هل تفضلين خيانة الزوج أم الضره؟

أول شي الموضوع تراه منقول

ثاني شي اسم الله عليكم من الضره ومن الخيانه

ثالث شي لازم تجاوبون يعني لو خيرتي بين الخيانه وبين الشريجه(الضره) شنو راح

تفضلين ؟ ادري كلا الامرين مر بس لازم الاختيار

انتظر ردودكم

و الله الاختيار صعب .. بس الضره اتوقع اهون لو يقول لي انه بيتزوج مره ثانيه .. يعني لو عندي علم .. بالحلال و لا الحرام ..و مع وحده و لا مليون و ما يندرى عنهم .. بس لو ما بلغني و تزوج بالسر يتراوالي الحره واحده في الحالتين الوضع واحد .. و الله لا اييب هاليوم لا لي و لا لاي وحده منكم امين !

لا هذا ولا هذا

الحالتين كل وحده اقشر من الثانية
بس انا يتراوالي اللي يخون ممكن الله يهداه والصبر معاه ممكن اييب نتيجة
وذنبه على جنبه محد بينام بقبر احد
وخيانته نتايجه عليه اهو ما راح تاثر بالعيال والبيت تاثيرها بيكون عليج وعليه
عالاقل اضرارة اقل
وجدام الناس مظهر اجتماعي و زوج

لكن اللي يتزوج هذا بايع موليه كلش مابذنه ماي
وبيقول لج عذره معاه وبالحلال فحرته حررررررررررررة
والاضرار على العيال بالاول والاخير وعليج وعلى اهلج وعلى البيت وكل شي
وجذاب اللي يقول انه يعدل
اتوقع انا ابيع على طول اذا السالفة فيها زواج وما اقدر اصبر خلاص
لان الشي بيتعداني لي عيالي

وووووووووووووووووووواااااااااااااي شهالفال؟؟؟
يبا الله يهداهم ويعلهم مايشوفون حريم غيرنا

انا اذا بخيرني بعين قويه !!

بطلب الطلاق سيده

الصراحه قرار صعب ولا هذا ولا هذا !

نفيشة كلامج عدل قلتي الي بداخلي

الاختيار صعب

لا ده ولا ده
بس اذا لازم اجاوب
مثل نفيشه فعلا اذا خيانه ممكن نزوه ويمكن يتوب ومرده لي انا مرته ام عياله وكل شي بالخش ممكن ينتهي بيوم
لكن تزوج علي يعني خلاص لزقت فيه عمره كله وراح تناشبني بكل حقوقي عكس العلاقه االلي مالها حقوق لا جدام الناس ولا يمكن بينه وبينها ولا اعتقد انه بيحترمها ولا المجتمع بيحترمها عكس زوجته الثانيه

بالنسبه لي الاثنين يعتبرون خيانه

الأختيار صعب …
ماأقدر أختار … يعني 70% أسامحه من الخيانه وممكن يتوب ويتعظ أما اذا رد مره ثانيه وخان أطلب الطلاق منه ( بعيد الشر عني وعنكم )( فال الله ولافالي ) هههههههههههه الظاهر أحتريت من الحين…

والله انا برايي يتزوج ابرك من كل يوم عند وحده اول شي ابدى معلي صحتي باجر يايبلي ولد كم هنديه ولا فلبينيه شيسوا علي لا تقولون بالخش والدس الكويت صغيره كل واحد له يوم بيطلع بلاويه
على الاقل لما الناس تتحجى يقولون ماخذها على راسج بالحلال مو بالحرام شيسوا علي اشوف عيالي روسهم موطيه بالارض بسبة ابوهم

اللي ماتقدر تستحمل الظلاق احس حل

الاختيار صعب حيل

بس اختار الخيانه

احس اهون وعسى ربي يهديه
امه اييب وحده فوق راسي وجدام الناس وتشاركني بكل شي لااء والف لااء

اذا حتى لو فكر تفكير بالاختيارين اقوله مع السلامة
ما تلزمني

بنات …….

شالسالفة؟؟؟؟؟؟

أمبيه…….. غالبيتكم اختاروا الخيانة ولا الزواج مع انه هذا بالحلال وذيج بالحراام..

أي نعم اثنيناتهم صعبين …..بس انتي ماعليج منه ..

ماعليج من الريل ….جدااام ربج تحبين تكونين مؤيدة ومحرضة للحلال ولا الحرام؟؟؟؟؟؟

اذا اخترتي الحلال رااح تصبرين مثل ما أنتي صابرة عالخيانة(يعني صابرة صابرة) وتحتسبسن الأجر

وكل شي جداام عينج…

أما اذا اخترتي الحرااام …..فراح تكتبلج وتحاسبين معاه في كل خطأ وتكونين متعاونه معااه على الإثم

هذا غير الأمراض اللي ممكن ينقلها ينقلها لج ولعيالج..

وغير بعد انه رااح يتعود على حياة الوصاخة..وربع السو..وممكن يمشي باشياء ثانية

وغير انه سمعة العيال من سمعة الوالد….فـــ …خل الناس يقولون ابوهم متزوج وحدة ثانية

ولا يقولون ابوهم كل يوم مع وحدة والمتردية والنطيحة!!!!

آنا هذا رايي بصراحة….