بنات جامعة الكويييييت

السلام عليكم
انا من السعوديه وحابه اني ادرس بجامعة الكويت
بس سمعت ان شهادة جامعة الكويت مو معترف فيها عالميا مادري دوليا
والله ودي ادرس فيها بس خايفه من هالكلام يكون صج

ماودي ادخل جامعة الملك فيصل
القلب عاشق الكويت :$
انتوا ادرى يا بنات الكويت ساعدوني

سمعنا نفس الكلام

بس المشكله بالقبول كلمي السفارة

السعودية هني يعطونج مقعد لان لكل سفارة مقاعد مخصصة

كلميهم و شوفي

مووفقه

لا حبيبتي شلون مو معترف فيها .. وخريجيينا يكملون ماستر ودكتوراه برا من بعد شهاتهم و من مختلف التخصصات

لو مو معترف فيها جان ماكملوو ..

واقوى كلية عندنا العلوم الادارية اول كلية حصلت على تكريم لانه مناهجها مطابقة للمعايير العالمية اللي تنادي فيها منظمة اليونيسكو ..

وبالنسبة لتقديمج.. اذا درستي ثانويتج بالكويت تقدمين عادي

اما لو دارسة بالسعودية .. بهالحالة تييبين شهاداتج الاصلية كلها مالت الثانوية تصدقينها في السفارة عندنا بمنطقة الفيحا
.. بعدين تروحين التعليم الخاص في منطقة السالمية بعد المطافي علي الدائري الرابع .. يعادلون لج الشهادة

وبعدين تقدمين بالجامعة واذا تبين كلية علمية قدمي عالقدرات

والله يوفقج :*

وللعلم عندكم كليات افضل عالميا من جامعة الكويت.. لكن لايعني عدم الاعتراف فيها ..

حجي فاضي

مشكوريييين يا عمري
وانا بعد دخلت على موقع وزارة التعليم العالي السعودي ولقيت جامعة الكويت من الجامعات الموصى بها
وان شاء الله نجي ندرس عندكم :$
بس عني سوال صغيرون :$
انتوا عندكم اختلاط بالجامعه ولا الشباب بصوب والبنات بصوب
ومشكورييييييين

وعليكم السلام
لا هذا كلام مطلعينه ناس ماادري ليش
حتى اخت رفيجتي أسألت دكتورها بالجامعه وقال ان هالكلام مو صج
ولو كانت فعلا مو معترف فيها جان محد درس فيها

وبخصوص الإختلاط موجود ماعدا كلية شريعه مبنى البنات بروح والشباب بروح < هذا إللي سمعته
والكليات الثانيه بس بالممرات مختلطه اما بالكلاس لا وبعض الدكاتره يحطون إذا هالقاعه بس بنات او بنات وشباب

ايه اشوا طمنتيني لان الوالد ما يرضى بالاختلاط ههههههه =))

^
أي كلية حابه تدشين ؟
لقافه

اي عندنا اختلاط ..

بس بالكلاسات لا ، و بععععض الكلاسات تكون مختلطة ..

في إختلاط بالممرات

بس الكفتيريا والكلاسات لا

ههههههه لا عادي حبيبتي
يمكن ادش كلية العلوم :$