الطقاقه لهـــــــــيب او شوفو شسوت فينا بعرسنا -نصيحة لله مني لكم

حبيت انزل هذا الموضوع لكم للــــــــــه
ولاني احبكم في الله
ما ابيكم تتوهقون مثل ما توهقنا
ما اطول عليكم بس كان يوم الخميس اللي طاف عرس اخوي
وكنا حاجزين الطقاقة لهيب و دافعين لها عربون و هذا الكلام كان من اربع شهور تقريبا
ويوم العرس الساعه 7 مانشوف الا مندوبتها تدق علينا و تقول لنا انها ماراح تقدر تحظر العرس لانه عمها ماااااااات
وتخيلو انها مو دازت لنا ولاحتى دي جي يسد مكانها
ومن الساعه 7 لي الساعه 8 ومهندسين الصوت ملوتها يشيلون بالوايرات و السماعات
واحنا و اهل العروس داشين بالغرفه اللي بالصاله على ما يخلصون
تخيلوااااا المنظر قمة التوتر و الاستقبال فاضي
ام المعرس و ام العروس مو قادرين يوقفون يستقبلون الناس
وفوق كل هذا ماظل دي جي مادقينا عليه وكلهم يقولون مافي مجال الحين لين لقينا واحد جزاه الله خير انقذنا و على ما وصل و ركب شغله الا الساعه 9 يالله بدا الدي جي بسبتها
المهم الساعه 10 الا يايتنا و حده تقول انا طقاقه دازتني لهيب بدالها
هذا عقب ما زفتها ام المعرس اللي اهي امي بالتلفون و قالت لها حرام عليج وهقتينا على الاقل لو قايلت لنا قبل ساعه او ساعتين
المهم الطقاقه اللي دازتها لاباس فيها لكن ما بدت تغني الا الساعه 10 وربع
لا وعقب ما غنت اغنيتين وقفت و قالت لنا ما اغني الا لمه تحاسبوني وتبي 1300 دينار حالها حال لهيب
واحنا متفقين مع لهيب انها تغني من 8 لي 12
وهذي بدت 10 وربع وتبي 1300
المهم عطيناها لانه عرسنا مو ناقص توتر وعفسه
المهم قبل لا يخلص العرس عمتي كانت داقه على طقاقه تعرفها كانت تبيها تيي بدال لهيب اللي كنسلت
جان تدق الطقاقه على عمتي و تقولها ترى لهيب لا عمها متوفي ولا شي روحي شوفيها بعرس بالجهرا قاعده تطق
الظاهر دافعين لها اكثر
ويوم دقت عمتي على الصاله ثاني يوم و تاكدت ولا صج كلام المرا وقالولنا امس كان عرس العايله(الفلانيه) و الطقاقة كانت راوية(غيرت اسمها من لهيب لي راوية قبل فترة بسيطة)
والحين احنا رافعين عليها قضيه
بس حبيت احذر اي احد يبي يتعامل معاها لانه معاملتها جدا مو حلوة و توهق العالم و ماعندها مصاقيه
وانشالله ما زليت عليها بكلمة بس حبيت احذر الناس لانه الحركة اللي سوتها فينا خربت العرس كله تقريبا
واللــــــــــه على ما اقول شهـــــــــــــــــيد