|
|
بنات ابي مساعدتكم…………… انا توني مالجة صارلي اسبوعين…مو عارفة اتعامل مع ريلي…انا احبه ايه بس مو قادرة اعبر عن حبي له… ومو عارفة شلون اتقرب منه زيادة…
يعني انا ناعمة ايه بس ما اعرف اتدلع..انا نوعي خجوله لما يقرب يمي اسكت ما اعرف اتكلم معاه ولا اعرف اشلون اتصرف لاني اساسا مو اجتماعية واخذ وقت طويل على ما اطيح الميانة مع احد وانا من النوع الثقيلة والجامدة شوي. يعني كلمة حبيبتي حق رفيجاتي ما اقولها ….فشلون معاه؟؟؟
يعني اول مرة قالي لي حبيبتي..سكتت مو عرفت اقول اي شي…
اهو خوش واحد ويستاهل مني اكثر بس موقادرة احس خجلي يمنعني…
ساعدوني…هلب مب..قبل لا يطفش ويمل مني
.gif "Eh S(17)")
ثاني شي ليش مستعجله على حبيبي وحياااااااااااااتي ! توكم مالجين المفروض الكلام يصير بحدود معاه !
نصيحه لوجه الله لاتحاولين تتجرائين عليه انتي خجوله وهالشي حلو !
اصلا الرجال مايحب اللي تاخذ وتعطي معاه وخصوصا اذا توهم في بداية حياااااااااتهم !
خليه ياخذ عنج انطباع حلو ! لاحقين ع الكلام
انا ابوووووووووووي لما ملجت انخشيت عنه 3 شهور من كثر ماانا خجوله !
وعلى قولة القااااااااااااايل
( صدق الفراق تروووووح ناس بعذااابه بس الحيا بالوقت هذا يازينـــــــه )
الزبده ياالغاليه ان انتي فيج صفه حلوه لا تحاولين تغيرينها !
والله يوفقنا اجمعين !
بس لا تصيرين جامده وايد سهلي الامور وراح تلقين نفسج شوي شوي
تبدعين الله يوفجج ويتمم عليج ويرزقج الذريه الصالحه
اشوي اشوي راح تكونين عادي معاه
لا تحاتين
مشكووووووووووووووووووورين
مشكورييييييييييييييييييييييييييين كل البنات والله ما قصرتوا….قمت احس بثقة اكثر… لان اللي حواليني يقولون انتي مزودتها..بس هاذي طبيعتي والله…المهم ادعوا لي الله يوفقني معاه….
ولازم اتعرفين إن الكلمة الطيبة لها أثرها على النفس البشرية فمابالك بأثرها على الزوج 0000
وماأنسى أبدا نصيحة ناظرة المدرسة لما باركت لي بمناسبة الزواج وقالت لي نصيحة (( لاتنطرين الكلمة الحلوة من زوجج إنتي بادري بالكلمة الحلوة دايما )) وطبعا كانت تعرف طبعي حياوية وثقيلة والكلمة غصب أطلعها أهمس همس 00وطبقت نصيحة ناظرتي جزاها الله خير ولازلت أذكرها بالخير00
ومع ريلج خليج علي طبيعج لاتاخذين طبع غيرج اهو حبج علي ما انتي مو علي ماغيرج سواج اذا لاحظتيه متضايق وابدا استياء تعالي انعلمج ، حلته تتدرجين مو حلاته اتطبقين من كتاب !
حبوبه لا تلومين نفسج هذا ريال غريب عنج مستحيل تطيح الميانه وياه من أول شي أكيد يبيلج فتره على ما يصير هالشي
اصلا لو من اول شي طيحتي الميانه بيقول هذي شفيها وبيستغرب
عسى الله يوفقج ويوالف بين قلوبكم يارب
و على سالفة الحيا ترى نصف جمال المرأة حياءها
خليج جذي على طبيعتج احسن و مع الوقت راح تتعودين عليه بس السالفه يبيلها وقت
لاتخافين راح اتعودين عليه مع الايام
وما يصير العرس الا الميانة طاحت
لكن بنفس الوقت حاولي تبتسمين دايما وانتي معاه وتحسسينه بانج مرتاحه معاه والتعبير عن الحب يكون مثلا بمسج تقولين له فقدتك او كلمات بسيطه مو شرط كلمة حبيبي ترى هالكلمات البسيطه من وحده خجوله اثرها اكبر في قلب الزوج والله يوفقكم والف مبروك