كلمات ليست كالكلمات

السلام عليكم بنات معروف الريال يحب المدح والكلام الحلو وهذي الكلمات لها مفعول السحر بالعلاقه الزوجيه بمناسبه أو بدون مناسبه واحنا بمجتمع الى حد ما ناشف ماعنده كلام دلع وايد فشرايكم نتبادل الخبرات الحلوه بهالمجال

مثلا عمري وقلبي وحبيبي حبي الأول روحي
شنو أكو بعد شلون نمدح الريال ؟
مثلا :احس اني أسعد انسانه بالدنيا وانا معاك
كل وحده خل تعطينا جمله حلوه

أموووت فيك
أحبك موووت

همممممممممممممممممممم شلون نمدح الريال غير عمري وحياتي وحبيبي وهالاشياء
مثلا كله اقوله ياعسل

ومصطلحات المتن (ياقشطه ياعسل << نفس طاش ماطاش) يا بيضا ياحلوه بالمصري
ياقمر
ومن هالحجي

أحلى كلام يكون من القلب الوحده صج حاسه فيه تجاه زوجها

وادعوا لي الله يرزقني بالزوج الصالح

مشكورين بنات عالمرور الكريم
كوين مصطلحات المتن أعتقد مبدعين فيها دبدوبي ههههههه
اميره الورد يا رب يرزقج بالريل الصالح اللي يدلعج ويدللج

مسك .. سميه البطل .. و الا قولي له و انتي تسولفين عليه حتى لو سالفه ما تهمه مالي غيرك اقوله
و تشكري منه بين وقت و الثاني على اشياء يسويها.. و طرشي له مسجات .. و بين 3-4 ايام دقي و سالييه ما فقدتني ؟ او اذا طول عليج و ما دق و اهو مطول بالطلعه او بالسفر .. تنقصي له اشياء و انتي طالعه لو شي بسيط
عاد انتي و شطارتج و حسب الموقف .. .. و عسى الله يوفقكم و يسخركم لبعض

مشكوره حبيبتي زيونه
وطرت على بالي فكره الكرت تحت المخده

هااااا تخصصي الكلمات و اللعب بالكلمات وصلنا خيير

مثلا لما يدش … تقولين له هذي الاغنية

هلا باللي علي أقبل نورك و الا ذي القمرة .. و اذا بتكملينها .. > انا توي عليك اسأل و الطيب يجي بذكره

و الا هلا باللي لفاني يا هلا به .. عدد دقات قلبي في غيابه ..

وووو

ياا بعد طواايفي ..يا بعد هالدنيا .. نظر عيني .. يا بعد شريااني الأوردي ههههه هذي توني مخترعتها < لا يكون مخترعة الذرة بس طبعا ما تنقال في أوقات رومانسية

مثلا اذا ناداج يبي شي تردين قاائلة :

– أأمرني تئبرني
– ياا لبييه
– يييسس هنيي

بكل لغات العالم

و اذا تذكرت شي برجع ان شاء الله لأن الحين مو بمودي

انا دايما اقوله ياغلاي
ياحبيبي
ياعيوني
ياعمري انت
فديتك
حياتي
حبيبي
غلا الدنيا
نظر عيني
شوقي وولهي انت

واخرتها اعرس علي الحقير خخخخخخخخخخخخ
موكفو الكلام الحلو
<< قامت تطلع عقدها النفسيه
يلا مشكورة حبيبتي عالموضوع الحلو

امبيييه وانا أقرا شلون تدلعينه قاعده أقول ما شاء الله الله يهنيهم بس لما نزلت شوي ما بي أقول لج شقلت بس حرني

يا زينج يا فلانا متألقه دائما