تجارب ناجحه وفاشله لتقسيم المهر حيــآآج

سلام لأحلى عرايس

..
.
.

بنات وايد عرايس قسموا مهرهم

مثلا ..

500 للدراييع
200 عبي
1000 ملابس للشقه

وهكذا

هل التقسيم فادكم ..؟؟
ولو انج خليتي 500 للدراييع
تحسين كفاج او لا

اتكلم عن اللي بتعيش مع حمولة

نبي التجارب الناجحه والفاشله
بخصوص تقسيم المهر ..

انا والله ماجهزت للحين وان شاء الله شهر 12 اجهز
وقاعده ادور على طريقه شلون اقسم فيها المهر
وان شاء الله البنات مايقصرون

ما نفع التقسيم وللحين قاعده ازيد عليه وايد
يعني تطلع لج سوالف من تحت الارض لازم

انا رايي اللي ساكنه في بيت حموله تكثر من الدراريع وتقلل من البدل
يعني البدل كافي6 ذربه وكشخه بس مواوفر
والدراريع يبيلج عالاقل 15 او 20 دراعه تدرين ليش ؟
لان اكيد ايام الخميس والجمعه بتروحين لبيت اهلج وبتصادفين حريم عندهم اوو حتى حريم اخوانج فموحلوه تطلعيلهم في بجامه وانتي عروس

و500 حلو لدراريع البيت خصوصا اذا سعر الدراعه من 20 الي 45 دينار

الله يعين

والتقسيم آكيد آمي اللي بتقسم المهر .. لآني مستحيل راح اعرف اقسمه

مشكوره عالموضوع حبيبتي

آكيد بيفيدونا البنات

انا للحين ما قسمت المهر ان شاء الله الله يبارك لنا بالمهر

بالتوفيق جمييييع

انا ما قسمت اصرف بدون ما احاسب الله يعيني والله

أنا ما قسمت أشتري على عمااااااي

لا امبي لو اني ماقسمت كان زدت على المهر اكثر من اللي زدته ألحين
لا حاولي تقسمينه عدل
يعني المكياج حطي له 300 بيكفي
والعطور والبخور والمفارش 700وانا زدت عليها
الدراريع الكشخه مع الحموله 500
وبدل كشخه 300
بدل شقه وبجايم وقمصان300
وعبي وملافع250
والباقي قسميه على حسب المهر
موفقه يارب

الله يعينكم الدنيا غاليه

داشه لقافه عشان استفيد انا مو متزوجه
لووووووووول

طبعا التقسيمه تفيد
صحيح ماتلتزمين فيها وايد
بس عالاقل تكونين متبرمجه لميزانية معينه
وحتى لو زدتي بتزيدين شي بسيط
مو كثر ماتكون ميزانيتج مفتوحه وانت ماتدرين شنو شريتي
وشنو مااشتريتي
والزياده ياقلبي فينا فينااااا
بس لاااازم تقسمين مهرج وتبرمجين نفسج انج بتلتزمين بهالميزانيه

وعسى الله يبارك لج بمهرج ويوفقج يارب