|
|
طبعا العثور على احد شاطر مو صعب في كثييييير معروفات بس العثور على انسانه ثقه و تلتزم بمواعيدها ولا تخذلك في اوقات مهمه وتخرب عليك هو اللي صعب جدا
للاسف بحكي عن انسانه انا سابقا نصحت فيها لكن للاسف اكتشفت انها نصابه و ماتلتزم بمواعيدها وتحطك امام الامر الواقع
بصراحه كان عندي مناسبه جدا مهمه قبل ايام وصار لي مقلب محترم فحبيت اكتب هالموضوع وانبهكم لأن لين متى والكل يستغفلنا واكثر من مره اقول ليش احكي واقطع رزقها بس صراحه يستاهلون انا اقدر بكتابة هالموضوع انقذ وحده مسكينه من انه يصير لها اللي صار لنا وربي يعلم اني ماكتبت ولا راح اكتب الا اللي صار بالضبط
المهم اللي صار اننا حجزنا وحده اسمها هندا للميك اب قبل زواج اختي باربع شهور واحنا ماشاء الله كثار فحجزناها لنصنا والنص الباقي مع وحده اسمها حكيمه
طبعا قبل الزواج بشهر رجعت كلمتها امي عشان تأكد عليها وكمان قبله بااسبوع كلمتها مره ثانيه
المفاجاة يوم الزواج اتصلت عليها لانها تاخرت فقالت لامي بالطريق ان شاء الله بس انا ماراح اجي ارسلت لك اثنين غيري فقالت امي ليش كذا مايصير هالكلام كان قلتي لو حتى قبلها بيومين قالت والله انا مضغوطه وخلاص برسلك اثنين كويسات
طبعا امي خلاص نشف دمها ولافيها حيل تناقش ولاتقول شي لان اصلا مافي وقت ندور احد او نروح لمشغل
وجو اللي ارسلتهم متأخرين حوالي ثلاث ساعات و والله لو صلحنا مكياجنا وشعورنا بانفسنا كان طلعنا احسن بمليون مررره هاذا غير ريحة الدخان اللي خنقونا فيها
تخيلوا حتى الفير مو عارفه تستخدمه علق بشعر وحده من خواتي وبالموت فكيناه هاذا غير الكذب يكلمونهم ناس وتحلف انها بالطريق وهي عندنا
طبعا سووا اللي سووه و حاولنا نصلح اللي قدرنا عليه
بالمقابل جتنا حكيمه وكانت كالعاده سريعه ورائعه بمعنى الكلمه وحاولت تصلح لامي التخبيص اللي سووه لها بدون ماتطلب ولا ريال بس كسرت خاطرها لانهم جد مايعرفون شي
طبعا لما كلمت هندا بعدين قالت والله احنا قروب وعادي لما اكون مضغوطه ارسل احد غيري فقلت لها قروب مو قروب براحتك بس المفروض من اول تقولي راح ارسل احد ثاني اذا ماتبون خلاص بس شكلها متعوده كذا وطبعا الكل بيضطر يسكت ويمشي اموره
بالاخير احب اقول حسبي الله عليها وعلى كل وحده تنصب وتتلاعب وكله من سمعتها بالنهايه
انا اول مره اسمع فيها لاني مو من اهل الرياض بس يالله عطيتينا فكره الله لايوفق هالاشكال
ومشكوره حبيبتي ع تنبيه
حسسسبـيُ آلله عليهــآإ ..~
آنـآ من آلكوويت بس آلفضضول و عمـآإيلهه 
واحسن مركز تجميل رحت له بالرياض صرااااااحه وبدون كذب…هو مركز شيفون رااائع بمعنى الكلمه..
بس هاذي هندا اول مرة اسمع عنها بس حسبي الله عليها كان المفروض سويتوا بروفه قبل
بس انا حجزت عند مشغل بالعليا اسمه اللمسه السحريه او شي زي كذا عند سوريه اسمها رهف طبعا صديقتي مجربتها وهذا اهم شي
بنات الرياض اللي تعرف وحدة تصويرها ممتاز وراقي ومجربه ترسلي لي رقمها بليز
بنات ديررتي ابي كوافيررره سنعه سسسسسسسسسسنعه بمعنى الكلمه ابيها تجي للقصيم مابي اطلب من الحفر ابي وحده شياكه وابي مصوووره راقيه وذوووق يلااااااا افيدوووووووووني تكفون بنات الرياااااض