احس اني ضايعه ومو عارفه شالحل؟؟

بنااااااااااااااااات عفييييييييييييييه ساعدوني والله تعبت من التفكيررررررررر
انا الحين ببيت اهلي ومتهاوشه مع ريلي وانا ما صارلي شهرين متزوجه والله شي يحز بالخاطر رديت من الجامعه جان اقوله ودني السوق اول مره يقب بويهي جان اقوله شدعوه عاد انت كل يوم موديني قام يصرخ وتنرفز (قصده شلون تقولين عني جذي وانا مو مقصر وياج)عنده ان اهوه احسن ريال بالعالم واهو الزوج المثالي وانه طيب والمشكله انه هم فيه عيوب وانا تخرعت لاني اول مره اشوفه جذي يصرخ وصوت عالي بالسياره ومتنرفز ودايس وربي شوي ونسوي حادث جان اقعد ابجي جان يعصب زياده لا ويقول انا ما عندي غير الزعل والبجي والله يا بنات ان السالفه ما تسوا صج خرعني بالسياره ووصلت فيه انه يلعني وقط غترته وما باجي الا يطقني وربي تفاجات اول مره اشوفه جذي بنات ساعدوني انا الحين ببيت اهلي وما ادري شسوي بس النيه اني ما راح ارد بيتي لاني خلاص خذيت منه موقف وانا ببدايه حياتي والقاعده الي ماشي عليها ان آنا الريال وانتي مره يعني جنه يقول عليج واجبات ومالج حقوق وانا والله ما اقصر بشي تجاهه واهو نفس الشي بس شالفه الطلعات والروحات والجيات مسببه عقده وما يحب هالطاري وبعدين هم انا مره وابي اطلع استانس واتغرض (حتى الجمعيه يقول انا اروح اشتري اللي تبين المره مالها الا بيتها وانا ودي اروح وياها نتسوق ويا بعض وهو رافظ الفكره)

عفيه بنات ساعدوني ولا تنطشوني
وابي اعرف هل انا غلطانه وشنو اسوي عشان ما اخسر بيتي

ملاحظه؟اهو طيب وحبوب وانا احبه واهو يموت فيني ويعالملني احسن معامله واول مره اشوفه بهالحال؟؟؟؟؟؟

مادري شقوولج حبيبتي بس انتي الغلطانه بتقوليلي ليش؟
اول شي المفروض انتي تختارين الوقت المناسب اللي تطلبين فيه يعني الريال راد من دوامه وتعبان تقوليله ودني السوق ممكن هالشي صار من جهل من جهتج لانج توج متزوجه بس تعلمي تختارين الوقت والريال اكيد كان تعبان
ثاني شي الله يهداج من اول هوشه بينكم تروحين بيت اهلج الله يهداج هذا بس صرخ ورايحه بيت اهلج عيل لو مسوي شي ثاني لاسمح الله جان تطلقتي ؟
مايصير اتعودين الريال انك كل ماتهوشتي معاه رحتي بيت اهلج عشان لايتعود ويصير عنده شي عادي ويقول بالطقاق مثل ماراحت ترد

ثالث شي تعووذي من بليس ودقي عليه واذا عزت نفسج ماتسمحلج دزيله مسج استعبطي قوليله ابي شي ..
ولا قوليله محتاجه اغراض وحطي ابتسامه مادري انتي وشطارتج

وعلى فكره ترى ماكو كرامه بين اثنين يحبون بعض ومابالج هذا ريلج ..الله يهدي سركم انشاءالله

البنوته توني اشوف ردج مثل ردي وهذا عين العقل

مشكورين حبايبي عالرد والله طمنتوني

البنوته؟؟ لا اهو يايني من اللبيت يعني توه قاعد من النوم اصلا نيته نطلع البر عشان جذي قتله ودني السوق (والله مو عشان اتسوق عشان شغله اخذها وامشي وقتله اي سوق على طريجنا مو شي معين)وانا نيتي اروح لهلي من قبل لان اليوم اربعا وضربت هاذي مع هاذي))

دزيتله انا اسفه وجذي بس هم بينت اني زعلانه وماتوقعت ممممممنه الي صار)
واهو دق ودز مسجات عتب وجذي فما ادري ادق عليه والا انطره يتصل وشنو؟؟

مشكووره مزيووونه وشقره يالغاليه

ردي دزيله مسج هم عتاب وبدون مناقشه ولا اقولج دزيله مسج حب
وبعدين خلي بينكم بس مسجات واكيد راح يدق بعدها واذا دق لا تييبيله طاري الزعل بس تدلعي عليه قوليله انج ولهانه عليه عشان يحن قلبه عليج زياده ويحس انج صج محتاجتله

وبعدين بعد ماتتراضون انشاءالله حاولوا اتفاهمون واتناقشون الموضوع وانشاءالله خير

نطري يدق واعتذري منه والله يصلح مابينكم

البنوته؟؟ مشكوره حبيبتي وما قصرتي اخذت نصايحج بحذافيرها وناطره النتيجه
ملاحظه؟؟ اهو دق علي اول ما قطني على اهلي بس أنا ما رديت من خبالي بس صج كنت حزتها منهاره وان شاء الله تتصلح الامور

مزيونه وشقرا؟؟ حبيبتي انتي مشكوره يا قلبي صج ريحتيني وطمنتيني وانا عبالي سالفتي جايده
حتى ما ابي اقول للوالده عشا لا تتخرع بروحها اللي فيها كافيها واهي بعد تموت فيه خو ولد اخوها وما ترضى عليه خخخخخخخخ

اهلين حبووبة
اهم شيئ انج مقتنعه بأنج غلطتي مثل ماقالت بنوته انتي اسئتي اختيار التوقيت ويمكن من جذي عصب .. بس ميخالف طوفي وطنشي وقولي امر وحاضر وتامر امرر .. الريال بهالفتره يبي يفرض سيطرته ويحس برجوولته وانه كلمته مسموعه … عاد انتي حققي له هالشيئ الحين وصدقيني ابشري بالنتايج بعدين.. يعني صدقيني انه طبعه بيتغير عقب مده بس انتوو توكم ماصارلكم شهرين مع بعض طبيعي تصير تصادمات واختلاف وهواش ونجره .. بس لاا تعودينها وتروحين بيت اهلج عند اقل مشكله عشان مايتعود على فراقج ويصير الوضع عادي عنده.. الحين الحمدلله على كلامج انحلت المشكله وقاعد يدزلج مسجات .. الحين لازم تستفيدين من هالتجربه وماتكررين الخطأ وتحطين زوجج بعيوونج لانه جنتنج ونارج وشوفي النتايج

انتي شنو قلتيله ؟؟ اذا مو غلطانه لاتعتذرين
بس لا تناجرينه ولا تطولين السالفه اذا كلمج عادي خلاص

اما اذا انتي قلتي شي زعله لا اعتذريله والله يهدي سركم

ماسويت شي حبيبتي شيومه والله يوفقكم يارب وبهدي سركم وانتي طلي سوالف الخبال ولا تبجين اب كل حزه لانه الريال يمل خلي دمعتج غاليه مو تنزل على كل شي اوكي

انشاء الله ماكو الا العافيه والله يهديكم بس ترا انتي غلطانه طلعتي من بيتج ولاتطلعين من بيتج الحياه ياما بيصير بينج وبينه مشاكل اذا على كل شي بتهدين بيتج والله مراح تعمر حياتج ديري بالج وصيري ذكيه ولاتهدين بيتج ترا حتى حمولتج باجر بينقدون مو حلوه بحقج ولا بحق ريلج

حبيبتي شوفي انتي يمكن غلطتي بالوقت بس الصج ينقال حتى هو مايصير كل هالانفعال يعني اوكي الحين تردين وتتبوسمين بس هم لازم تبينين له انه هو غلط بتصرفه وبعدين حبوبه ترى الزعل ببيتج احسن من الزعل عند اهلج لانه مدام يحبج مستحيل يستحمل يشوفج زعلانه وقاعده عنده
يعني تزعلين ببيتج بس ماتقصرين معاه ماتخلينه يصيد عليج شي تجهزين ملابسه تحطين له اكله بس ماتعطينه ويه وايد على ابو انج زعلانه واذا تبي تحرقين اعصابه زياده تكشخي ولبسي شي ماتعوده عليج وقعدي على انج زعلانه وربي ماراح يستحمل عن تجارب هههههههههههههه وحبوبه ترى بالدلع والعياره واختيار الوقت العدل كل شي تبينه تاخذينه
وربي يوفقج

كلام مزيونه عين العقل