الريايل يكلمون بس؟؟؟؟؟؟؟؟؟؟؟؟؟؟؟؟؟

اولا اود اسلم عليكم يا حلوات

السلام عليكم ورحمة الله وبركاته
انا اعرف ان بعض البنات يكلمون الريايل بالتلفون طبعا
بس اللى ابى اعرفه انه ممكن اللى يكلم وحده يتزوجها وخصوصا هالوقت ابى رايكم بنات بصراحه

مايفكرون ابدن

غااالبا ما يتزوجونهم ..

واذا حصل .. ما يكون زواج ناجح

بصراحه لا الزواج التقليدى ناجح ولا الحب مضمون كل حاله غير

انا افضل الزواج التقليدي ..

بس وايد منتشره زواج الحب .. وبالعكس ناجح؟!!

مادري ليش الدنيا مقلوبه

أبـــــــــــــدا
ايقزر معاها عزوبيته . و لي بغـــا يتزوج قام يفرفر تحت امه و خــواته يبي وحده نفسهم …

والله الشي هذا يعتمد على الريال نفسه ترى ياما رياييل تزوجوا عن حب وبنات كانوا يكلمونهم وماشالله عايشين حياه سعيده .. واقرب مثال عندي وحده بالدوام الله يتمم عليها مرتاحه وغيرها وغيرها
وبنفس الوقت اعرف بنات متزوجين زواج تقليدي ومشاكلهم ليه الراس وبينهم محاكم وطلاق !!

اللي يحبون بصدق بهالزمن صاروا عمله نادره جداً

على قوله المثل راحوا رياييل بنوا الدروازه ما بقى الا رياييل المطنزه والعازه

مايفكر فيها ابد وان خذاها راح تفشل العلاقه

الحين وبوقتنا هذا كل شيء تغير

أكثرهم يتزوجون وهالحجي حقيقه من واقع

والله بصراحه انا مو مع زواج الحب مادري ليش انا دقه قديمة..بس والله انا مع اختي حبنا الله عليه..الحين هذي السالفة منتشرة بس عاد مادري اذا راح تتم او لا على حسب الاشخاص نفسهم…وكل واحد واللي الله كاتبه …

ما اعتقد يكون ناجح الا اذا قدر الله لان الرجل الشرقي يظل شرقي وحكر وويظن باللي كلمته لو مهما اجتك بثقافات غربيه

وانا مو مع هالشي

شخباري الي يقولون مابي وحده كلمتها

يتزوجونهم ويبقى ينجح ولا يفشل الزواج هذا توفيق من الله

بزمن العجايب هذا كل شي جااايز

في ناس يتزوجون اللي يكلمونهم بس بشروط

مثلا تكون خربطت معاه لاسمح الله وشقه وشاليه وهالسوالف لا طبعا ماراح يتزوجها لانه شبع منها خلاص حتى لو اهي معاه وتحبه اهو بس

ومثل ماقالوا البنات نجاح الزواج او فشله يكون بيد رب العالمين ووايد ظروف تتحكم فيه مو شرط يكون تقليدي حتى ينجح ولا حب حتى ينجح او يفشل

والله الي اشوفه الحين ان الي يسولفون مع بعض ما يبون الزواج لا هو ولاهي…يعني اثنينهم يتسلون ……….الصراحه هذا الي اشوفه!!