وين دشداشه اليوم يكون توه لابسها و يعصب لما اقوله انني غسلتها و شراشف السرير كل يوم يتبدلون و الكفر كل اسبوع مصبغه و جامتي اذا توني لابستها و بس قطر حليب كاكاو او اي شي من ولدي مثلا لو نقطه وحده اشيلها بكبرها و تلوع جبدي منها و اقطها للغسيل و الديتول يوميا للبيت كله و حتى فتحات التكييف تتنظف بالديتول ! لاعت جبدي من نفسي و ريلي احقق معاه كل يوم تسبحت ؟ متى .؟ اكيد ؟ غسلت راسك يالشامبو ؟ فرشت اسنانك ؟ مع انه مسكين نظيف و يسبح كل يوم و دايما يتعطر و يتدهن بس انا العقده طفر من هالسالفه حتى وقت المعاشره انفر منه اذا شميت ريحه جسمه حتى لو ريحه طبيعيه ريحه الريال و وقتها يكون الجسم يعرق انا انفر و اكش منه وو ما اصدق على الله اقوم اسبح و اقوله ماراح انام على نفس الفراش الا اذا قمت و تسبحت الحين ! و يطول باله معاي مسكين بس طفح الكيل اذا سولف معاي بس اسرح و افكر تسبح اليوم ولا لأ ؟؟
صدقوني كل هذا يصير غصبا عني و المشكله حتى لو بشكلها العام بسيطه فهي كبيره بداخلها و للي يعاني منها ماني قادره اسيطر على نفسي و الوسواس اللي فيني ساعدوني ؟ 
انا مثلج اعاني من وسواس النظافه بس مو لدرجه اني اتسبح 4 مرات باليوم بس ما احب اشوف الوصخ ولا احب شي وصخ
ديري بالج ترا الرياييل بسرعه يملون ولا تخلين ريلج يمل من وسواسج
لازم تلقين حل حق هالوسواس مو زين ترا الشيطان قاعد يلعب براسج
حظج تتسبحيين ماخلص مايكم التانكي خلص تدرين اشلون فكري بس الاعلان مال ترشييييييد وانتي بتروح عنج الوسواس ومثل ماقلتي النظافه من الايمان والله نظيف يحب النظافه وهمن الله تعالى: مايحب المسرفين
يمكن راح تكون صعبه في البدايه بس تالي راح تتعودين>>>>>>> طاع من تتكلم
شوفي حبيبتي انا نفسج باليوم اغسل جسمي يمكن من اربع الى ست مرات
الصبح قبل الدوام و عقب الدوام و قبل صلاة المغرب و فبل الطلعه و عقب الطلعه و اخيرا قبل النوم
بس اغسل شعري مره وحدة في اليوم
و الصراحه ما احس ان الموضوع مسبب لي مشكله بالعكس النظافه حلوه و السباحه تنعش الجسم
والله ما يمديني ايي من الدوام لو بكيفي غسلت الشقه من اولها لاخرها..بس اصلا ما يمديني من بنتي(اغسل هدومي وهدوم بنتي واتسبح واسبح بنتي )وطوووووووووول الوقت منقرفه من شقتي مهما سويت فيها
وعلى سالفه السرير هذي يبيلها سااااااااااااالفه لحالها
وبنتي واعليه كل يوم اسبحها حتى لو الجو بااااااااااارد..بالشامبو والصابون
بس هذا الشي ما احسه مرض..احسه طبيعي
بالشامبو مرتين او ثلاث مو اكثر بالاسبوع عشان ما يحت ويخرب غير جذي عاد صج وسواس
اصلااا اذا قلنا سبحت الصبح والظهر هذي اهم سبوحه وبالليل قبل النوم بالله متا يمديج تتوسخين
ترا الاعتدال زين شنو هالهبه هاذي بعد … قولوا خلص ماينا ترا الماي مو بس لكم بالله الاجيال شنو بظل لها
الله يخلف عليهم من الحين
و بالنسبه لي وسواس و انا نفسي متضايقه من نفسي
مو قادره اغير نفسي شسوي !
واذا ماتبين تروحين طبيب نفسي وصعبه عليج ضغطي على نفسج وعالجي نفسج بالتدريب اختي ترى الريال يسكت يسكت بس بعدين ممكن يصارح احد بهاللشي وانتي عارفه الناس من ربع واهل ممكن باي لحظه يحطون براسه انج موطبيعيه ويقنعونه يوخر عنج لاسمح الله ..
الله يعين خدامتج شكلها تقضي نص يومها عند الغساله فقيره شتلحق اذا اربع مرات باليوم غسيل ..
روحي عالجي عند طبيب نفسي حبيبتي ترى كلامنا مايفيد صدقيني دام الحاله واصله فيج لهالحد..
ديري بالج اختي ترا الريال بسرعه يمل
صج النظافة من الايمان بس مو لي هالدرجه
حاولي تخففين من هالشي
ترى كل شي حلو بالحد المعقول
صبح وظهر وبليل سباحه واذا شمت بوحده ريحه لعنت خيرها طق مساكين وين يلحقون من الشغل
حتى الطوف يمسحونها صبح وليل والمطبخ لو يسون شاي يتغسل ولو سمج الله لايراويج البيت كله ماي وديتول البيت كله طفر منها واولهم انا
قلنا نظافه بس مو جذي عاد
وبالنسبه لج لاتخلين هالوسوسه تزيد عندج ترى والله مو زينه ريلي تعقد من امه والسبه الوسوسه
االزايده
تسبحي مره باليوم وحاولي انج ماتتدخلين وايد بنظافه ريلج ترى الريال مايحب المره الي تحن فمابالج داشه بأخلاقه كل شوي وبالاخير اقول لج حاولي انج ماتشرتين شامبو 