|
|
السلام عليكم
اول شي بنات كتبت بنات القبايل لأني قبلية و ابي استفيد من الي نفس طريقتنا
و لا قصور بالباقي و بالعكس ينورون الموضوع و فيهم الخير و البركة و نستفيد منهم اذا حابين يشاركون 
بنات ابي اعرف حفلة الملجة و مراسيمها من طق طق للسلام عليكو
موعد الحفلة متى نحدده ؟
العشا بوفيه و لاشنو ؟
التقديم اذا كانوا المعازيم قليل اجيب سيرفس و لا احنا الي نقدم و نوزع و لا مايفرق؟
اهم شي لقطات الصور شنو ؟ لأي حدووووووووووود ؟ تدرون عشان مو حلوة نفصخ الحيا و ماعندنا الجرأة على بعض اللقطات و هم بعد ما نبي التصوير كئيب (( شنو المناسب )) ؟
الكيك و العصير يوكلون و يشربون بعض؟ و لا احسن نخليها للعرس
شلون العروس تسلم على الناس نفر نفر و لا توقف بمكانها و هم يسلمون ؟
و شلون اذا في عجايز ؟؟
و احط كوشة كرسي واحد و لا كراسي منفصلة؟ اخاف كرسي واحد عيب؟
بنات ترى المعزومين بس اهله و اهلي بس
و النفنوف لازم يكون محتشم و لا عادي وسط
و الميك اب و التسريحة تنصحوني اي صالون و ناعم و لا فخم
و متى تبدا الحفلة ؟
و العروس متى تنزل ؟
يا ليت تجاوبون بالتفصيل و الي تحب تضيف نرحب بالاضافات .gif "Eh S(6)")
بنات اذا في فناتق طرشوها لي ع الخاص 
انا وسطيه لا قبليه ولا حضريه بين البينين ههههههههه
يعني نص ونص
المهم اذا الحفله بس اهلج واهله خلي شغلج ناعم بس على مستوى امممم شلوووون؟؟
اذا خواتج وايدين اهم راح يقومون بالتقديم واذا لا يبي وحده تقديم الديزيرت وحده تصب القهوه والشاي وتفتر بالعصاير عشان الجو يصير احلى وترى مايكلفون المحل اللي تحجزين منه حلى وتقديم ومشروبات راح يفورلج الفلبينيات مع الزي اللي تبينه الوحده فيهم يدوب بعشر دنانير
الحفله خلو وقتها وسط لا متاخر ولا مبجر اظن الساعه 8 او 8 ونص تبدون باستقبالهم حلو لان الوقت دخل عالشتا وبسرعه يمشي والليل طويييييييييييييل
الكراسي ماراح تفرق واحد ولا منفصل لانه ماسك ايدج ماسكها ههههههههه
خليج بالنص لا لبس فاضح ولا ساتر لحد الكابه لانها ملجه يعني حلالج خلاااااااص لبسي نفنوف عالموضه ومكياج ناعم وديري بالج ترفعين شعرج خليج بيبي والرفع خليه للعرس لليله الكبيره ههههههههه
مكياجج خليج ناعم لا تلطخين وتخبصين
ولا توقفين تستقبلينهم صوب الباب لانج انتي العروس لايقولون مخروشه خخخخخ
الحريم الكبار من يدخلون قومي لهم هذا واجب والبنات من عمرج لا اهم بيونج وقومي سلمي عاد لا تنحين
خليج قليله كلام وهاديه حافظي على رباطة جاشج حلو لووووووووووووووووووول
الحيا صورتج حلوه وترى اول صوره عنج تنطبع طول العمر ابتسمي بهدوء وبحيا وبس تعبت
عسى ربي يوفقج
و اشكرج استفدت منج فديتج
اذا على الحيا لا تخافين انا من غير شي خجووووووووولة بزيادة
و سوري تعبتج معاي
جزاج الله خيييييييييييير ماننحرمش منك
ثانيا ماشاء الله DiaMonta كفت ووفت
وانا بس اضيف عليها في بعض العوايل المعرس يدش ويسلم وبعضها لأ فلازم تحسيبين حسابج
وفي عوايل متحفظة عندهم العروس ماتحضر حفله الملجه اذا الضيوف اغراب
فكله يعتمد على نظام عايلتج .. التصوير والكشخه والذي منه
وفاااااااالش التوفيق
|
المشاركة الأصلية كتبت بواسطة كيـف أسيـبكـ
 اووبا لعنوونش
|
|
المشاركة الأصلية كتبت بواسطة مطنـوخهـ
اب اب اب اب كرمالك
وفاااااااالش التوفيق |
تسلمون يالغوالي
|
المشاركة الأصلية كتبت بواسطة fantazya
اولا الف مبروك
ثانيا ماشاء الله diamonta كفت ووفت وانا بس اضيف عليها في بعض العوايل المعرس يدش ويسلم وبعضها لأ فلازم تحسيبين حسابج وفي عوايل متحفظة عندهم العروس ماتحضر حفله الملجه اذا الضيوف اغراب فكله يعتمد على نظام عايلتج .. التصوير والكشخه والذي منه |
مشكورة حياتي على الرد و الله يبارك فيج
و المعرس ان شالله بيدخل و يلبسني الدبلة و الشبكة و يطلع
نفس موديلات انسام
شي فخم وراقي
مكياج ناعم .. وشعرج نص رفعه … ممكن تلبسين تاج ناعم اذا شعرج قصير
ما انصحج تحطين رموش او عدسات فاتحه حاولي ما تغيرين شكلج بالمكياج
لانها اول مره يشوفج علشان لا يحس بالفرق بعدين
وبث
هذي وجهه نظري
|
المشاركة الأصلية كتبت بواسطة diamonta
سالي فديتج اذا بخاطرج شي انا غرامي تجهيز العرايس لوووووووووووووووووووووووول
|
صج !!
من اليوم استعدي للإزعاجات
انتي غرامج تجهزين
و انا غرامي اسأل
تبين الصراحه صج والله احس نفسي ضايعه
<<< ناوية تستفسر عن حته حته بس بعدين
مشكورة ياقلبي ما قصرتي و عئبال افراحكم
يازينج و يازين وجهة نظرج
نورتي الموضوع
عسى ربي يبارك لكل العرايس
DiaMonta اخجلتيني بتعاونج يالغلا
و لا يهمج بس يطري فبالي سؤال باسأل
الله لا يحرمنا منج