|
|
شلونكم بنات
بدخل بالموضوع على طول
اليوم وانا رايحه السوق عقب ماتشرينا ولعبة اليهال وخلصنا —— وبعدين دخلى بالموضوع
وانا قاعده اطلب من المطعم عشاء حق عيالى والا ولدى عمره سبع سنوات —-العمر كله قولوا امييين
المهم مادريت الا ولدى يجر عباتى مدهوش ومستغرب ويقول يمه شوفى شوفى قلت له شنو اشوف قالى يمه شوف يهال يشربون زقاير واهم صغار ولا المشكله الاكبر انه امهم وياهم قاعده تتمشى بالسوق ومعاها عيالها اعمارهم
ماتعدى 11و12 سنه ويدخنون
ماعرفت شقول حق ولدى واهو يشوف الام ساكته عن عيالها واهى تشوفهم بهالمنظر بصراحه منظر ماحبيت ان ولدى يشوفه
لانى دايما اعلمهم ان الام ماترضى ان عيالها يسوون الغلط ولما شافوا هالام راضيه عن اللى يسوونه عيالها توقعوا ان هالشى صح
شرايكم بالموضوع
بانتظار ردودكم
الصراحه شي غريب @@ اخاف مووو امهم ابيه
اشلون ساكته عنهم
باجر اذا اكبروا رااح تسكت عن شنو بعد ؟؟؟
ولدج صغير بس قدر عيالنا انهم يشوفون ويسمعون كل انواع المنكر كلمي ولدج قوليله انه فيه اولاد مش متربين ويسوون اشياء غلط وهالشي غلط والله يشوفهم ويعاقبهم ،،، كل حد بسنه علميه على قد سنه شو بتسوين الله يعينا وياكم على هالزمن
بس الام تشوفهم ؟ اللهم عافهم ولا تبلنا كثر في هالزمن الاهل اللي ودج تظربينهم وتربينهم من اول ويديد عشان يربون عيالهم
|
المشاركة الأصلية كتبت بواسطة الشقردية
 والله يا ضحكة الدنيا مادري شقوولج
الصراحه شي غريب @@ اخاف مووو امهم ابيه اشلون ساكته عنهم باجر اذا اكبروا رااح تسكت عن شنو بعد ؟؟؟ |
انا هذه اللى مستغربه منه شلون ساكته عنهم وفعلا باجر لو تشوفهم يشربون مخدرات اكيد بتسكت مااقول الا الله يستر على عيالنا
ومشكووره ياقلبى على ردج على الموضوع
|
المشاركة الأصلية كتبت بواسطة island
لما كنا في تايلند من ثلاث سنين رحنا عند كورنر ريد ايرث واللي يبيع هناك واحد مغير جنسه صاير حرمه يعله المرض المهم طبعا الصوت لايمكن يتغير فهو يتكلم وعيالي ينشدون خصوصا ولدي يقولي امايه ليش هالحرمه صوتها ريال؟ قلتلها حبيبي هذيل الحريم اللي يدخنون جقاير شوف كيف صوتهم يستوي ؟ شو بقوله بعقدهم في حياتهم من سن صغير؟
ولدج صغير بس قدر عيالنا انهم يشوفون ويسمعون كل انواع المنكر كلمي ولدج قوليله انه فيه اولاد مش متربين ويسوون اشياء غلط وهالشي غلط والله يشوفهم ويعاقبهم ،،، كل حد بسنه علميه على قد سنه شو بتسوين الله يعينا وياكم على هالزمن بس الام تشوفهم ؟ اللهم عافهم ولا تبلنا كثر في هالزمن الاهل اللي ودج تظربينهم وتربينهم من اول ويديد عشان يربون عيالهم |
الحين دور الام صار اصعب ولازم طول الوقت نذكرهم بالغلط والصح لاننا فى زمن ماينعرف فيه الصح من الغلط ولازم نقوى الوازع الدينى عندهم الله يعينا على تربيتهم
ومشكووره حبوبه على ردج وشاكره تواجدك
ماكو الا انج تشرحين له ان هالشيئ غلط
وان هذي مو امهم لان ماكو ام ترضى تشوف عيالها يسوون الغلط
اخذيه من هالنقطه ..
و هالام صج ما عرفت تربي و لا العيال عندهم الاحترام الكافي ..الله يهدي لها عيالها و عيال المسلمين .
الحمد الله والشكر بزر توه ما طلع من البيضه وبيده زقاير
ياربي استر علينا
و الله مادري شقول … شلون الام ساكتة … مو طبيعية هالام !!
عفيه ام…
عاد جذيه الحمدلله والشكر
يارب اهدي عيالنا واصلحهم وابعد عنهم رفقاء السوء.
الله يعينج حببتي صج الاطفال يتأثروووووووون بالمناظر البايخه
فهميه ان الناس مختلفين .. وفي أفكار مختلفه
واحنا احنا مانشرب زقاير لأنها تخلي الواحد يصير مريض ويموت
فهميه عواقب التدخين أكثر من كونه رمز أخلاقي
|
المشاركة الأصلية كتبت بواسطة منورة الكويتية
صج زمن يخرع
ماكو الا انج تشرحين له ان هالشيئ غلط وان هذي مو امهم لان ماكو ام ترضى تشوف عيالها يسوون الغلط |
انا شرحت له الموضوع وقلت له ان الله راح يعاقبه ويعاقب الام لانها ترضى عيالها يسوون جذيه
ومشكوووره حبيبتى على ردج وماانحرم من تواجدك
|
المشاركة الأصلية كتبت بواسطة زيـنـه
انا لو منج اقوله هالاولاد مو زينين و امهم مو زينه ترضى تضر صحتهم اكيد ما تحبهم و لا تخاف عليهم .
اخذيه من هالنقطه .. و هالام صج ما عرفت تربي و لا العيال عندهم الاحترام الكافي ..الله يهدي لها عيالها و عيال المسلمين . |
لاتحاتين حبوبه من البارح وانا اعلم بولدى واقوله ان هالشى غلط وان هالام ماتخاف على عيالها والله راح يعاقبها
ومشكووره ياقلبى على ردج ومنوره الموضوع