نصيحه من القلب للقلب

نصيحه مني لكل
عروووووووس
من اخت لخت
وطالعه من قلبي اتمنى انكم تستفيدون منها

وهي نصيحه ياخواتي لاتسمعون كلام الناس
في قولهم
افرضي شخصيتج عليه
لاتخلينه يمشي كلامه عليج
لاتخلينه يمنعج من الاشياء اللي موعاجبته
اذا ماعطيتيه العين الحمرى من اولها ماتقدرين عليه
فلسيه لاتخلين عنده ولا بيزه
اشتري اللي تبينه واللي ماتبينه علشان تفلسينه
لاتعطين اهل زوجج وجه
لاتخلينه يروح وايد عند امه
*****

صدقوني ياخواتي ان الحياة الزوجيه ماتمشي الا

بالتفاهم
وماتقدرين تاخذين من زوجج شي
الا بالدلع والكلمه الحلوه
وماتقدرين تمنعين زوجج يتزوج حتى لوفلستيه
في كثير رياجيل مفلسين وهم
طلعو مهر زوجاتهم الثانيات
وفي ازواج مليارديرا وماتزوجو على زوجاتهم
علشان يحبونهم
وصدقيني بالكلمه الحلوه
اتخلين بيتج جنه مايفارقج
والام ماتقدرين تمنعينه منها
وان قدرتي لاتنسين ان باجر بيكون عندج عيال
وتتمنين محد يحرمج منهم
والله وصى بالوالدين
والحموله حسني نيتج معاهم
علشان الله يوفقج
وصدقوني خواتي اذا زوجج حس انج اتحبين اهله
بيحطج فوق راسه
وقبل كل كلمه تطلع منج حطي نفسج مكانه شوفي
تقدرين اتقاومينها حتى لو كانت صعبه

اذا ماتقدرين لا تجرحين زوجج حتى هو
انسان وعنده كرامه
اتمنى اخواتي اني افدتكم