ضرب المراة موضوع للنقاش

[frame="7 80"]السلام عليكم ورحمة الله وبركاته

الموضوع هذا واضح من عنوانه
فكثير من البيوت تقع فيه هذه المشكلة اذ يتناقش الطرفان وهما الزوج والزوجة ويبداء النقاش ومن ثم يبداء الصراخ وبعده تبداء الايدي

واحنا نشوف ونسمع الاخبار هذي ريلها طقها وفلانة تهاوشت مع ريلها وطقها وطردها
والا تهاوشو وتكافخو جدام اليهال وجدام الخدم !!!!!

فيا ترى هل عشتن هذه الايام العصيبة ؟؟؟؟؟

منتدى كويتيات يرحب بكن ويرحب بسماع هذه القصص سواء عشتي القصة او سمعتيها
وايضا ننقاش المشكلة حتى نصل الى حل يرضيك [/frame]

0

انا احس انه الطق فيه اهانه موشرط الريال حق زوجته حتن اذا انطق الياهل او جذيه يعني ولا احب السب وهالسوالف…. الواحد ياخذ ويعطي ويحاول انه ايوصل وجهت نظره ابعيد عن هالاسلوب

انا من الاشياء الي اميز فيها الريال اذا كان اظعيف ولا قوي الطق لانه يحاول انه يثبت نفسه بعكس الي ياخذ ويعطي

ونشووف وجهت نظر البنات………ميرسوو عالموضوع

اكبـــــــر غلط المرأة تسكت اذا طقها زوجها

لانها اذا سكتت اول مره بيتعود وبيكررها

انا ارفض وبشده>>> نطقت بالفصحىىىىىى

ومشكورة الرسامه على الموضوع

اصلا اذا صار الطق من الريال للمره صدقوني سقط بينهم الاحترام وراح يستخدم هالاسلوب حتى لو اعتذر وباس ريلها
رفيجتي طقها ريلها وبعدين بغى يموت عشان ترضى عليه ولما ردت ماكملوا شهر الا واهوماسك عليها السجين

[frame="7 80"]نفنوف كشكش معاج حق باللي قلتيه
وانا من رايج ان الشخص هذا ضعيف الشخصية [/frame]

[frame="7 80"]بنت الكويت فعلا المراة لازم ما تسكت بس السؤال هني شتسوي ؟؟؟
تهد البيت ؟؟؟
والا تقوم وتمد ايدها على ريلها ؟؟؟[/frame]

[frame="7 80"]FOZQ8
من صجج والله !!!!!
سجين عااااااااااد ؟؟؟؟؟؟
صج بايعها [/frame]

[frame="7 80"]حبنا الله عليه
وايد ناس استغلو الحديث النبوي
بان الضرب بالاسلام اهو ضرب مبرح
وهالفئة كثر ما تفهمينهم ماكو فايدة منهم [/frame]

عاد إلا الطق………
لازم تكون حازمه وياه..وتخربها..ترى على فكره..إذا الريال شاف المره بايعه..يخاف ويتعظ

وإذا وحده تعرضت لهالموقف… لازم توقف له احد..ابوها اخوها
علشان يعرف انها وراها ظهر مو طوفه هبيطه
ولا تسكت وتقول ميخالف!!! ماراح يعيدها !!
لا وألف لا << وايد مشتطه!!

مشكوره على الموضوع

انا الحمدلله ماعشت هالوضع ..
بس اعرف وحدة من اهلنا متدينه وخوش بنية ووحيدة امها وابوها تزوجت امام مسيد ومعروف …
طلع اللهم ياكافي يطقها طق يهوووود …
مره طاقها بالطوفة وهي توها حامل وعروس ها …
ومرة ساحبها من شعرها شالع خصلة من شعرها …
والبنت صابرة وساكته صج لي قالو البيوت اسرار …
بعدين انفصلت عنه … وعرفنا السالفة …
ومسكينة تكسر الخاطر عندها ياهل منه …

انا احس اللي يمد ايده تافه ومعقد (طلع علم النفس طلع)
لأن ماعنده اسلوب ولا منطق يتفاهم فيه علشان جذي يستغل انه ريال ويفرض رايه فرض وهاذي مو رجولة ولا فخر …
والمره غلطانة الف مره اذا سكتت له ..
مو بس تروح حق اهلها .. والله تشرشحه بالمخافر والمحاكم خل يتعدل …
شنو بنات الناس مالهم كرامه ؟؟؟؟
ولا تقول علشان عيالها لأن اول ناس بيتضررون اهمه العيال اما بيمد ايده عليهم (بو طبيع) او انهم يطلعون معقدين ويتبعون نفس الاسلوب بالمستقبل …

اكبر غلط المراة اللي تخلي ريلها يطقها وتسكتت علبالها تحل المشكله بالعكسسسسسسسسس اهي تزيدهااااااااا بسكوتها
اقولكم سالفه وحده اعرفها قريبه لي وشفت ليما وصلت له
اول شهر خذاها ريلها طقها طراق قلت والله انفعل ماقدر يمسك عمره الظاهر زله وسكتت ماقالت لاحد لما الطق قام يزيد تييي وويها ازرق شفيييييج طايحه ومتعوره لما ايدها انكسرت هم ماقالت لاحد والام تزف فيها والابووو يساحلها ماكو فايده خايفه عليه من ابوهاااااااا
وصار عندها بنت وولد ويطقها جدام عيالها اليهال لما اخر مره ما وعوا اهلها الا يايه بنص الليل بدون عبايه ولا نقاب وراسها ينزززف دم يالله اهلها درووا بالسالفه واشخلوه واشخلوها ماكوو فايده بعد يومين ردت له حتى ماراضاها ولا درا عنها بعد جم يوم طردها من البيت وطلقها

شيسوووووووووووووووووووووووووووووووووووى علييييييييييييييييييييييييج هالطق والاهانات على واحد مايحبج ومغققققققد
انا اشوف العلط من المره مو الريال

انا من راي البنات ما قصروا بالشرح والتفصيل
واذا المرة تقبل انها تنطق فما عندها احترام لذاتها علشان جذي لا تتوقع من الناس انهم يحترمونها
لازم الوحدة تحب نفسها وتحترم نفسها وانسانيتها
بعدين تتوقع من الناس انهم يحترمونها او تفرض احترامها

انا معاكم بالراي نفسه
وشاكرتلكم ردودكم
لكن هل ينصلح حال الريال اللي يطق مرته ؟؟؟؟

يعني هل يعتبر من تصرفه ؟؟؟؟

اي نعم

اذا تأدب من اول طقه وعصبت واشتكت لابوها وحسسسسسسسسسسس انه وراها ظهر يتعدل عددددددددددددددددددددددل وللاحسن بعد