عندي مشكله وأريد المساعده

مشكلتي اني فتحت جوال زوجي ووجدت بطاقة احوال وعليها صورة وحده متنقبه عن طريق البلوتوث المهم يا بنات انا مسحتها وواجهت زوجي ورد علي بكل برود انها شي عادي ومجرد صوره فكاهيه بس انا شديت معه في الحوار وقتله ليش مامسحتها قال انها ماتعنيلي شي وكنت بوريكياها بس انا اصريت انه غلط وان هذا الشي مايجوز وتخيلو وش قلي قال بتزعلي ازعلي واشربي من البحر وطكي راسك في الطوفه وانا من يوم قلي هالكلمات زعلت منه اربعة ايام ما اكلمه ولا انام معاه في الغرفه وانتضرة يجي ويراضيني لاني ماقدر اعيش الساعات من غيره وكل مره افكر اروحله اتردد ويش راح اقله بنات الله يخليكم ساعدوني وهل الي عملته صح وردة فعلي صح وقلولي كل شي لو انتم في مكاني ويش تسوون علشان اخذ حذري المره الجايه قلولي انتضره ولااصالحه وش راح اقله ولكم جزيل الشكر والي ترد الله يبلغها رمضان :

الله يكون بعونك المفروض انك ما تتسرعين لان بمجرد انه قال انه "انها شي عادي ومجرد صوره فكاهيه" كان لازم تتركين الموضوع مع الاخذ بالحرص من راي انك لا تقطعين فيه وروحي غرفتك ونامي واذا قال ها رجعتي قولي له انش رحتي باريس غيرتي جو ورجعتي على اساس ينقلب الموقف من زعل الى ضحك والله المستعان
لطفي الجو لا تكونين شديده معاه وخليش في نفس الوقت حريصه

الله يهديه ياربي ويصلح بينكم.. والله مادري شقولج بس أنتي تسرعتي مفروض لما قالج عادي خلاص أسكتي وغيري الموضوووع بس أخذي الحذر واذا تكرر الموقف لابد من المواجهه..أنا اذا كنت بمكانج والله ماأكلمه لو شهر لحد مايجي هو ويعتذر مو مسألة كرامه أو شئ لأ.. لأن لو الموضوع عادي مايزعلني بالطريقه هذي والا يطنشي.. هذا لو أنا بمكانج أما أنتي مادري عن طبيعة زوجج وأسلوبه معاج … وأعتقد أختي الصوره عاديه لأن أحنا بعصر البلوتووووث والبلاوي فتعتبر الصوره ولا شئ….

الحين سوالف البلوتوث وايد

انتي شفتي وحده منقبه وبس صوره فكاهيه ليش ماخذيتي الموضوع غشمره
وبعدين تقعدين معاه وتفهمينه انج ماتحبين اتشوفين من الشغلات هذي في موبايله

وحاولي كثر ماتقدرين الزعل بينج وبينه مايطوف عليه يوم

شوفي انا اتفقت مع زوجي من بدايه حياتنا انه اذا صار زعل بينا من ثاني يوم ولا جنه شي صاير

مو مهم انا غلطانه ولا اهوا

ولا تعودينه تتركين الغرفه وتنامين بعيد عنه

والحين خلاص السالفه طولت 4 ايام وايد الصراحه على هذا الشي

ونصيحتي لبسي وتعطري وتبخري ونامي بفراشج عادي

واهوا راح يكلمج ان شاءالله

والله يهديكم يارب

ان شاء الله الزعل ما يطول بينج وبين زوجج..
وصدقيني انت الوحيدة اللى تقدرين تعرفين اذا كان هذا البلوتوث
يهم زوجج او انه مجرد شيء عادي …لانج انتى اللى تعرفين طباع واخلاق زوجك..
ومدام قال انها صورة عادية..فاعتقد انج لازم تصدقينه وبنفس الوقت تديرين بالج..
وانا الموقف هذا صار معي مع زوجي مع اختلاف بسيط في الاحداث..وزعلت وبكيت
وقومت الدنيا وقعدتها وفي الاخير ما طلع فيه اي شيء وكانت مجرد غيرة زايدة منى على زوجي..وانت حاولي تلطفين الجو مع زوجك وما تفتحين الموضوع معاه..وحاولي تكلمينه راح تلقينه شووي شووي بدا يكلمج واكيد هو راح يفتح الموضوع ويعتذر..
ادري اني طولت عليج واتمنى اني قدمت ولو جزء بسيط من الحل..

حسبي الله ونعم الوكيل الحين صارت صور المنقبات فكاهه؟

صالحي زوجج حبيبتى ،،،،، وعقب ما يروق قوليله الى يتونس بصور خلق الله ربي اوريه بأهله،،،،

حبيبتي سوالف البلوتوث صارت عاديه………..والمفروض ماتكبرين السالفه ولازم تكون الثقه بينكم اكثر من جذي…….وبعدين هو لو عنده شي بيخلي الصوره لمن انتي تطيحين عليه

يا عياره:شكلج حابه تدلعين عليه شوي
ذكري ربج ومثل ماقالولج البانت تزقرتي وتهندسي وراضيه بوكيه ورد وكرت مكتوب عليه

ليت لي قلب يتحمل غيابك
وفي غيابك ليت لي عين تنام
ولو خذاك الليل وياه وسرابك
من يقول النوم يخفيه الظلام
كل ما فيني يحن لكل ما بك
وانتظر منك لو يجي لي سلام
وش عليه القلب لو مات وحيابك
التفت لي يا بعد عمري حرام

او

جيت لــ..ك … !

وعقب انقطاعي ،، بنفس احساسي
وطباعي ،،

اشتاق
ثم اشتاق
بعدين اشتاق
أنام وأنا مشتاق
وأقوم وأنا مشتاق
هذا أنــــا
قبل وبعد انقطاعي .. !!
ما قلت لك حلوة طباعي .. ؟!

سويله حركات اكشناااااااااااااااااااااات

انا برايي اختي انج اتعطرين وتنامين بفراشج وتحاولين اتردين العلاقة بينكم لان اذا ما كنتي تنامين معاه ممكن يطالع برة الريال يصبر يوم او 2 او اسبوع بعدين يمكن يسوي شي مايرضي الله خصوصا انا ربع السوء وااااااااايد وهالربع مو بس يضرون المراهقين مثل ما يصور لنا الاعلام بل حتى المتزوجين ينظرون منهم وقوليله انا نسيت الصورة لاني ما اسمح لاي شي يخرب حبنا وعلاقتنا وبس عيشي حياتج معاه عادي وونسية واذا شفتي شي ثاني كبير (لان اعتقد سوالف البلوتوث احنا البنات نعتبرها كبيرة وعيب حتى نطالعها وحرام اما الريايل بعضهم يشوفونها شي عادي) اذا شفتي شي كبير صارحية وخلي حوارج معاه هادي ومنطقي

وانا هذا رايي واتمنى يكون صح وان يعود عليج بالنفع وبالنهاية هذ1ي كلها اسباب انتي تبذلينها وحرصي على الدعاء (اللهم ملكني قلب من احوجتني اليه واجعلني ماء عينة )
والسلام عليكم

عزيزتي
بغض النظر علي هالمشكله عندي نصيحه لحياتج
لايكون ثم لايكون ثم لايكون توعدين ريلاج انج تطلعين من الدار اهو يطلع من الدار نهائيا
لاتفتحين هالباب
ترا مايتسكر باجر كل ماضاق خلقه او زعل شال شلايله وراح الصاله ونام وتاليتها شهر بالصاله واسبوع بالدار وشهر بصاله وخمس ايام بالدار
لاتستهلين هالامور
والسالفه صغيره وانتي كبيرتيها
ماكان لازم توصلين الزعلي لي هالدرجه يمكن في بدايه الزعله كان لج حق انج تعاتبينه وتزعلين بس انتي كبرتي الموضوع وعطيتيه اكبر من حجمه وسويته مشكله عوووووووووده وززعله من شي صغير
لو كان وياج حق في البدايه الحين راح الحق وصار عليج
ويالله الحين شلاون تحفظين ماي ويهج وتردين؟

جان قلبتيله الموقف وقلتيله انت ترضى تشوف صورت رجال مشوووووورب بجوالي………….؟؟

اكيد ما راح يقدر يرد……………

بس جااااااان الحين راحت السالفه………………..

المهم…………….

ردي نامي بغرفتج اني اللي تنامين بره والا اهووووووووووو؟؟؟؟؟؟؟؟؟؟؟؟؟؟؟؟؟

اذا انتي صراحه اكبر غلط

اذا في نوم بره هو اللي ينام بالصاله او يتصرف

ردي نامي وهو بيصالحج اذا يحبج……………….الرياجيل هذا نوعهم ما يتغيرون

واخر شي

ترا المسلم ما يقاطع اخاه المسلم فوووووووووق ال3 ايام,,,,,,,,,,,,,,,حطي هالشي براسج

صج سالفته مو حلوه يوم حط صورت وحده بس شنسوي هذول ترا مو بس زوجج ازواج هالوقت

اخر زمن…………………….

عزيزتي روحيله واعتذري منه وقوليله انا تسرعت بردة فعلي بس من حبي لك وغيرتي عليك من شفت صورة هالمره بجوالك شبت الغيره عندي بينيله ان الهوشه اساسها حبج له وغيرتج عليه عشان يعذرج وهم يطخ ..

بس احسن شي سويله جو رومانسي اذا جا البيت يتفاجا فيه .. جربي والله يهدي الامور بينكم ان شاء الله ..