|
|
السلااااام ..
هالموضوع عشان نستفيد ..
كل وحدرة تكتب اسم مادة اختيارية سهله ومافيها تكدش مع اسم الدكتور وطريقته ..
انا خذيت ثقافة اسلامية عند احمد الذايدي كان زيين وامتحاناته سهله
و خذيت مهارات عند زكريا يشرح عدل و نوته يفهم و امتحاناته سهله
و جماليات عند مرسل العجمي كان مريحنا و المادة حلوووة معاه ..
…..
يسلمووووو (:
اصول وجماليات مو اختياريه مواد الزاميه
عندكم سلطان الديحاني ادراه مدرسيه و العنود الرشيدي اصول تربيه
وبعد فقه عبادات يقولون سهلة بس للامانه ماجربتها وودي لو ينزلونها بشويخ 
يلا بنات وينكم ؟؟
ثقافة اسلامية عند د.عواد برد العنزي
مدخل علم نفس عند د.ناصر المنيع&د.سعود الغانم
دوافع ونفعالات عندد.كامل فراج
علم نفس مرأة عند د.نادية الحمدان
بالتوفيق
ماخذه عندها هالكورس وحدهاااا عجيييبه وحبوووبه وتضحك وتتغشمر
ماطلبت منا كتاب .. اهي ملخصه المواضيع بنوت كميته بسيطه بس مو كامل .. لازم تنوتين وياها
محاضرتها وايد حلوه ماتعبتنا ماتبي منا غير الحضور .. والتأخير عادي عندها حتى لو دشيتي آخر 5 دقايق اهم شي انج حضرتي .. بس لازم تحضرين مبجر لان مثل ماقلت النوت مو كامل لازم تكتبين وياها
طريقتها : ميدتيرمين كل ميدتيرم عليه 25 – المجموع 50 – الاعمال 10 – الفاينل 40 = المجموع 100
وعندها بونس 15 درجه يعني التوتل 115 !! اهو عباره عن 3 كويزات كل كويز 5
امتحاناتها سهلللللله والكميه بسييطه .. امتحنت ميدتيرم وكويزين وكلهم درجات كامله الحمدلله
درجه الاعمال موزعتها على بونسات سهله مثل بونس سؤال بالامتحان وبونس على حضور ندوه وبونس على مسابقه سوتها بالكلاس
انا ليلحين خذيت 1 من 10 لووول بس بونس الكويزات درجات كامله ف شي يعوض شي وان شاءالله ماييب اقل من a
انصح فيها واهي تقول لو كل الشعبه ياخذون a ماعندي مانع الدرجه اللي تاخذونها احطها لكم
ماترفع من نفسها بس طريقتها ترفع الطالب بمجهوده
الميدتيرمات والفاينل اختياري .. بس الكويزات فيها مقالي بس كتابه شويه
تقولون مانبي وحده تعطي كويزات ؟؟ لا بالعكس انا استانست عالسالفه تعطينا كويز كميه الدراسه شويه وتسوي مسابقه بكميه ثانيه هم شويه لما مايبقا شي عالميدتيرم تكونون دارسين اغلب الكميه !
اي وديرو بالكم تشوف موبايلاتكم حطوها بجناطكم وسايلنت
تتنرفز من هالحركه وتطرد لوولانصحكم فيها وسوري عالاطاله .. موفقين
لا تغيبين عنده ولا يوم يعطيج ايه اذا نوعج تغيبين لا تاخذين عنده ما يحب اللي تغيب منصف لابعد الحدود
يعطي تفسير تحليلي
علوم قرآن
ثقافة اسلامية
،،،،
عبدالعزيز المطوع روعه سيره نبوية الشريعه
،،،
سلطان الديحاني التربية رووووووعه لا تغيبين ولا تجيبين واسطات اذا عندج مشكله روحي بنفسج قولي له
يحب جذي ما يحب اللي يدزون ناس وحركات
وسهل بالتعامل ومحترم ويعطي قريد الله يوفقه وين ما كان
اي مقرر يعطيه كل شيء سهل معاه وناسه
اشراف – اقتصاديات المهم اهوا
،،،
تربية بيئية علي الكندري
صج ماخذت عنده قريد بس الكل ياخذ ايه عنده
،،،
الماده قرقه بس الدكتور مسهلها حيييييييييل لا تطوفونها عنده
شرايكم بمادة ثقافة قانونية ؟ سهله ولا لا كاختياري حر؟
اعطيه عشره على عشره هالدكتور
مايحتاي تشترين كتاب لآنه اهوه اللي يقوله ايي بالامتحان فلازم تكتبين اهوه يملينا واحنا نكتب
يعني طول المحاضره بس نكتب وماكو ميدتيرمات ، بس فاينل والكميه زينه يعني كله سهل صراحه واغلب المعلومات نعرفها
والفاينل راجعوا امتحاناته القديمه من النت نفس الطريقه اييبلج ٥ تعاريف و٥ احكام وجم سؤال
وبالنسبه حق الميدتيرمات مثل ماقلت لكم مافي بس يطلب تقرير ابخط اليد ، كان التقرير عن العشره المبشرين بالجنه وتضمنينه هالتقرير لآنه اذا في شي راح يرده لج وعندج فرصه ثانيه تضبطينه وتردينه له
حبوب وماعنده مشاكل لو تآخرتي عالكلاس مو شديد بالعكس حيل مريح
وبالنسبه حق الغياب مايحاسب وايد بس يعني مو اتمصخونها لووول انا جنه عندي ٥ غيابات او يمكن اكثر مادري بس ما حاسبني عليهم
خذيت عنده a-