|
|
السلام عليكم بنات شلونكم
انا مخطوبة وماني عارفة شسوي بصراحة حالتي صعبة وبرثى لها
ماعندي خوات اكبر مني حتى اسألهم ويساعدوني وبنات خالتي متزوجات من زمان يعني تجهيزهم غير عن الحين
وبنات عمي مالي صلة معاهم ورفيجاتي شويه ولاهين عني
ماني عارفه شلون اجهز حق العرس والزواج
شنو اشتري وشنو اسوي
حدي ضاااايعه
ياليت اللي عنهم خبرة يساعدوني من الالف إلى الياء
وانا اذكر كان في مواضيع جذيه بالمنتدى
لكن الحين لما احتجتهم مالقيتهم
اللي تلقى موضوع تحطه لي
وجزاكم الله الف خير
99779126
قبل جم يوم كتبت موضوع نفس موضوعج
والبنات ما قصروا ساعدوني
شوفيه
https://www.q8yat.net/showthread.php?t=641774
و ان شاء الله تجربتي تفيدج
انا لا خوات ولا وام ولا خاله عادي الحياه تمشي ربي لك الحمد
لاتخافين اول شي ييبي دفتر صغير او نووته
وحطي مهرج جم
وبعدين كتبي شنو تحتاجين
1 – ملابس طلعات
2 – ملابس بيت
3 – قمصان نوم
4 – نفنوف العرس
5 – نفنوف او اثنين سهره
6 – بدلة استقبال
7 – دراريع
8 – احذيه وجناط
9 – طقم روب الحمام
10 – نفنوف صلاه
11 – جناط عشان ترتبين اغراضج تودينهم بيت اهلج
12 – اكسسوارات
13 – جم طقم ذهب والماس وقطع
14 – ملافع وعبي
15 – منظم ادراج ومنظم ملابس داخليه ومنظم الجناط واجياس حق بعض الملابس
وهالسوالف وايد راح تنفعج بترتيب اغراضج
16 – عطورات عربيه وفرنسيه
17 – المكيياااااااااج
18 -ساعات
19 – مسكة العروس
20 – كريمات وعطورات للجسم
21 – الصالو ن والمصوره لاتنسين تخشين لهم مبلغ
رتبي اغراضج بالنوته وكتبي الكميه يعني جم نفنوف ابي جم عبايه جن جنطه
رتبيهم ورتبي افكارج وجم مهرج
ولاتخافين سهالات انشاءلله حياتي واذا لقيت شي بحطه لج بس سمي قبل لاتبدين
لان الوحده بهالفنره ماتدري شتفكر فيه هو تجهيز ولا عنايه ولا تفكير بيوم العرس ومااابعد العرس <<< .gif "Eh S(16)")
مثل ما قالت ابله كويتيه
حطي لج نوته وكل ماذكرتي شي سجلي فيها
بعدين خصصي يوم تشترين فيه قمصان نوم
ويوم حق البجايم
ويوم حق العطور
ويوم حق المكياج
وجذي لغايه ماتخلصين تجهيز
بعدها ابدي عنايه قبل العرس بشهرين حق جسمج من مغربي لي خلطات تبيض
وان شاءالله سهالااات
راجعي مواضيعي
كل التوفيق
الف مبروك ..
مـآقصرتو
اب
اب
ودي اروح
وابله كويتيه حطيتي النقاط ع الحروف يزاج الله خير
لكن ابي مشاركات اكثر وياليت تكون بالتفصيل
يعني محلات العطور شنو اشتري من عندهم
الحين بيضون مسوي تنزيلات شنو آخذ إذا تعرفون أسماء عطور لأنه مالي خلق اعقعد اشم كل العطورات ويدوخ راسي
والشايع مثلا شنو آخذ من عنده وعبدالصمد القرشي … الخ
وشنو محلات الجناط وجم وحده آخذ وشنو الالوان تكون أساسية تمشي مع اغلب البدل
وبدلات الاستقبال من وين وجم وحده احتاج
والدراعات
ياليت تكتبون بالتفصيل
يله يا حلوات ابي تفاعل اكثر
ولاني نفس حالتج والمصيبه مابقى على حفلتي شي وابي احد يساعدني
ماسويت شي 
الله يهنييج حبووووووووبه ويوفقج 