|
|
سلام عليكم
بدش بالموضوع سيده بعد شوي يأذن الفجر نقوم نصلي مابي اطول
المهم
بنات الكل يتكلم عن فترة الملجه اوكي و انها فتره حلوه وجذي وانا ملجتي بعد 5 ايام بالضبط وصارلي اسبوع قاطعه ريلي مابيه يشوفني
من اول ما قطعته كلمته بالتلفون قلتله هااااا حبيبي مابي اشوفك عشان تشتاقلي عدلللل <<< وانا بالصج قصدي اني مو حافه مابيك تخترع من ويهي لووووووووول
المهم صج ابيه يشتاقلي واشتاقله … بنات انطره يدق علي ماكو فايده مايدق مو لانه مو مشتاق ادري فيه يحبني بس مادري شنو السبب يوم قلتله وينك ما تسأل عن حبيبتك يتحجج يقول كان عندي شغل .. وكررها بعدها هم قطعني جم يوم وانا دقيت عليه وعاتبته قلتله علامك ما تدري عن مرتك وينك عني ليش ما ادق علي ومن نبرة صوتي بينتله اني زعلانه بس اهو مو فاهم ليش انا زعلانه ؟؟؟ انا زعلانه لاني ابي احس ان فيه تواصل بينا ابي احس ان في شي بينا نتكلم عنه ابي احس انه صج مشتاق واهو ما يدري واهو بكل برود يسكت ……… بعدين يقولي عندج امتحان باجر ؟؟؟ واللللله صار فيني حاله قلبي حسيته يرتفع ويهبط فوق تحت وعيوني غرقت بالدموع ليش جذي بارد ليش ما يحس … اهو ليلحين مو راضي يفهمني ويستوعب شخصيتي .. انا طبيعتي التزم الصمت المطلق اذا طنقرت 
انا اقول السبب انه … اهو …. شلون افسرها … اهو واحد على نياته مايعرف حق البنات مايعرف شلون يعاملهم واحيانا احسه كسلان مايبي يفكر شلون يفرحني شنو يسويلي شنو يقولي مو عارف يفهمني ويستوعب شخصيتي ….. تخيلوا سألته على دلع قلتله شنو بنسوي بعد الملجه ؟ قالي شنو اكو شنو قصدج ؟؟ تخيلوا ما يدري ان المعاريس يطلعون بعد الحفله ما يفكر ما يحاول يسأل حتى ربعه قلتله بذمتك عبالك بنقعد بالصاله فوق نسولف جدام الله وخلقه وانا اللي صارلي سنه احوس على بدلة الطلعه وافكر شنو اعطيك هديه طلع خررررطي ما يدري عن الدنيا … والله انا احبه ويحبني مابي اظلمه بس عنده اساليب يقهرني فيها بروده عجيب وصمته رهيب اهو يهجرني مايبي يضايقني باتصالاته ورسايله وانا افسر هجرانه هذا صد وفراق ليش يسوي فيني جذي ؟ هذا وحنا بفترة الملجه اجل لو بعد 20 سنه شنو راح نكون ؟؟؟؟
اتمنى انكم فهمتوني لاني توني مسكره منه التلفون ونا حدي متضايقه ومادري يمكن السبب مني يمكن من الضغوط يمكن منه اهو
شرايكم ؟؟؟؟
بكل اختصار اهو مايعرف كوعه من بوعه ينطرني انا اللي اعلمه كل شي … انا انسانه مثقفه واعيه دارسه وقاريه علم النفس منطلقه بالحياه اشوف التلفزيون اقرا مجلات اشترك بمنتديات كونت معلومات جيده عن التواصل بين الازواج وعن الحب (خرطي!!) وعن العلاقه الزوجيه بكل جوانبها …
اهو انسان بارد صامت دائرته الاجتماعيه غير واسعه لا يعرف حتى التعبير بكل واضح عن نفسه وعن مكنونات قلبه .. ماقد تعرف او كلم فتاه بحياته
جميع الاشيا اللي يسوونها المتزوجون حديثا بفترة الملكه انا اقترحت عليه لو تاركه الامر بيده كان كل يوم يوديني نفس المطاعم المعروفه اللي يحبها حتى لو كانت راقيه وجميله … انا اللي تعبت اضيف اشيا جديده بعلاقتنا حتى لو كانت بسيطه مثل التمشي على البحر او جلسه ونيسه بالمنزل بدل الطلعات كل يوم الذهاب للسينما بوقت متأخر حتى تغيير نوع الطعام والمطعم !!!!!
والله مليت لا تقولون عني دلوعه او اكبر الامور 
مادري كيف اتعامل معاه
مره قلتله بصريح العباره (على سالفه الطلعه بعد الملجه) : ابيك تفاجئني باشيا حلوه ورومانسيه تحس اني انا راح احبها …. يقولي شنو هذا لغز ؟؟؟
قلتله شنو لغز بعد اوضح من هالكلام ماكو ؟! يقولي شنو تبين بالضبط اسويلج ؟؟؟ في بالج شي قولي … يقههرررررر يحطم الرومانسيه تحطيم
قلتله انت فكر وسكرت بوجهه التلفون والحين كتبت لكم الموضوع
سووووري على الاطااااله … بليز عالجووووني يا هلي عالجوووني
وهالشي شرعا ما يجوز ابدا
نصيحتي لج صبري بيتغير
انا كنت مثله زوجي اهوا كان يدق علي وانا ولا ادق ولا اراسله ولا شيء مو لاني مابي لأ لأني كنت استحي
وكان دايما يقولي انتي ماتبيني وانتي وانتي كنت ارد عليه " أستحي " مرة مرتين ثلاث عصب قال انتي كل تستحين ولا ماعندج غير هالكلمة وسكرنا التليفون
من عقبها قمت احارب الخجل وادق وارسله مسجات وانفتحت العقده
قمت انا اأذيه من كثر ما ادق
وصاجه فترة الملجه احلى فترة تقعدين تفتكرين بعد الزواج مقامراتكم اللي صارت
وبعدين تتعودون على بعض
لدرجة ان يوم العرس لا خايفة ولا شيء بس مستحية قضينا على الرهبة والخوف بتواصلنا مع بعض
مع ان ماطلعت معاه الا حق الاثاث تخيلي
وبعدين نصيحه لازم تكلمين وتقوين علاقته معاج لان مهما بتتكلمون وبتطلعون وبتروحون وبتيون راح تكتشفين بعد الزواج انج لمن الحين ماعرفتيه
والله يوفقج انشاء الله