|
|
سلام عليكم
شلونكم بنوتات
اليوم بساعدكم خطوة بخطوة معاي شلون تحطون مكياج البيت الخفيف الناعم الي يبرز ملامحج وجنج مو حاطه مع شوي حركات بتصيرين احلا عروس وتسريحاتج بالبيت وحتى لو كنتي ساكنه عند حمولتج وبتنزلين لهم تحت
الصبح اول ماتقعدين تسبحي وغسلي بغسولج اليومي وسوي سنفرة انا افظل ستيفز عجيبه
خلي عندج على طول بخاخ في ماي ورد ورشي منه قبل المكياج
نطري لين ينشف بعدها حطي مرطب الي يناسب بشرتج اذا دهنيه اخذي مرطب خاص للبشرة الدهنيه واذا جافه اخذي مرطب ترطيبه عالي
بعدين حطي بيس الي يناسبج وجفنشي حلوو
حطي طبقه خفيفه عشان يبين طبيعي ونطري ينشف ديري بالج تحطين كل شي فوق بعض ترا يتكتل ويسير شكله مو حلوو
بعدها اخذي كونسيلر الي يناسبج واخذي حسب لون بشرتج انبهكم بنات اذا هالاتكم غاااامجه اخذو كونسيلر غامج مو تاخذون فاتح ترا يطلع رمادي مايصلح المشكله بالعكس يعقدها
وبعدين وزعوها بسفنج ونطرو ينشف
اذا نشف وخلص الحين دور كريم الاساس اخذو كريم اساس استعمال يومي الي يكون خفيف مو طبقة ثقيله يعني بالبيت بعدي عن استيلودر والانواع الثقيله ملوت العروس لا اخذي نيفيا برجوا او ريميل
هذولي حق الاستعمال اليومي ويبين طبيعي
بعدين مكياج العين كثر ماتقدرين خليي نااااعم الالوان وردي – لحمي – برونز فاتح – احيانا اذا حبيتي تغيرين اللوك تركواز
وحطي بهالطريقه الناعمه
او اذا ماتحبين الشدو اكتفي بالكحل بس
خطتج للكحل خلي ايدج خفيفه وانتي تخطين عشان يطلع حلو ونعوم
تقدرين تحطين الكات ايز
ومرات غيري لوكج وحطي كحل ازرق تحت عينج وااايد حلو يطلع
او ابيض
بس لا تكثرون منه
او بني
حلوو حق الي عيونهم صغار يكبر العيون
المسكرا دايما كثفي المسكرا واخذي مالت ميبلين او ريميل او لانكوم عجيييبين يطولون ويكثفون ونوعي بالالوان لا تخلين ستايل واحد عشان ماتملين اخذي مسكرا زرقه او بنيه
وبين فتره وفتره وبالشهر مره حطي رمووش خفيفه وطبيعية تعطيج ستايل حلوو
واخذي الي اطارفها طويله وايد حلوو
وبعدي عن الكريستال الي بالخشم والعين ستايله راح
ولا تلبسين يوميا عدسات بين فتره وفتره لبسي مره عشان يتغير شكلج واخذي لون رمادي
او عسلي يعطيج شكل طفولي
البلاشر دايما اخذي الوردي الفاتح اذا ماكان عندج خدود والغامج اذا كان عندج وايد
الفاتح يعطي احياء انه خدودج متفوخه والغامج صغنونه
اذا كان ويهج ..
والحمرا بعدي عن البنفسجي والبني والعنابي والاحمر اول فتره حطي اللحمي او الوردي الفاتح او اكتفي بالقلوس شكلج بيسير بريء
برب لحد يرد بلييز
تسريحة شعرج بالبيت يا عرووس ..
نوعي بالستايلات والتسرحات مو دايما بس موديل واحد ستريت لا فنتكي معاي بخليج احلى فنتك واحلى عروس 
مع تجهيزج اخذيلج جهاز ويفي الكبيير وستريت وسشوار
اذا كان قميصج او لبسج في فتحات من جدام وورا سووي شعرج تكسير وفلي
يعطيج شكل انثوي ومغري
وحاولي لا تحطين اكسسوارات وشباصات وايد بشعرج
اذا كان شعرج قصير
وبين فتره وفتره غيري قصت شعرج اذا ريلج يحب الطويل قصي قذله جاينيز وايد حلوه نفس كيم
حتى اذا كان قصير
وغيري بالحركه
سووي ذيل حصان مع تفخه بف صغنونه
مرات غيري وسوي سلك
مع فرق يسير شكلج عجييب جنج هنديه
او اذا كانت عليج الدورة وتعبانه ومالج خلق تكشخين سوي عجايف حلوه ونعومه
ومره بالسنه سوي شعر الغجريات نفس مريام فارس اخذي فوم من ويلا وفركي شعرج فيه ماراح يطلع نفسه بالضبط بس يشبه
وفنتكي بالسلاسل
واذا كنتي عند حمولتج سويلج بف خفيف مع لمه خفيفه من ورا
هني شسوري شعرج بعدها لفي شعرج واخذي الويفي الكبير وسوي من تحت
وبين فترات بعييييده صبغي شعرج عشان يتغير
وبس اتمنى انكم استفدتوو :$:$:$
وانشالله تطلعون احلى عرايس
ولا تنسون الردود :$:$:$
ملاحظه : الموضوع من مجهودي الشخصي
منوره :$
عن جد روووعه
والبيس شحلاته مع الجمايه الصبح بذات الوردي يعطيج نضاره واب اب
حررركــآآت حلــوهـ
تسلمين ياقمـــرررر
منورين :$
عطيتيني افكار ماكانت طاريه على بالي
مشالله عليج
موفقه مشكورة حبيبتي
وتسلم ايدج فديتج