بنات شرايكم بسارة الهاجري وناصر الشمري + التفاصيل بالداخل ولج دعوة بظهر الغيب

قوة بنات

بسجل عند سارة الهاجري – فقه العبادات
واحوال شخصية عند – ناصر الشمري

وابي رقم مقرر سيرة نبوية

ولكم دعوة بظهر الغيب

لاني حدي خايفة منهم ولا عندي اي معلوووومة *

ماعندي فكرة
اب
اب

الله يوفقج حبيبتي شكرن ع الرفع

Up
Up

التقييم من موقع قيم مدرسك د ساره الهاجري

المختصر المفيد- معظم الطلبة يقولون
5/4.5
ان مستوى الاختبارات سهل
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 15

التقييم ملاحظات الطلبة
– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: أصول فقه التاريخ: 2024-02-23
الطالب: lioooona رقم التقييم: 23102
الدكتورة ررررررررروعة بمعنى الكلمة لطالبة العلم الشرعي الصح مو للي تدور فقط النجاح فديتها والله علم واخلاق تهبل تهبل تهبل …

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: فقه 2 التاريخ: 2024-09-14
الطالب: عرموطه رقم التقييم: 21917
الدكتوه ممتازه وأسلوبها رائع وشرحها واضح وتقدر توصل المعلومات بسلاسه وتسلسل وربط الأفكار أنصح بالتسجيل عندها وياليت تسمعون الكلام مني وما تصدقون الي يقولون عكس هذا الكلام اختباراتها صح يبيلها دراسة بس مو صعبة وحريصه عالحضور والغياب وتعطي بونصات على كل شي وتميز الطالبات المهتمين بالحضور بتكريم نهاية الفصل بهدايا قيمه بالاضافه إلى زيادة بالدرجات حتى لو كانت الطالبة درجاتها كلها كاملة تكون زيادة عالمعدل وعندها واجبات سهلة وبعض المرات اختبارات قصيرة عشان تتأكد إن ندرس أول بأول معاها ولا درجاتهم بونص بعد
بصراحة ما أبي أطول بي حبيت أقولكم إني خذيت عندها 7مقررات ولو يحصلي أكثر آخذ
أصول فقه 1 . 2
فقه 1 . 2
أحوال شخصية 2
عقود تبرعات
معلومه: هي زوجة الشيخ حمد ناصر محمد منيخر العجمي
ومن سكان الجهراء
واسمها الكامل ساره شافي سعيد شافي الهاجري

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: أصول الفقه1و فقه2 التاريخ: 2024-09-03
الطالب: ltooof1991 رقم التقييم: 21756
السلام عليكم هذي الدكتووره عسل و اتهبل و آنا حدي أحبها عندها علم عجييييب و بصراحة ما شفت مرة مثل علمها تبارك الله يثبتها و أخلاقها فوق الروووعة خذيت عنها مادتين و الثالة بالطريج

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: أصول فقه التاريخ: 2024-06-19
الطالب: عرموطه رقم التقييم: 20967
دكتوره رائعة عسل ممتازة من جميع النواحي

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: فقه (1) أحوال شخصية (2 ) أصول فقه(1) أصول فقه(2)مرتين التاريخ: 2024-02-27
الطالب: عرموطه رقم التقييم: 20243
دكتوره رائعة بمعنى الكلمه ونادرا من نرى بمثل علمها وأخلاقها بارك الله فيها

امتحاناتها سهله لمن يدرس ويجتهد معها

بونصات من 20 إلى 25 درجة
للالتزام بالحضور وحفظ منومه أو اختبارات قصيره

أهم شيء الحضور من أول يوم لآخر يوم بالدراسة والوقت بالضبط ودايم تقول ضبطوا ساعاتكم على 113

تنصح الطالبات بكلام من عسل وماي الذهب ومعتبرتنا بناتها لأنها عندها مريم بنتها الله يحفظها سنة ثالثة طب ما شاء الله تبارك الرحمن

بصراحه ماني عارفه شكتب وشخلي إنتوا لما تاخذون عندها بتعرفون شقصد

والي خايف منها ويسمع إشاعات البنات أقولها سجلي وإنتي احكمي بنفسج وإذا ما عجبتج سحبيها

– النجوم:
– المستوى: سهل جدا
– الشرح: شرح متوسط
– حصلت على: A
ننصح به
المـادة: اصول فقة 1 التاريخ: 2024-07-28
الطالب: شعله امل رقم التقييم: 18442
بصراحة الدكتورة وايد زينة بس شرحها كان مملل نوعا ما بس اهوي وايد زينه لازم تنتبهين معاها بس امتحاناتها سهلة و تراعي الظروف وايد طيبة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: أصول فقه 1 التاريخ: 2024-06-29
الطالب: الله حبيبي رقم التقييم: 18129
دكتورة لا أستطيع وصفها رقي احترام أدب أخلاق ذوق داعية بكل ماتعنيه الكلمة

و هذولي إلي ما يوفونها حقها هذوله طالبات ما ينتظمون بالحضور و المذاكرة و ما يقدمون الواجبات و لا حتى يحرصون على البونص و فوق هذا يبون حالهم حال المجتهدات
علما بأن الدكتورة إهي زوجة الشيخ محمد بن ناصر العجمي

– النجوم: لا يستحق نجوم
– المستوى: متوسط الصعوبة
– الشرح: شرح ضعيف
– حصلت على: C
لا ننصح به
المـادة: i forgot التاريخ: 2024-08-11
الطالب: diva رقم التقييم: 14957
آنا ماحبيت كلاسها خير شر
خذيته ماده اختياريه وحسيت المحاضرات ممله
كانت مجرد تقرا الكتاب!!
يمكن حق اللي طلبة شريعه يعرفونها زياده أكثر مني
بس آنا حسيت شرحها جدآ عادي وممل ومايشجع عالدراسه
ولا حتى عالحضور!

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: أصول الفقه1 و 2 التاريخ: 2024-05-01
الطالب: happiness_maker رقم التقييم: 9561
الدكتورة روعة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: فقه 1 و2 التاريخ: 2024-03-28
الطالب: حقيقة رقم التقييم: 9092
بسم الله الرحمن الرحيم
الحمدلله رب العالمين والصلاة والسلام على سيد المرسلين

بصراحة أخذت عند الدكتورة وما شاء الله تبارك الرحمن علم وأدب وأخلاق.
استفدت منها كثيرا ومن إرشاداتها ونصائحها
وتثير قضايا دعوية مهمة في حياة المجتمع

صراحه أنصح بها للطالبة التي أرادت بدخولها لكلية الشريعة التعلم واكتساب الأدب
وليست للطالبة التي تريد تقدير ممتاز وهي في أغلب المحاضرة نائمة

والحمدلله رب العالمين

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: فقه التاريخ: 2024-06-29
الطالب: كلمة حق رقم التقييم: 5578
دكتورة شاطرة بتوصيل المعلومة وامتحانتها سهلة سهلة موضوعى صح وخطأ وأكملى الفراغ والباقى مقالى وكريمة بالتصحيح وتطوف بعض الأخطاء
واللى ماياخذ عندها خسران

– النجوم:
– المستوى: متوسط الصعوبة
– الشرح: شرح جيد جدا
– حصلت على: C
لا ننصح به
المـادة: فقه 2 التاريخ: 2024-04-25
الطالب: غشمرجيه رقم التقييم: 3845
هالدكتوره الله يهداها المفروض ما ادرس بالكويت المفروض اتروح اتدرس بالحرم المكي أو المدني يعني يبيلها طالبات علم من أمه بس محترمه وخلوقه تعطي الطالب حقه وما تزيد ولا درجه اهمها وايد الحضور باختصار إللى يبي علم من غير درجات ياخذ عندها والله يعينه!!!!!!!!!!

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: فقه1،2 التاريخ: 2024-04-23
الطالب: ركاز رقم التقييم: 3722
بصراحة كل الكلام اللي قالوا عنها ما يوفيها حقها صج دكتورة ما شاء الله عليها دارسة وفاهمة وتعطي الكل وما تزعل أحد
بصراحة أنا استمتعت معاها وانطرها اتنزل مواد علشان آخذ عندها الله ييزاها خير ويجعل ذلك في ميزان أعمالها

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: فقه 1 التاريخ: 2024-04-18
الطالب: (()) رقم التقييم: 3571
آسفة غلطت وحطيت لا ننصح به
يعني دكتوره سارة أكيد أنصح ثم أنصح بها
ماشاء الله علم وافر ودرجات بعد
– النجوم:
– المستوى: سهل جدا
– الشرح: شرح ممتاز
– حصلت على: A
لا ننصح به
المـادة: فقه 1 التاريخ: 2024-04-06
الطالب: (()) رقم التقييم: 3163
دكتورة شرحها يثبت بالذاكرة متمكنة من التدريس
واجباتها مفيدة وسهلة
وكريمة كريمة بالتصحيح وامتحاناتها سهلة وعلى كثر ما تتعبين تحصلين أكثر من المتوقع
حريصة على الحضور
ياليت الدكاترة مثلها جزاها الله خير

تقييم ناصر الشمري

المختصر المفيد- معظم الطلبة يقولون
5/4.8
ان مستوى الاختبارات سهل
وشرح المدرس شرح جيد جدا
والأغلبية حصلو على تقدير B
بإختصار ننصح به
عدد الطلبة الذين شاركوا في التقييم 19

التقييم ملاحظات الطلبة
– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: احوال 1 التاريخ: 2024-02-08
الطالب: بنت العز وكلمتي تهز رقم التقييم: 22845
دكتور ما شاء الله عليه رووعه
بكل شيء
بس عيبه يتكلم بسرعه
امتحاناته سهله
– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: احوال شخصية1 التاريخ: 2024-01-21
الطالب: بنت جدها رقم التقييم: 19470
دكتور محترم ويراعي الظروف وما يقول شئ..
وعطانا بونص 10 درجات سوا لنا فيها امتحان
حدددها الماده سهله عنده
وامتحاناته اسهل …عجييييييييييب
عطاني A->> والله ماقصر ..
لا تطووفونه

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: مهارات إتصال التاريخ: 2024-09-15
الطالب: aliali777 رقم التقييم: 18912
دكتور ممتاز هذا إلي أقدر أقوله عنه

– النجوم:
– المستوى: سهل
– الشرح: شرح جيد جدا
– حصلت على: B
ننصح به
المـادة: احوال شخصيه 1 التاريخ: 2024-08-16
الطالب: جامعيه غير رقم التقييم: 18593
ياربي لو دكاترة الجامعه مثله والله والله والله وكلمة الحق تنقال

جان احنا بألف مليون خير

الدكتور حيل حبوب طيب محترم يراعي الظروف امتحاناته سهله

والمذكره سهله

انصح بالدكتووووووور وبشده

يعني اللي يبي درجه تفتح النفس ياخذ عنده

لان والله هالدكتور يفتح نفس الواحد على الدراسه

عسى الله يوفقه دكتورنا ويجزاه خير

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: احوال شخصيه التاريخ: 2024-07-30
الطالب: kuw رقم التقييم: 18475
انا قيمته قبل ينتهي الكورس والدرجه كانت تقريبيه بس فعلا فعلا جبت عنده هالدرجه رغم اني يومها مااافتحت المذكرة
المادة صعبه بس عنده سهله وربي هالدكتور لااايمكن توصفه اي كلمة بالعالم لانه ماافي منه عسى ربي يوفقه وين مالقى وجهه عسى الله يهنيه ويسعده مثل ماساعدني اللي ماتاخذ عنده خسراااااااااااااااااااااااااااااااااانه يابنات والله والله والله حروف الابجديه كلها ماتوصف اخلاقه

– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: عقود ترعات و عقود توثيقات التاريخ: 2024-07-28
الطالب: شعله امل رقم التقييم: 18439
بصراحة الدكتور وايد طيب بس شرحه وايد سريع يعني لازم يكونين مندمجة معاه بس اهوه طيب و يراعي وامتحاناته سهل بس شرح العبارة شويه يبيله تركيز بس عالعموم المواد عنده سهله

– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: الاحوال الشخصيه التاريخ: 2024-06-27
الطالب: eng.sh رقم التقييم: 18013
دكتور روعه
وانصح الكل ياخذ عنده

– النجوم:
– المستوى: متوسط الصعوبة
– الشرح: شرح متوسط
– حصلت على: A
ننصح به
المـادة: (الأحوال الشخصية – للمساند) التاريخ: 2024-06-24
الطالب: حمزة رقم التقييم: 17785
هللو

خذيت المادة في الكورس الثانية سنة 2024 وكان وقتها

كل اثنين وأربعاء الساعة 2:00 لكن احنا خليناها الساعة

12:30 لحد 1:30 حتى نرجع البيت أبجر..

تقسيم الدرجات:

60 درجة = فاينل

40 درجة = ميدتيرم

10 درجات = امتحان بونص ( اختياري )

_______________________________

المجموع = 110

وإذا ما غبت ولا يوم راح يزيدك من عنده أكثر حتى لو ماكنت

حال عدل في الامتحان. طيب وايد وعلى نياته وأبدًا مو عصبي

تحسه مثل أبوك لكن عنده عيب واحد وهو إن شرحه يملل

ويخليك تزهق وتتافف داخل المحاضرة لحد ما تخلص وتطلع

روحك.. ,ويشرح بسرعة بسرعة..

عدا هالشي كل شي تمام التمام..

امتحاناته كلها مقالي ما يحب الموضوعي وايد

لكن ياب جم سؤال موضوعي صح وغلط وفراغات بالفاينل

والميدتيرم لكنه يعتمد على رأي الفقهاء والموضوعي أكثر..

أكيد أنصح تاخذون عنده ويستاهل دكتور ناصر ، وانا طلعت

منه A

حمزة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: احوال شخصية التاريخ: 2024-04-15
الطالب: kuw رقم التقييم: 17056
يااااااااااااااااااااااااااااااااااااااااي والله وربي ماابي درجة حلوة اهم شي طيبته واسلوبه يااله فظييييييييييييي ياجماعة وربي شي خياااااااااااااااااااااااااااااال لو بكيفي مقرراتي كلها عنده وانا مغمضة الله يوفقه يااارب انا اخذت هالكورس والدرجة اللي حاطتها ان شاء الله اخذها يااارب وامتحاناته قمة قمة قمة بالسهوووووووولة شي فووق الخيال…احترااااااااااااام ياليت يعطي الدكتور جميل المنيع من اسلوبه المحترم كان صارت الدنيا بخير

– النجوم:
– المستوى: سهل
– الشرح: شرح متوسط
– حصلت على: B
ننصح به
المـادة: عقودتوثيقات التاريخ: 2024-01-23
الطالب: ولدالشريعه رقم التقييم: 16070
بعد السلام—-
والله الدكتور ناصر ابو خلف ونعم فيه للامانه كلمت الحق تنقال من ناحيه الدرجات والاسلوب الاخوي والله انه مايقصر
اما من الناحيه الشرح عموم الطلبه يعتمدون على المذكره ولا يعرف يوصل المعلومه
وانصح جميع الطلبه ياخذون عنده لانه يعطي درجات بالهبل
وشكرا

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: توثيقات التاريخ: 2024-01-12
الطالب: سعيده رقم التقييم: 15976
دكتور روووووووووووووووووووووووعه

حبوب طيب خلوق
وبصراحه يعطي دافع للدراسه

امتحاناته سهله حييييييييييييييييييييييييييييييييييييييييييييييل

يراعي الظروف خجول جدا

وبصراحه يكسر خاطري

انصح كل الطلبه ياخذون عنده لو ماده لان فعلا رووووووووووووووعه

واحس اني كل الكلام ما وفيته حقه

– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: أحوال شخصيه (1) التاريخ: 2024-12-30
الطالب: hoobaa رقم التقييم: 15819
بسم الله الرحمن الرحيم
1- الدكتور محترم وخلوق وطيب ويراعي الكل
2- شرحه نص و نص انا ماافهم شي لانه صوت ضعيف ويتكلم بسرعه
3- يحذف من المقرر
4- يطلب تلخيص عليه بونص
5- اختباره امممم اهو سهل بس انا معجبني لانه يحط الاسئله بشكل عام يعني السؤال يحتاج اجابات وايد
6- زاد الطلبه كلهم درجتين بالاختبار
توزيع الدرجات
40 اختبار اول
10 حضور وغياب
50 اختبار نهائي
10 بونص تلخيص
وشكرا

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: احوال شخصية التاريخ: 2024-12-27
الطالب: ali omeer رقم التقييم: 15798
دكتور حبوب وطيب وانصح فيه وبشدة
شرحة واضح
واختباراته سهله حيييييييييييييييييييييييييييييييييييييييييييييل
ويساعد الطالب

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: عقود تبرعات، عقود توثيقات، ولاية خاصة التاريخ: 2024-10-20
الطالب: حقيقة رقم التقييم: 15663
السلام عليكم…

دكتور ناصر أنصح فيه وبشدة وإلي ما يتخرج من الكلية وما ياخذ عنده يضيع على نفسه فرصة كبيرة
لأن الدكتور ما شاء الله عليه طريقته بالشرح حلوه وايد ويفتح مخنا على أشياء دقيقة في المسائل

الله يوفقه

– النجوم:
– المستوى: سهل جدا
– الشرح: شرح ممتاز
– حصلت على: B
ننصح به
المـادة: عقود توثيقات التاريخ: 2024-09-27
الطالب: kuw رقم التقييم: 15531
اخلاق

علم واسع

اسلوب اخوي

بصراحه دكتور رائع

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: احوال شخصيه-عقود تبرعات-عقود توثيقات التاريخ: 2024-09-17
الطالب: salman-s-b رقم التقييم: 15367
د.ناصر من احسن الدكاتره بالكليه طيب ومحترم وخلوق وكريم بالدرجات ومتسامح جدااا…….الله يجزاه خير ويكثر من امثاله..وبصراحه انصحكم تاخذون عنده انا خذيت عنده3 مواد وان شاءالله راح اخذ عنده الكورس الجاي

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: أحوال شخصية التاريخ: 2024-09-09
الطالب: Daffodil رقم التقييم: 11644
الدكتور حبيب وحليو وطيب … ومحترم واخلاق .. واذا ما فهمت يعيد ويعيد .. وكل شي حلو فيه بس لا تستغلون طيبته

الله يوفقه دنيا واخرة

– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: احوال شخصية التاريخ: 2024-09-06
الطالب: سينيوري رقم التقييم: 11576
كتور طيب حيل ويستاهل ان الواحد يدعيله وإذا كان عندك ظروف حق اي امتحان او غياب بدون عذر طبي يسوي اللي تبيه والشرح متوسط ويبي واحد يركز معاه

الله يوفقه

– النجوم:
– المستوى: سهل
– الشرح: شرح متوسط
– حصلت على: A
ننصح به
المـادة: عقود تبرعات التاريخ: 2024-11-30
الطالب: mazeez رقم التقييم: 8172
الدكتور طييييب حيييل بس مشكلته ذكي ويحسبنا نفهمها وهي طايرة،نطلع من المقرر صامين المنهج بس طريقته بالكلام مو مفهومة

اذا قصدج سيره نبويه 1

رقمها 0910233

حيااتي لا لا انتي دعوة اسبوع جدام كفيتي وفيتي حبيبتي
ما خليتي شي وماشاءالله الدكاترة يبشرون بالخير الله يوفقج حبيبتي وتتخرجين

آمين الله يسمع منج

فقه العبادات خذيتها الكورس اللي طاف

كان مكتوب بالسستم سارة الهاجري بس لمن داومنا درستنا دكتورة سوزان السمان

و قالت اهي راح تدرسكم الكورس الياي

يعني اللي مسجلين عند سارة الهاجري راح تدرسكم سوزان السمان مو سارة

تهبل تهبل تهبل الدكتورة

أخلاق ، شرح ، درجات

امتحاناتها وااايد سهلة + تعطي بونصات

اغلب الشعبة A و A-

و المادة واايد حلوة وراح تستفيدين منها ان شاء الله

بالتوفيق لج

اب اب اب

خوش دكتورة سارة الهاجري

up

up

up

up