|
|
السلام عليكم و رحمة الله و بركاته .gif "Eh S(17)")
شلونكم كويتيات و شخبااركم.gif "Eh S(8)")
ولهااانه عليكم و ايد من زمان ما شاركت بهالمنتدى العزيز على قلبي حييييييييييل
الموضوع ياطوبلات العمر …
إن اليوم سمعت بالرادو وانا بالسيارة رايحة الدوام موضوع عن الخيانه الزوجية و تكلموا عن أسباب الخيانه عند المرأة و الرجل
قال الدكتور الرجل اللي يخون زوجته ( اللي مو مقصرة عليه بشي و مهتمة بنفسها )
غالبا سبب خيانته لها هو حاجته بالشعور (( بالقوامه ))
سأله المذيع شلون يعني؟؟
رد الدكتور يعني (( يحب يشعر إنه رجال و المرأه محتاجه له ))
و طبعا كلنا مااانبي ريااايييييلنا يخوووونووننا 
(( الله يكفيهم شر نفسهم و شر الشيطان و شر بنات ابليس ))
السؤال هو
شلون الزوجه تحسس زوجها بقوامته عليها ورجولته و أنها محتاجه له ؟؟؟
سواء بعبارات تنقال .. أو أفعال و تصرفات ؟؟
احنا نحس بقلبنا بقوامتهم علينا و حاجتنا لهم .. صح ..
بس شلون نبين لهم و نشعرهم في هالشي علشان مايصير عندهم نقص من هالجانب ؟؟
ياليت الكل يشارك
حاجته للقوامه تعني ….
1. لا تشترين شي للبيت بدون ما تشاورينه … حتى لو صحن وإلا قلاص كلش كاش قولي له انا شريت هالقلاص اليوم وإن شاء الله يعجبك وآسفه لاني ما شاورتك
2. أغراض البيت لازم هو اللي يجيبها … لو ما عنده وانتي اللي بتدفعين لازم من السياره مزهبه فلوسك مو تنزلين وعند الكاشير تبطلين بوكك جدام الناس
3. السفر إذا هو مو قادر وانتي تبين تسافرين من فلوسك لازم تحطين المبلغ اللي بتصرفونه بحسابه علشان هو اللي يسحب ويشتري ويجيب كنه دافع من جيبه لكنه من جيبك وانتي راضيه
4. ديري بالك بيوم تعايرينه بشي انت دافعه فلوسه
5. دايما لو طلب شي وكان سخيف وإلا ما تبين تسوينه لا تراددينه قولي له ان شاء الله وبعدها بشوي قولي له اشرايك لو سوينا كذا وكذا (طبعا اللي انت تبينه) إذا وافق خير وبركه وغذا ما وافق عادي حاولي تقنعينه ما رضا سوي اللي يبيه.
6. بحياتكم الخاصه لو كنت زعلانه وكارهته لا تردينه وإذا معصبه عليه وطلب شاي سويه كنه الورد وقولي تفضل وانت عاديه مو نكديه .
7. وديري بالك تطلع سوالفكم للناس وأهلك وأهله جدام الناس هو الآمر الناهي حتى لو كان العكس وجدام أهلك وأهله لا توضحين انك زعلانه عادي سولفي معاه لكن بينك وبينه خليك على هواك اذا تبين تزعلين
هذا كل اللي أذكره بالوقت الحالي … والموضوع شيق
وصرت احسب الف حساب على اي خطوه بسويها حتى لو كانت صغيره او كبيره لازم اشاوره
حلو كلامج و خاصه هالنقطة اعجبتني:
السفر إذا هو مو قادر وانتي تبين تسافرين من فلوسك لازم تحطين المبلغ اللي بتصرفونه بحسابه علشان هو اللي يسحب ويشتري ويجيب كنه دافع من جيبه لكنه من جيبك وانتي راضيه
بتبوتااا
زين تسوين .. و أشكرج على مرورج
و ينكم بناااااات ؟؟
يالله شاركوننا
للرفـــــــــع
بس السالفة مو سالفة فلوس وبس ومصرف
وايد شغلات تحسسبنه فيها انج ماتقديرين تتصرفين بدون رايه
وانج تاخذين رايه بكلشي وهذا اللي اتذكره حاليا
خلج انتي الأنثى .. الرقيقة الوديعة ..
و خلي الأمور الصعبة بويهه أهو .. خليه يتصرف و عطيه الثقة ..
موضوع قيم و نقطة مهمة طرحتيها يا حلوة الروح
كثري من هالمواضيع السنعة 
يزاج الله خير
لأن كل وحدة اول ما تتزوج علبو بتثبت شخصيتها وبتوريه انه مو بكيفه يتحكم فيها (مع انه بكيفه ترا) تيبس راسها ويصير كلشي بعناد عاد كلمن يبي يفرد عضلاته على الثاني ..
بس سالفة الفلوس بالسفر او غيرها ما أأيد اني اعطيه واخليه اهو اللي يصرف علي من فلوسي ..
الصراحة تعبي عالأقل استانس فيه مو تحسر ..
اما اعيش على امكانياته ..
او اشيل مصرفي ..
بس مو اعطيه معاشي وهو يحسر فيني …
| لأن كل وحدة اول ما تتزوج علبو بتثبت شخصيتها وبتوريه انه مو بكيفه يتحكم فيها (مع انه بكيفه ترا) تيبس راسها ويصير كلشي بعناد عاد كلمن يبي يفرد عضلاته على الثاني .. |
جنج تتكلمين عني
شكرا على الموضوع استفدت منه وااااايد وايد وايد
بس بالنهاية كلمته مسموعة
وحسسيه انه الكلمة الأخيرة له
وشاوريه بس بالعقل وبشروط