|
|
السلام عليكم
شلونكم خواتي شخباركم انا مشتركه بكذا منتدى بس ماكتب هالموضوع الا اهني
لاني حسيت انكم خواتي و متأكده بتساعدوني وانا ان شاء الله ما راح أقصر معاكم
بأي شي…
انا باجي على عرسي جم يوم وناقصتني جم شغله واتمنى تقولون لي من وين أخذها
وشكثر اخذ و بجم …
أنا ما خذيت عطور وبخاطري اخذ مجموعه كامله مع البدي لوشن و الشاور جل والبودرة
لان زوجي دقيق و فنان بالعطور ابي شي يديد و زوغه قالولي ما قصروا البنات بقسم المكياج و العطور جم عطر حلو بس مادري اذا معاهم مجموعه كاملة والا لا؟
ماخذيت بجايم داخلية ولا بجايم ذربه حق الشتاء ابي شي مرتب و حلو وسعره فيه واحب يكون
طقم يعني مع الروب و السليبرز والدلاغات الحلوة
والمكياج تقريبا قربت اخلص بس ودي اعرف اذا اكو شي مميز و يديد يالسوق
وابي طقم فوط مميز …
عفيه كل وحده تقولنا من وين تتسوق للشتاء ووين الشي اليديد
تقبلوا كل حبي و احترامي
**جربي عطر حجر من سيد جنيد قمه
والبجايم عندج لاسنزا مثل ماقالتلج ام طلال وعندج محل بالعثمان يمكن جي سي بني
عندهم اطقم بجايم مع ارواب ذربة وانيقة وسعرها فيها
العطورات اخذي مجموعه من بادي شوب وعندج الشايع عنده خوش اطقم كاملين عندهم حروف شحلوه
وعندج عطر لايبرري اليديد علي دمعه روعهههههههههه
بالمبارك انشالله
العطورات عندج ستيلا الجديد بتناغرا تحصلينه 50مل بشي وعشرين وفي بالدبنهامز ومايعلي على ألور شانيل اخذي سيت كامل ومعاه معطر لللشعر عجيب أحسه هيبه للعروس
وعندج سينما معاها كريم مو لوشن العطر مركز عند الدبنهامز موجود وموسكينو حلو
وبجامات دبنهامز ولاسينزا وومن سيكرت بالمهلب جدام مانغو عجيييييييييييب شغل الشتا واذا تبين ستانات تحت بالمهلب شكث محلات انو والطاهر
هذا عطر ستيلا
وهذا الكريم بعد
بس ترى العطر روعه خطير stella
وعندج عطر باريس هيلتون البنفسجي حلو حيل
بس احب اسمع اصوات اكثر
احنا دخلنا رسميا الشتاء و الدليل المطر يوم الاربعاء
ابي شي شتوي ويكون مرتب و ذرب
وانا ان شاء الله بروح اليوم للمركز الفرنسي عاجبني فلور بووم ودي اخذه
روحي دبنهامز
وbhs
عندهم أطقم كاملة
وومن سيكرت في المهلب
ولاسنزا
وجربي العطور اللي قلتلج عنهم في موضوعج بقسم العطور
وبالذات العطر اللي قلتلج عنه روووعه
تحصلينه بدبنهامز
وأنا عندي تأخذين العطور من قسم التجميل بالجمعيات أحسن من المركز الفرنسي
وعندج عطر حجر وفتون من سيد جنيد
وعندج العطر الجامد من سيد جنيد
نسيت اسمه بس روووعه سعره 8 دنانير وعلبته عنابي بس تروحين للشايع يقوليله هالشغله راح يعطيج أياه
وصج اللي في باللي لقيته عندهم
وخذيت مجموعه ايفوريا من كالفن كلاين عجبتني
ومجموعه بوفوكاتف وومن
وبحاول اكمل الناقص ابي دراريع أقطان بيت ذربة حق الحموله للايام العاديه رحت مشاغل صباح الناصر
واغلب عروضهم اخر السبوع و لقيت مجموعه فرش مكياج من ماركة فيندي بعشر دنانير اسانتست عليهم
و عجبوني دراعتين و حده خصر واطي مخمل مقلم و الصدر شانتون بس شخباري الشانتون قلت له يحطه مخمل خفيف
والثانية سكرية و الصدر عليه تور اسود و بالاخر خطين شرايط مخمل واحد احمر والثاني اسود وعقب قطع دانتيل محفوفين بترتر
والبحث ما زال جاري 
شغله حلووة فيه كريم اسمه فاطمه
للجسم ريحته دهن عود
شاريته من امل الكويت او الشايع
اول شي ريحته قويه ويصلح لعروس
بالنسبه لبيجامات ما يعلى على لاسنزا
بالنسبه للدرايع عندج دراريع العربيد
بس عيبها انها مكرره
واذا ما تحبين تلقين في محل بالاوقاف
اليشمك يجيب درايع اقطان بس
بسرعه تخلص
اسعارهم من عشرين وفوق
وفيه محل اسمه شحليله
في العربيد بلازا عنده اقطان حلوه
فيه بالحمرا مول تحت همن درايع وبنجابيات
حلوه للبيت
عندج سلمان دبوس اللي بالفروانيه
فوق عنده درايع لا تطوفك اسعارهم ارخص
من حمرا مول والعربيد مع انه نفس المحلات
وهم اتش ام …… والسفيره …..السعفه
وفيه همن على الدخله محل شحليله
وارخص من فرعه اللي بالعربيد بلازا بس عيبه
انه تشكيله شويه مو نفس اللي بالعربيد بلازا
اتمنى اني افتدج
انا رحت و لفيت على كذا مشغل ولحد الحين عجبوني قطعتين في صباح الناصر
والبجايم خذيت من وومنز سيكرت و خيطان روعه و لاسنزا شي حلو
وكريم فاطمه اللي قلتي عنه بدوره
مشكورة يالغاليه
لو عندج وقت جان قلتلج طلبي من النترنت اللي بره احلى ملوت لاسنزا وفكتوريا سيكرتس واسعارهم حلوه
اليشمك عنده دراريع حلوه وناعمه وهم العربيد حتى لو مكرر انتي تحلين الشئ مو اهو يحليج
والعطور في عطر انا دوخني من تشارلز جوردان ريحته جنه عطر فرنسي على بخور على مادري شنو فظيع يدوووووووخ
واذا في شئ ثاني ادورلج واقولج
ومبروك مقدما وعقبال البنوتات اللي مثلي خخخخخخخخخ
كفيتو ووفيتو وما قصرتوا
فعلا كنتو خواتي اللي ما ولدتهم امي….
انا قرب العرس واحتمال ما اشبك لفتره من الوقت ومنى لذاك الوقت أقولكم جزاكم الله خير و جعله في ميزان
أعمالكم
والله يرزق الجميع بالزوج الصالح الهادي الراضي و الذرية الصالحه
وان شاء الله لي عوده معاكم و راح اققولكم عن تجربتي واتمنى الكل يستفيد مثل ما أنا استفدت منكم
أنى أحبكم في الله
يا بنات شنو
لاسنزا
اسم ماركه او محل ووين تنباع ملابسه ؟؟
شاكره لكم