خلونا نسولف ونتناقش عن فناتك العروس. الكل يدش

ارحبـــــــــــــــــــــــــــــــو يا هلا ويا مرحبا نورتو الموضوع

شخباركم كويتيات يا حلو الجو عندي اليوم غيوم ومطر وحر وبرد وغبار جو غريب

المهم ندخل بالموضوع

طبعا الكل يسمع عن فناتك العروس والي تسويه العروس من اشياء غريبه وحلوه حق قشها لي راح شقتها يكون مرتب وحلو وبنفس الوقت غريب وشي جديد

طبعا سمعنا الي تقول = انا الف ملابسي الداخليه بدانتيل واحطه بالكبت يطلع جنه حلاو قرقيعان

وفي بنات تقول = جياس الملابس . في الي تحط فيهم قمصان النوم وتحطهم بالغساله عشان مايختربون وفي جياس ثانيه يتكلمون عنها البنات ويطلبون ارقام الناس الي توصلهم بس للأسف انا ما اعرف شنو يستخدمون هالجياس فيه

وفي الي تقول = اشتري الكف الي احط فيه الخواتم على التواليت هطريقه عاجبتني حيل

وانا شفت مرت اخوي قبل عرسها كانت شاريه صناديق بطانتها من حرير ومن بره شغل رهيب مع دانتيل وكانت شاريه بيج و وردي وابيض

وماشاء الله في بنات يعرفون واجد شغلات من هل حركات والفناتك

انا فتحت الموضوع لكل عضوه بالمنتدى تدش تفيد وتستفيد وكل وحده تعرف من هالشغلات لا تبخل علينا وانا كل ما حصلت شي جديد بحطه لكم

اتمنا تتفاعلون معاي والموضوع لنقاش

منو اول وحده تبدأ معاي

النك مشترك

مشكوووووووووره

اب وأنا ابي أعرف ويااااج

وبخصوص الدانتيل شلون يلفون فيه الملابس الداخليه؟

يعني يلفون قطعه قطعه ؟ولا كل طعم ولا كلهم ماني فاهمه

الفناتك حلو بصراحه وانا ناويه عليها ان شالله

بس اللي بشقه بروحها لاتسوي فناتق حييل لان محد بيشوفها

وانا ان شالله ناويه اشتري صندوقين كبار واحد للقمصان والثاني للملابس الداخليه والجينزات وصندوق ثالث بسويه عند الفلبينيات معاه غطا لسليبات للاستعمال اليومي

وناويه اشتري صندوق اكسسوارات واحطه عالتواليت وازين التواليت في لولو وورد جوري أحمر

وطبعا الصناديق بزينها من فوق

وبسسسسسسسسسس

يعطيج العافيه ع هالموضوع وان شاء الله نفيد ونستفيد

اب اب

حلو موضووعج وان شاء البنات يتفاعلون معااج

انا بقوولكم عن اشياء يمكن تفيد العراايس

اكو بصفاة الغاانم حركاات عجيبة تنحط على التواليت حق الاكسسوارات على شكل كرسي او غنفه حدهم راقيين ويهبلون خذيت انا ورفيجتي اهو عبارة عن صندوق للاكسسوارات على شكل غنفة مخمل تفتيحين الكرسي وفي اماكن للخواتم والاساور او الساعات حده راقي وعجيب اذا عجبتكم الفكره ممكن اصوره واحطه

وحق الاقلام والفرش بدال لاتشترين اشياء عادية سوي نفس ما انا سويت شريت اشياء ملوت شموع (شمعدانات)الي تصير مثل القلاصات وحطيت فيهم اقلامي والفرش احلى من الاشياء العادية وتعطي منظر حلو حق التسريحه

وفي حركة توني مسويتها لما اثثت داري يبت ثلاث سلال كبار من الي ينحطون بالكبت شكلهم حلو ومبطنين بقطن ممكن ينغسل موجود منهمة بايكيا احجام بس انا خذيتهم من بانتا خليت سلة للسليبات وسله للستيانات وسلة للدلاغات والهيلهوبات والجيجيات صفيتهم وتقدرين تحطينهم بالكبت ميزتهم انهم مرتبين كل شي بروح وشغله ثانيه مخفيين محد يشوفهم الا اذا طل داخل السله

شرايكم بالفنااتك مالتي

هلا حبيبتي.. شوفي هالطرق فيها ترتيب ويصيرون نظاف وفنتق..من ايكيا

حق الجناط..

مقسم الملابس..

صندوق..

عجبني هذا..

يسلمووووووووووووووو يالله نبي نستفيد

ثانكيووووووووووو
نبي بعد

خوش موضوع اب

ااااااااااااااااب

بنات وين نلقى هالشغلات؟؟؟؟؟

و نبي صور للفناتك

منانا نبي صور ممكن؟؟

بنات الصناديق الصغار اللي على شكل غش والوانهم روعه تلقونها في بياع الورد بحولي يصلح حق اللوشنات والشامبوهات وسوالف الحمام عزكم الله

اما التقسيمات تلقونها بايكيا وتلقونها عند الفلبينيات بدريم مول روووعه وتسوي على حسب الطلب مع غطاه 6 دنانير

اما الشموع المعطره والشمعدان تلقونها بسنتر بوينت روووعه زوغه تصلح لغرفة النوم والصاله وحتى الحمام عزكم الله

امممممممممممممم بعد خل افكر وارد اقولكم

يسلمو ونبي اكثر

ولا يهمج حبيبتي تامرين امر

ان شاء الله يعجبكم ذوقي وممكن تاخذون الفكره وتطبقونها على ذووقكم

ومبروك حق كل العرايس

[IMG][/IMG]

[IMG][/IMG]

[IMG][/IMG]

وميزة القنفه بعد تقدرين تقزين او تثبتين عليها دبابيس الملافع او بروشات او تراجي منها منظر ومنها مكان تحطين فيه هالسوالف

[IMG][/IMG]

هذيل طقم صناديق زجاج ومن داخل منظره احجام عجبوني وخليتهم حق القلوساات بس لانهم اكثر شي مسوين زحمه عندي غراامي القلووسات

[IMG][/IMG]

وهذا شمعدان شكله لايق على الديكور حطيت فيه الاشياء الطويله فرش واقلام حطيت اثنين من الصوبين

[IMG][/IMG]

وهذي علبه للخواتم واااايد ريحتني لان قمت اشووف الموديلات الي عندي قبل كانو بصندووق وانسى شنو الاشياء الي عندي ولما حطيتهم بهالعلبه كلهم معرووضين واقدر انقي على كيفي شريتها من سرداب الشايع

[IMG][/IMG]