|
|
بنات منو سوت عند بشرى العيدان
وشنو نظامها لان ابي اسوي عندها
فا بعرف طريقتها ومتى تبدي بالبروفات ؟ ومتى توريكم التصاميم ترسمهم جدامكم ولا لازم موعد ؟
بليز اي معلومه راح تفيدني
اتمنى اللي مخيطين عندها يعاونون واللي عرسهم قريبه هم جمله منكم تفيد شكرًا
هلا حبيبتي
انا تعاملت معاها بس تأجير وكانت وااايد راقيه بالتعامل وملابسها روووعه
صراحه احترت اختار اي بدله منها
خذيت بدلتي بـ 1400
واحلا مافيها كل شي من عندها المسكه وخدمه فلبنتين للثوب وطقم الماس
أنا أنصحج فيها
يوم عرس اختي رحنا لها .. طبعاً اخذنا مو عد اول شي
وورتنا نفانيف روعه احترنا شنو ناخذ
بس ماأجرنا من عندها لان ماقررنا بسرعه قلنا بنشوف مصممين غيرها ونرجع لها
ولمن قلنا خلاص نبي البدله .. دقينا عليها والا البدله راحت علينا
بس شنو .. النفنوف معاه العقد والمسكه والفلبينيات
واسعارها صج غاليه بس الاغلبيه جذي
بس فكري فيها توفر عليج اللويه مع النفنوف .. الفلبينيات يلبسونج ويرافقونج لي الصاله ولي البيت
والحلوو فيها تسأل عن الاصل أو العايله وماتوريج كل شي
يعني النفنوف لمن يتأجر منها خلاص ماتوريه احد
واذا القبيله نفس قبيلتج هم ماتوريج
عجبتني هالشغله
من 1000 وفوووق
واذا تصميم 2000 وفوق
انا اجرت منهااا بدلتي تهبل وتحتارين شنو تختارين
واللي تسال عن مكانهاااا محلها بسالميه بشارع حمد المبارك اسم محلهااا دار بشرا مبين من تدخلين الشارع
لأن نفانيفها تظل نظيفة وجنها يدييييدة..
عموما.. اهيا عندها وايد زحمة.. اخذي موعد وروحيلها.. و شوفي النفانيف أول الموجودة.. واذا ماعجبوج خليها تصمملج
أغلب -أو كل- نفانيفها أوف وايت.. يعني غسلي ايدج من البياض الناصع
بس صج صج نفانيفها روووووعة ماشاء الله تطلعين ملكة وأميرة وكللللللل شي بعرسج
الله يوفقج ياقلبي
جد جد شجعتوني أروح لهااا
إن شاء الله على خير إذا ربي تمم أموري أول وحده بروح لها بشرى
لأنه حيل يمدحونها بعد
ومشكوره ي صاحبه الموضوع
روحي اخذي منها