|
|
البهاق وتوحيد اللون :
شلونكم حبيباتيِ ، طبعاً بكل موضوع كل اللي يردون علي ادعيلهن بالموضوع وبالغيب ان شالله ، واتمنى هالموضوع ما تنطشون فيه لأنه جد جد مهم عندي حييييل !
انا فيني بهاق من صغري ومنتشر بجسمي بشكل مو طبيعي ، تنصحوني اوحد اللون ؟
يعني اصير كلي بهاق وكلي بيضااا ؟؟
انا بصراحة ما ودي بس لما شفت شريحة كبيرة من الناس فيها بهاق وناوية توحد اللون لانهم يبون بشرة صافية وبيضا تشجعت أكثر …
ممممم مادري بنات ماني متخيلة نفسي آنيّ آصير فاقعة وَ wOow
مرات اقول اذا وحدت اللون البياض راح يكون طبيعي وحلو شكلي ، ومرات اقول لا راح يطلع فاقع اكثر من اللازممَ …
ممم مادري شلون والله ! 
الحين سؤالي لكم :
س1 : عمركم شفتوا آحد كان عنده بهاق ؟ وشنو سوا ؟ راح تعالج ولا وحّد اللون ؟
س2 : تعرفون اشخاص وحدوا اللون كله ،؟ وشلون صار نمط حياتهم من ناحيتهم نفسيتهم ومن ناحية الحياة ؟ يعني ارتاحوا ولا تندموا ؟
س3 : اللي سووا توحيد اللون ؟ هل في اشياء معينة ممنوع يسوها او ممنوع ياكلها ؟
س4 : وين سويت توحيد اللون ومن متى ؟ وعند منو ؟ وهل عبارة عن ابر ولا كريم ؟؟
بنات انا كل ما افتح موضوع اكتب فيه راح ادعي للي ترد علي ، بس اللي تعطيني معلومات كافية وصحييييحة -اهم شيء تكون صحيحة- ماتتصور شكثر راح ادعيلها بحياتي كلها …
لحد يستحي يقول اذا فيه او بأحد من قرايبينه انا مابي مو اللي عنده المرض ، ابي بس شلون تأقلم معاه ….
صج آني بنوتة وعلاقتي حلوة مع الناس وآضحك بهبال بس جد مرات آحس بنقص وَأسكت بالمرة
متأزمة حيييل من هالشغلة ..
الحمد لله ع كل حال ،
آي جفت , وحد آللون
س2 : تعرفون اشخاص وحدوا اللون كله ،؟ وشلون صار نمط حياتهم من ناحيتهم نفسيتهم ومن ناحية الحياة ؟
آي آعرف بس مب وآيد ويآهآ , بس ترى يعني كبرت و مآتزوجت آذآ هآي قصدج , بس كآن لونهآ حيل فآتح .. حيل
يعني ارتاحوا ولا تندموا ؟
مآدري ,
س3 : اللي سووا توحيد اللون ؟ هل في اشياء معينة ممنوع يسوها او ممنوع ياكلها ؟
مآدري وآلله
س4 : وين سويت توحيد اللون ومن متى ؟ وعند منو ؟ وهل عبارة عن ابر ولا كريم ؟؟
مآدري
بس آحس آحسن يسون زرآعه جلد آللي هي mini grafting
آحس آحسن من توحيد آللون آللي يصير آبيض كآمل يبين مش طبيعي ..
بس هي سوت توحيد آللون لآن من زممممممآن فيهآ وهي في آخر آلـ 40 آلحين
أنا أمي فيهااا
واللون توحد من الله وشكلها حلو والي مايعرفها ع باله طبيعي
وفي وحده اعرفها هم فيها وتوحد من كيفه وشكلها حلو تلبس الي تبي
تزوجت وعندها عيال
أنا اقول وحديه افضل للمظهرك ولراحتك النفسيه*
بس تأكدي ماله ضرر اذا وحدتيه
ولا يدخل في قلبك الحزن هذا من الله ومو عيب يكون الانسان فيه هالشي
والله يوفقك
وبالمقابل فيه ناس مافيهم شي وموقف نصيبهم
يعني المساله نصيب لا اكثر
اسألك بأن تحفظها وتيسر امورها وتحفظها من كل بلية
اب
اب
اللي ترد تقولي وين سويتوووه ؟؟؟
واللي تقول يطلع اللون مو طبيعي يمكن استخدمت حدة لون بيضة حيل !!!
وحده اعرفها كانت مبقعة من البرص
و بعد فترة وحدت لونها
ما حسينا ان شكلها غريب كلش, حيل طبيعي
و صارت اجتماعية اكثر
الله يوفقج
ربي يتمم عليج على خير
انا صراحه اول مره اسمع بهالشي وانصدمت انه فيه جي !!!!
وانصدمت اكثر من زراعه الجلد
حبيت اعرف اكثر
وانششالله بتابع الموضوع معاج ودي استفيد
والسموحه ماقدرت افيدج بشي
بالعكس تصير بشرتج حلوه وصافيه
وانا شفت وحده معاي بالدوام موحده لوونهااا
والكل منهبل على صفاء بشرتها ماشاءلله
عادي اتكلي على الله وواهي الحين متزوجه ماشاءالله
والله يوفقج حبيبتي
Vitiligo Cure
مآيكل جآكسون كآن فيه و وحده لونه صآر آبيض بس يبين مش طبيعي ,
آذآ آنتي تبين هآلبيآض وحدي لونج
آقري عنه آلكيوّر لآن شوي شوي يوخر آلبيآض
اصداف-مرض البهاق مع الدكتور أحمد العيسى 1/4‎ – YouTube
صباح السعودية – مرض البهاق – الدكتور احمد العيسى‎ – YouTube
ياااااارب يلبسك ثوب العافية والسعادة لك ولأمة محمد أجمعين عليه الصلاة والسلام
وشكراْ ع اللي رفعوا الموصوع الله يرفع قدرج وانا اختج ، ماقصرتوا ع الدعاء ولكم بالمثل ان شالله !
الردود غالباً مشجعة بس ارجو انها ما تكون مجاملة !
بنات ماقلتوا لي وين سووا الناس ، وشلؤن تأقلموا معاه ،؟؟
سمعت انه لازم مايتعرضون للشمس لفترات طويلة مع شوية كريمات …
>> نمط حياتي بعدين شلون راح يصير ؟؟ ياليت تسألون كل اللي تعرفونهم ب الله ي بنات !!
سبحانك اللهم وبحمدك
اب
اب
اب