الفحيحبل ام الدنيا

بنات ابي مساعده
كل اسمع ان الفحيحيل وايد حلو واسعارها مناسبه
وقررت اني اروح بس المشكله اني ما ادل ولا مجمع وابيكم تنصحوني وين اروح
بنات هاذي اول مره اشارك بموضوع بوحي
لا تخذلوني

ان شاء الله البنات يفيدونج
لو اعرف قلت لج بس اختج ماصار لها سنتين بالكويت يعني ماعرف شي

حق العبي و الملافع السنعة ,, روحي مجمع سلمان الدبووس فيه الميزانين و اخر دوور فوق كلهم محلات حق هالسوالف ,,,
المكياااج عندج مكياج المنصووور جبال سلمان الدبوووس ,, و شارمل يكون نفس سطرة مكيااج المنصوور بس باخر الشارع صاير زاوية شوي ,,

المجمعاات عندج اجياال و الكووت و المنشر ,,,,الاسواق العائلية عندج بيت اولادنا و العائلة و الهجاان و الشاهبندر ,,,

شوفي حبيبتي عندج مجمع الكوت في محلات حلوه مثل نكست – زارا- برومود – الدو ووايد محلات ما أذكر اساميهم وفي النافوره الراقصه والكافيهات اللي هناك وااايد حلوة بس الجو اتوقع الحين ما يساعد

وعندج المنشر هذا يم الكوت بالضبط وهم بعد في محلات وااايد وفي فيلا مودا

وعندج مجمع اجيال في جم محل بس موذاك الزود يعني

والكوت واجيال فيهم سينمات ..

واذا انتي متزوجه انصحج بفندق روتانا المنشر وااايد حلو حجزي في ليله انتي وابو العيال ومممم بعد في اسواق عاديه يعني لي رحتي هناك راح تحوسين

الاسواق الشعبية عندج بازار الفحيحيل و المحاميد و المعلم و طيور الجنة و قصر السلطااان ,,,,,

شوفي حبيبتي روحي شارع مجمع سلمان الدبوس راح تلقين نفسج بوسط السوق عاد انتي افتري عدل لاتخلين مكان الا وتدخلينه

طيف الندى انا مو احسن منج انا بعد ما ادل مو من كثر طلعاتي بس وقت الحاجه نتوهق
ليوليتا صح الاسم او لا
حبيبتي مشكوره العبي يقولون وايد حلوه وانا اختج ما سويت ولا عبايه ليلحين
شوشو مشكوره على الرد السريع انا عروس اذا تزوجت باخذ بنصيحتج
ومشكووووووووورين على التفاعل