|
|
بنات بعيد عن المكياج وبعيد عن تصفصف الكلام للزوج وعن المعامله الرقيقه واسلوب الاغراء وغيره من هذه الامور اللي كل وحده شاطره تعرفها وتتفنن فيها
شلون تقدرين تخلين زوجك يركض وراك من نفسه يشتاقلك دون هذه الامور جميعهاالرجاء من المتزوجات كل وحده تساهم في هذا الموضوع احتمال تذكر شىء يكون البعض غافلين عنه ومنه نقدر نذكر ونعوض
وكل نصيحه تقدم لها اجر وثواب
تفضلوا 
بس لازم تعرفين اشلون تغرين زوجج
عاد اهني المشكله
اللي تعرف عن هالفن تقول
بصراحة مشكلة في ناس ما تعرف شنو وانا من ضمنهم
يا الله اهل الفن يعلمونى
بنات راح نسوي دوره كيف تكوني ملك الاغراء؟
بس نبي المحاضرة منو
وطبعا ما شالله عليها كفت ووفت .. ماخلت شي ماتحجت عنه .. ومن ضمن المحاضرات ذكرت لنا يوم عن فن التعامل مع الزوج ..
طبعا يبيلها شطارة .. بس اذكر انها قالت مثلا اذا زوجج مثلا بغى يسهر بره مع ربعه وانتي تبينه يرد البيت اليوم مبجر .. تبين تقعدين معاه .. تسولفين معاه .. شتسوووون
انه اقولكم .. روحيله قوليله ها بتطلع حبيبي الله معاك ان شالله .. بس بتتأخر اليوم ولا لأ طبعا بيقولج مادري .. قوليله انزين انه بنطرك لأني مزهبتلك مفاجأة .. طبعا انتي مو مزهبه شي لا هديه ولا حركات وفناتك ..
بس ضبطي روحج ونومي اليهال .. ولبسي وتمكيجي وكشخي عالآخر طبعا مو تلبسين اي شي لبسي قميص نوم من اللي يحبه واول مايرد استقبليه بكلام حلو وقوليله اشرايك بكشختي ها مو خوش مفاجأه ..
هذا موضوع واحد من اللي قالته راح اقولكم بعد اشقالت بس مو الحين لمن اتذكر 
* يعني تخلون حياتكم مثل اللي يعشاق ………..يعني مثال :- اذا راح الدوام اتصلي عليه سألي عنه و قوليله كلام حلو ………..مو بس تتطلبين ويب وهات ………..جذي راح احس انج موداقه تسألين عنه و أنج ماتبينه الا للعازه.
* واعتقد ان اهم شي ان المره لما تزعل ماتروح بيت اهلها الا للشديد القوي …….وماتصير الا مره بحياتها ……….مو كل شهر تبي شي ما قدر يشتريه راحت بيت اهلها ………..والله بطيح من عينه .
هذا رايي بالموضوع واذا تذكرت شي مهم بقولكم
بس سؤالي الى متى نستخدم فن الاغراء ………………… ؟
الى متى نستخدم معاهم الاسلوب الحلو اللي احنا كل يوم نستخدمه ونحاول ان نبتكر فيه ونطلع الاشياء الجديده……………….. تعتقدون ما راح يجي اليوم وتملين وتتعبين!!!!!!!!!!!!!
أما المصيبة اللي احنه فيها واللي تخلينه نمل وتطق جبودنه ان رياييلنه من النوع اللي غصب يلاحظون قطططع مو شي عشان جذي توقعي انج راح تملين بسرعه .. الله يهديهم ان شالله
فهالنوع من الرياييل اللي ما يلاحظون .. سمعت ان المرأة خل تكون عاديه بلبسها ولا تتمكيج وايد ولا تتجدد وايد .. ومرة وحدة جك بم على قولتهم خل تلبس وتتمكيج وتسرح شعرها يعني مرة بالاسبوع او مرتين بالشهر .. < —— قلعتهم
لأانها راح تمل اذا اهيه تكشخ وريلها ما يبدي رايه او ما يلاحظ عليها وراح توصل لحد معين بعدين راح تبدي تعصب وتتحلطم والريال عاد كلش ولا تحنين فوق راسه لوووووول والله حالتنه كسيفة
وطبعا لا تنسون حل السانك الكل يكون خلانك
ولاقيني زلا تعشيني
وكيد الرجال هد جبال … وكيد النسى هد الرجال
ولا تنسون المسايس الريال ترى مثل الياهل ساحليه وسايسيه يكون طوع امرج
كلامج صح 100%
بس بصراحه كل شي لا حدود راح يجي اليوم ونتعب ونمل من قلة اهتمامهم فينا
الله على زمن اول المره ما تحتاج تسوي اغراء ولا يحزنزن ولا تتفصخ بالشارع كانت ساتره نفسها بيتها حتى جدام زوجها بس ماشاءالله عليهم الرييايل اول عن الحين
راحوا الرياييل …………………..
ردو الرياييل ………………….
صح؟؟؟
الحين انقلبت الآية …
رياييل هالوقت يبون احنا نداريهم وندلعهم ونشتري خاطرهم ونقوم بكل مهام المره والريال بعد وووووووو وجان زين فايد او عاجب بعد …
انا اشوف الاسلوب الامثل ..
ان الوحدة تقوم بواجباتها كلها …
ولا تسوي ولااااااااااااااااا شي زيادة على واجباتها الا اذا شافت ان الريال صج مو قادر …
ويكون للمره دورها وللريال دوره …….
سوري خربت الموضوع بس مو ملاحظين ان بالكويت عموما وايد مدلعين رياييلنا على حساب روحنا ؟؟؟
انا اقول خل يولون بس الوحده تسوي اللي عليها وبس
وبالنسبة حق المغازل حاول ادق عليه واهو طالع واسولف واغازل مافيش فايدة يقولي خليني شوي ابي مجااااال لاتدقين لاتدزين مسجات يننتيني !!!!!!!!!!!!!!!!!!!!!!!
ومافي حل ويا زوجي غير التطنيش … الحين عرفت له اذا اهتميت فيه ودلعته وووو يعني طراقات وكلام خايس ولوعة جبد … اما اذا خليته يولي وحقرته القاااه يركض وراي !!!!!!!!!!!!!!!!!!!
خالف تعرف …حمدالله والشكر