|
|
مساء الخير والسعاده .gif "Eh S(7)")
من خلال الموضوع حبيت اوضح لمشرفه القسم حناين ولبنت الكويت عن راينا والعروس اللي تحب تشارك حياها الله وياليت لو يكون الموضوع بعيد عن المناقشات اللي ممكن تضايق وحده فينا ..
الاعلان اللي قريناه اليوم جداا جداا جداا ضايقنا 
وحبيت اوضح بعض النقاط المهمه واكييد تهمكم مصلحه القسم والعرايس
السبب الرئيسي اللي خلاني اسجل بالمنتدى واشارك قسم العروس والتجمعات اللي فيه وشي جداا يحزني ان التجمعات تسكر
من خلال تجربتي الشخصيه راح اتكلم 
شنو استفدت وشنو اهميه التجمعات وطبعا لي بعض الملاحظات راح اذكرها
من بدايه الخطبه حسيت بحاجه الاخت الكبيره اكثر من اي موقف مر علي بحياتي وكل ماذكر ان ماعندي اخت اكبر مني تنصحني وتعلمني والاهم مرت بنفس التجربه وحست باحساسي وتقدره وعارفته تدمع عيني ومن غير مجامله الوضع تغير بشكل كبيييير بعد ماسجلت بالمنتدى اكييد مرات احس بحاجه للاخت الكبيره لكن الحمدلله لقيت لي خوات بالقسم استفدت من تجاربهم ومحبتهم كافي انهم يحسوون بنفس احساسي والشي هذا يريحني لما اتكلم مع وحده فاهمتني وعارفه شعوري وتشوف ان مشاعري وخوفي طبيعي عكس اللي حولي يحسون اني ابالغ او دلووعه فـ صرت ماتكلم نهائيا مع اهلي عن اللي يضايقني وخوفي واذا تضايقت ع طوول اشبك واشكي للعرايس
من خلال مشاركتي وتواجدي بكل التجمعات استفدت وااااايد والحمدلله الحين عندي فكره واضحه عن التجهيز وشنو احتاج والاهم الاماكن والمحلات اشياء وااااااااايد ماكنت اعرفها عرفتها من التجمعات حتى العرايس بعد عرسهم لما يتكلمون عن تجربتهم ويشجعونا تشجعت وقررت ان اتعلم من اخطائهم وماخلي الخوف يخرب علي ولازم اعيش ايامي بكل تفاصيلها
لولا الله ثم التجمعات ماعرفت شي لان بصراحه ماعندي احد يعلمني صج خالاتي مهتمين بس ماعندهم خبره لان اخر عروس عندنا من 8 سنين !! وماعندي بنات خالات بعمري وحتى الصديقات لو انصحوا مايعلمونج كل شي
لـكـن المنتدى غييير كل وحده تتكلم من غير قيود صج حسيت ان عندي خوات قلبهم علي ويبون مصلحتي
اللي يميز تجمعات كل شهر ان كل العرايس يمرون بنفس التجربه بالضبط وبنفس الاحساس حتى المواضيع اللي تتعلق بالتجهيز تختلف من موسم لموسم حتى الموضه تتغير همهم وااحد وتجربتهم وحده ومهما تاثرنا وحاولنا نتعايش مع تجربتهم ماراح نحس بنفس الاحساس كافي تعرفين ان في وحده تشاركج خوفج وقلقج فرحتج وحزنج بنفس الوقت ماتحسين انج بروحج بيوم عرسج في عرايس معاج وتعرفينهم عايشين نفس التجربه وبنفس التفاصيل
والاهم التشجيع لما كل عروس تكون متضايقه وتشكي لنا او خايفه ومتوتره ونشجعها .. انا مريت بالتجربه بس اقرا ردود البنات لي وتشجيعهم انسى خوفي واقتنع بالموضوع اللي محيرني او خوفي يمنعني منه
ملاحظتي ع التجمعات .. رفع التجعات ع طوول برايي ( واحترم الراي الاخر ) مانحتاج نرفع التجمع الا اذا كان عندنا موضوع مهم او سؤال او معلومه
ماعتقد التجمعات تضر القسم اغلب الاقسام بالمنتدى فيها تجمعات واحنا فعلا محتاجين التجمع ومانستغني عنه
اذا التجمعات مضايقتكم بالقسم ومسببه زحمه ممكن نسوي مثل الاقسام الثانيه قسم فرعي للتجمعات
سوري ع الاطاله بس حبيت اوضح وجهه نظري واتمنى تقبلون رايي بصدر رحب وماكون زعلت احد بكلامي
|
المشاركة الأصلية كتبت بواسطة حناينq8
 حبيباتي يعطيكم العافيه
اول شي احنا كلنا خوات وبالمنتدى كله نساعد بعض ونشيل بعض مو بس بالتجمع احب اوضح بعض النقاط اللي خلتنا نسكر و نمنع التجمعات من القسم 1 – اعداد التجمعات بالقسم كبيره وايد لي درجة انها وصلت لي شهر 11 من السنه اليايه هذا غير تجمع اللي ملجين وخوات المعرس وخوات العروس …….الخ 2 – اثناء مراجعتي لردود بعض العضوات بالتجمع ما اشوف الا انها جاتنج عادي يمتد الي صفحات وصفحات دون اي فايده تذكر 3 – عدد التجمعات الكبير بالمنتدى وعدد صفحات كل تجمع تجعل من المستحييييييل على المشرفه والاداره التدقيق اليومي عليها 4 – عدم التزام صاحبه التجمع والعضوات المشاركات فيها بالتبليغ عن اي مشاركه مخالف او عروض تجاريه ممنوعه ولا تقولون ماكو انا راجعت وشفت وايد وللاسف ما شفت اي تعاون 5 – وهالنقطه اهي اهم نقطه بالنسبه لي ولكم اكيد – ان بدال ما تضيع سوالفكم بالتجمعات خلوها بمواضيع منفصله تستفيد منها كل عضوات القسم اللي صار مع الوقت خالي من المواضيع الهادفه للاسف 6 – القرار صدر من المديره وتم اعتماده ومافيه اي رجعه والفايده من القسم موجوده بكل مواضيعه موشرط بالتجمعات واللي صارت مع الوقت للاسف خارجه عن سيطرتنا يعطيكم العافيه والاختلاف بالراي لا يفسد للود قضيه اختكم / حناينq8 |
سوري حناين بس حبينا نوصل وجهه نظرنا
اولا انا ماادري شسالفه وشنو صاير
بس حبيت اوضح ان التجمعات استفدت منها حييييل
شكثر اشياء ماكنت اعرفها ولا ادري عنها من تجمعنا عرفتها علمتنا نظم وقتنا شكثرر اشياء بس مو قادره اكتب مافي عقل
وانا بعد استفدت من التجمات واااااااااااااااااااااااااجد
انا ما عندي خوات لا كبار ولا صغار وتوني صغيره وربي ما كنت اعرف شي عن التجهيييييييييز ابداً والحين عندي استعداد اجهز 10 عرايس بفضل الله ثم بنات التجمعات فديتهم وصح كلام بيور تحسين ان في احد معاج حاس نفس احساسج ويشاركج في فرحج وهمومج ويشجعج والله انا لا حسيت بأحباط وخليت العنايه وبديت احس بملل ادش مع البنات على طول ومن كلامهم واسلوبهم وتفاعلهم تتشجين وانا من رأيي ان فكرت الغاء التجمعات بتشتت العرايس وبيكون القسم كله مواظيع وما كو شي مفيد صج ان بعض المواضيع تفيد لاكن لاصار في تجمعات بنكون كلنا بمكان واحد افضل واحسن من ان يكون كل وحده بمكان وانا اشوف ان فكرت الاقسام الفرعيه لتجمعات مناسبه
اول شي
احنا كلنا خوات وبالمنتدى كله نساعد بعض ونشيل بعض مو بس بالتجمع
احب اوضح بعض النقاط اللي خلتنا نسكر و نمنع التجمعات من القسم
وانتوا كونوا مكاني ومكان الاداره باللي بقوله
1 – اعداد التجمعات بالقسم كبيره وايد لي درجة انها وصلت لي شهر 11 من السنه اليايه هذا غير تجمع اللي ملجين وخوات المعرس وخوات العروس …….الخ
2 – اثناء مراجعتي لردود بعض العضوات بالتجمع ما اشوف الا انها جاتنج عادي يمتد الي صفحات وصفحات دون اي فايده تذكر
اغلب اللي قريبته ( شلونكم – شخباركم – ملل اليوم – قعدت متاخره – وين فلانه – ما تريقت ………………الخ )!!
3 – عدد التجمعات الكبير بالمنتدى وعدد صفحات كل تجمع تجعل من المستحييييييل على المشرفه والاداره التدقيق اليومي عليها
4 – عدم التزام صاحبه التجمع والعضوات المشاركات فيها بالتبليغ عن اي مشاركه مخالف او عروض تجاريه ممنوعه ولا تقولون ماكو انا راجعت وشفت وايد وللاسف ما شفت اي تعاون
5 – وهالنقطه اهي اهم نقطه بالنسبه لي ولكم اكيد – ان بدال ما تضيع سوالفكم بالتجمعات خلوها بمواضيع منفصله تستفيد منها كل عضوات القسم اللي صار مع الوقت خالي من المواضيع الهادفه للاسف
6 – القرار صدر من المديره وتم اعتماده ومافيه اي رجعه والفايده من القسم موجوده بكل مواضيعه موشرط بالتجمعات واللي صارت مع الوقت للاسف خارجه عن سيطرتنا
يعطيكم العافيه والاختلاف بالراي لا يفسد للود قضيه
اختكم / حناينq8
مشرفة قسم العروس
وأتمنى وجهة النظر توصل وينحل الموضوع