ابي بنات الخبره السنعات الكحيلات النادرات ^_^

صبحكم الله بالخير
ياعروووساتنا ياعروووسات الخير

بدش بالموضوع على طول ,,,,
ابي بنات الخبره بنات السنعات الكحيلات النادرات
وإلي حايسه سبع حووووسات

وعارفه مشاغل وخياطين خبره وثقه وضمااااان

اعطيه تصميم نفنوف عروس ويصممه ويطلعه مثل الصورة
لا زياده ولا نقصان وسعر معقول مو خيالي
شغل نظيف مرتب وراقي وذوق وعن تجربه<< للأمانه للأمانه للأمانه <<< اهم شي

تعطيني العنوان او الرقم ,,, ماعليها امر وياعل ربي يوفقها

لاني صراحه تعبت وانا احوس مافي شي عجبني حق عرسي
وامي تعبت معاي لان ذوقي صعب وماكو شي عجبني غير الصور الي اشوفها بالنت
وانا وامي واهلي ميح بسوالف الخياطين والمشاغل كل شغلنا جاهز

فقررت اني اخيط خلاص ,,,

حبيباتي الي تفيدني الله يوفقها يااااارب وتطلع احلى عروووووووسه
والكل يتحجا عنها وربي يحميها من العين<<< يعني اغراء ردي على موضوعي

حبيتي في وحده تبيع بدل عرايس بالمنتدى جوفيهم

https://www.q8yat.net/showthread.php?t=200886

الله ييعينج نفسي ذووق صعب ولا لي بالمشاغل

والله ماعندي خبره لما الحين ماحست ولا دورت شي ان شاء الله البنات مايقصرون معاج ..

تبيع ولا تخيط ؟؟

انا حست بالمول جني شفت موضوع واحد وآجار؟؟ ممكن تعطيني العنوان بالظبط ههههه ^_^

حبييييييبتي حنوون مشكوره على الرابط سبقتيني قبل لا اسأل

الماسه حبيبتي مشكوره على مرورج

اعتقد تبيع لان الاسعار موجودين تحت البدل

حنون هذا الموضوع جنه يمدحون التاجره الزينه ؟؟ اي وحده انزين الي تبيع نفانيف ؟؟

مشكوووورة حنين حبيبتي افدتيني ,,,,

وبنات عفيه الي تمر وتعرف مشغل وخياط زين تقطه بطريجها ترقمني

وشكراً ^_^

كاترين الي تبيع نفانيف جوفي الموقع البدل عارض بدل للبيع

نتاشا الجميله انا اعرف اتليه فيه وحده حيل حيل شاطره بس ما تصمم لكن عندج كتلوج او صوره او رسمه للبدله تسويها لج كوبي وعلى ظمانتي والله ثم والله مسويه عندها اكثر من بدله من كتالوجات ونسخه ولا شي يفرق وللامانه بعد اسعارها حيل حيل زينه والحين مسويه عندها بدله حق عرس اختي والله التصميم من عندي رحت انجفه قالت لي بـ1000 دينار رحت لاتليهات بالسالميه تقريبا نفس السعر لان اكثر شغلي شوارفسكي ما خليت مكان ما جيته اخر شي قلت عندها وسوته لي والبدله متروسه كرستال شوارفسكي الاصلي بـ400 دينار يعي فررق السما عن الارض واذا انا اجيب الكرستال من عندي اكيد بينزل سعر البدله لان الكرستال غالي وانا اقولج عن تجربه
الاتيليه اسمه الصبايا والبنت اللي فيه اسمها غنيمه مكانه بالجهراء مقابل عماير الواحه بجانب صيدلية الغانم احاول اجيب لج رقم المحل لاني ما اقدر احط رقمها هني

.

مامي حبييييييييبتي انتي كلامج يريح
زين تدرين فيها اذا كانت عندها خبره بنفانيف العروسات تدرين شغل اكثر وكبير وخبه؟ !!

حبيبتي ما تقصرين وناطره ردج

ويابنوتات وينكم محد يعرف مشاغل مني مناك ^_^

هلا نتوشه ترا اكثر اللي اخيطهم عندها بدل عرايس بس اخذ البدي بس نفس الشغل لكن مو نافش مثل بدل العرايس شوفي حبيبتي اذا عندج صوره لبدله ثقي وامني بالله وتوكلي عليه وروحي جربي وترا للحين بدلتي عندها ما خلصت روحي شوفي شغلها

.

هلا حبيبتي
روحي اتليه انجفه ( وسمية المانع )
وقولي الموديل اللي بخاطرج
تسويه لج احلا منه بعد

انا سوت لي نفس اللي بخاطري وطلع احلا ماتوقعته

وبعدين لاتستعيلين
اهي بتسوي عرض بتاريخ 27/3/2009
بحضور هيفاء واليسا ورولا سعد
وبتعرض بدل عراااااايس
روحي العرض وهناك بتعرض بدلتي
يمكن تلقين اللي يعجبج

راح يكون بفندق الموفمبيك اعتقد

مــــــــامي حبيبتي انتي مشكوره ياقلبي على تواصلج وردودج
وان شاء الله بروح لها واشوفها اذا تظبط الي عندي ولا !
ما قصرتي

تكااااااااااااااانه ياعمري انتي ما قصرتي
والله ردج يريح تصدقين ,, اكيد بروح حق العرض
بس حبيبتي اكيد بالموفمبيك؟؟ وانشالله بتنزل اعلان عشان نعرف وين بالظبط؟
بغيت اسألج حبيبتي اهي نظامها تبيع ولا تأجر اذا فصلت الي فبالي؟
واسعارها بحدود الجم؟؟ معقوله ولا تشطح !! ^_^

حبيبتي اتمنى ما تقطعين تواصلج مع عروس تائهه ^_^

مشكوره ياقلبي