|
|
فجمال المراة لا يحمل معيارا واحدا , و لكل رجل مسطرتة الخاصة , و لكل امراة رصيدها الخاص في اذواق الرجال .
فكيف تنظرين عزيزتي نظرة الرجل الى المراة : من هي الجميلة , و من هي التي تصلح له زوجة , و من ومن ومن ؟؟؟؟؟؟؟؟؟؟؟؟؟؟
كل هذا يحتاج الى اجوبة من اخواتي العزيزات
بس وين الباجي … ولا ناطرة ردودنا ؟؟!
نظرتي لرجال هل وقت . .
يبونها كامله مكمله .. يعني انا عندي من معارفي يبون يزوجون شبابهم شكثر لوو تشوفون الشروط الي حاطينها للزواج !! عجيبه غريبه !
يبونها كامله والكامل الله .. جنها سياره ولا جهاز فول اوبشن .. !
والمصيبه ما يبون يتنازلون عن اي شيئ من المواصفات الي حاطينها ومحد تارس عينهم !
بس بعد الزواج تختلف نظرته بعضهم يدور المراة اللي تهتم فيه وتباريه وبعضهم يبي اللي تصد عنه ولا تسأله
بس كلهم وبصرراحة يحبون المراة القوية ويستهينون بالضعيفة
تذكروا يا خواتي لا تصيرون ضعاف لا اكتسبي القوة بعد كل منازعه بينج وبينه .
|
المشاركة الأصلية كتبت بواسطة توت عنكبوت
 اول شي الزوج دايم يطلب بالبداية الجميلة ذات الأصل والشهادة
بس بعد الزواج تختلف نظرته بعضهم يدور المراة اللي تهتم فيه وتباريه وبعضهم يبي اللي تصد عنه ولا تسأله بس كلهم وبصرراحة يحبون المراة القوية ويستهينون بالضعيفة تذكروا يا خواتي لا تصيرون ضعاف لا اكتسبي القوة بعد كل منازعه بينج وبينه . |
انا معاج ان المرة تصير شخصيتها قوية حتى تقدر تاخذ حقها والكل يحترمها وعلى العموم مشكورة اختي على المشاركة
اللي لاحظته ان لازم اتكون جامعية وبعضهم ما يرضون بأقل من جذي شي غريب يعني
ويبي معاشها قوي عشان ما يحاتي مصروفها
يبيها تشتغل عشان تصرف على نفسها وعيالها ويبيها بييرفكت بالبيت من تنظيف وترتيب وغيره وخصوصا الطبخ في رياييل ما يرضون ياخذون وحده ماتعرف تطبخ ويبونها اتربي لعيال وادرسهم واتجابلهم
ويبون بعد يصير عندها وقت فراغ كبيير حقهم واذا ما عندها وقت ياا وييلها يخونها ولا راح يتزوج عليها وهذولة فئة بسيطة يعني مو كل الرياييل جذي تفكيرهم بس وايد عايشين بالخيال وحاطين شروط تعجيزيه يعني واحد اعرفه يبي وحده ضعييفة وبيييييييضه وطويييلة واخر شي اخذ عكس هالثلاااث اشياء بالضبطط متينه وقصيره وسمره
وفي فئة من الرياييل يبون وحده مو شرط حلوة مو شرط شهادة بس المهم ان اتكون متربيه صح وما عندها سواالف
سوري على لطواله بالحجي بس موضوعج وايد مهم
هذا الاعجاب مانحدده بشكل عام وينطبق على كل الازواج
لا في شباب يبون التوب بكل شي اصل وجمال ومال ورشاقه وطباخه ومتحدثه لبقه جامعيه
اووكي بعضهم لا يبي وحده عاديه متعلمه بنت حلال تبي الستر وتعيش معاه وتربي عياله ويتطمن على بيته معاها
البعض لا شروطه تنحصر بالدين فقط متدينه ولا تروح ولا تطلع اي مكان بس عالمها زوجها وعيالها فقط
وفيه اللي يشرط الجمال والدلال والشهاده بس-وفيه سالفه لواحد جنن اهله بشروطه التعجيزيه ما يتزوج الا وحده ملكه جمال
وفعلا دوروا ولقوا بنت الحلال الجميله لكن اهل البنت غشوهم وطلعوا اختها بدلا من العروس
بليله العرس انصدم المعرس ولام خواته وامه شلون اخذ هالجيكره ماتنبلع قالوا له اصبر لاتفضحنا شهرين ثلاثه وطلقها
المهم عاش معاها وهو مغصوب بس ياسبحان الله مو كل شي الجمال بعد شهرين بالضبط ما يحب يفارقها عشقها لاسلوبها الساحر وكلامها الدرر والحين عايشين احى عيشه وعندهم عيال وخير
اللي بقوله ان الاعجاب نسبي ويختلف بين رجل وآخر
وسلامتكم طولت عليكم بس الموضوع شدني
بس قبل لازم انتي تحددين ؟؟ تعجب الرجل جم ؟ يوم اثنين اسبوع ؟ شهر ؟ او مدى العمر ؟؟
في رجال يحب المرأة ام لسااان اللي تتكلم بكل شي من غير خجل .. وهذا حبه لها يوم او اثنين او مني ليما يوصل للي يبيه منها بعدين يملها
وفي رجال يحب المرأة ام الجسم . الرشيق أو المتين حسب ما اهوا يحب .. وهذا نفس الشي .. يتم معاها مني ليما يحصل اللي يبيه منها …
وفي رجال .. يحب البنت راعيه الدين الخجوله اللي الحياء واضح بوجهها .. و هذه اللي راح يتزوجها ..
الرجال لما يتزوج يبي وحده مثل طقه خواته .. مثل طقه امه .. وحده مؤدبه اخلاق دين حياء عقل راجح ..
بس اكييييييييييييييييد والاهم وباختصاااااااااااااااااار
الحياء
و
الاخلاق
بس باعتقادي الاصل والاخلاق والجمال وان الوحده تكون قوامه وحبوبه
ويكون عندها اسلوب ومرحه " اللي جذي " الكل يبيها
والي يقول ابي وحده عنيده اكسر راسها !
والي يقووول اختاروا وزجوني ابي اتزوج وبس
والي يتشرط يبي خشمها مثل وحده من الممثلات الي مسوين الف عمليه واخرته يتزوج وحده اقل من عاديه ويشوفها ملكه جمال
بس بالاخير اعتقد الرجال بعد الزواج اذا زوجته مريحته وماخذ حقه…. وماتقصر معاه مايشوف غيرها
مع المزيد من اخواتي للمشاركة