دكآتره التطبيقي لكل بنات التطبيقي " تقييمــآت

كليةة التجآإري – تخصصي محآسبــةة ..

آصول إداره : فريآل الصباح

– الشرح : عجييييب
– الدرجآت : تســآعد
– الإمتحانات : سهلــه حيييييييييييييييل .. و تزيد درجات او اساله زياده عشان تساعدنا بالدرجات
– الغيآب و الحضور : اممم ولا مره جبت عندها من هالناحيه
– التآخير : منها ما تتآخر – بس إذا انتي تآخرتي تحآسبج إلا إذا كان في سبب مقنع … بس لااا تتآخرووون عندهااا احسسسن لكم و لهاا والله .. عاادي تطرررد مساااااااااااكين البنات اول اسبوع انطردوا وااايد ههههههههههه ..

مقدمة في الحآإسب الآلي : يوسف الخوآإاري

– الشرح : حلو
– الدرجات : كل وحده و شكثر تستآهل " يعني كل وحده و حقها " ويزيد إذا شآف البنت تستآهل يعني ما تغيب وايد وامتحاناتها زينه ..
– إلامتحانات : صعبـه شوي .. و يقول لج إن امتحاناته اصعب من الأساتذه البآجيه ..
-الغيآب والحضور : يحآسب بس حتى لو تآخرتي عن المحاظره عااااااااادي . يسجل اسمج حضور .. بس لا تغيبين من دون سبب مقنع .. المهم تيين
– التآخير : يتآخر أول جم دقيقه .. و يطلعنآ مبجر قبل لا تخلص المحآظره بـ ربع سآعه يعني جذي تقريبا ..

مبآدئ إاقتصـآاد : لميآ عبداإآلكـريمْ

– الشرح : نص و نص .. يعني على حسب الوحده .. انا على حسب المزاج إذا ما كنت مسطله اوكي افهم بس لمن اسطل ما اقدر افكر خلااص لوول .. و في بنات يقولون انهم ما يفهمون منها كلش .. !
– الدرجات : بالامتحانات تعطي بونس يمكن هالشيء الزين .. بس زياده درجات ما اعتقد " يعني كل وحده و حقها "
– الإمتحانات : تعطي بونس + امتحانات سهله وحلوة ..
– الغيآب والحضور : تحـــــــــــــــــــآســـــــــــــــب حتى على التآخير ..
– التآخير : ما تتآخر تيي قبل المحآظره بـ دقيقه او دقيقتين يعني تحسب اول ما تصير و نص بالضبط " 30 دقيقه " تقول يا الله بدينا ..

طبآعه عربي : سهآم الحميـديُْ

– الشرح : حلووو
– الدرجات : تســـــــــآعد
-الإمتحانات : اصلا المااااااااده ما يبي لها دراسه !!
– الغيآب والحضور : تتآخر 5دقايق 10 دقايق عاادي .. والمحاظره تخلص بسرعه .. كلها 50 دقيقه .. قريب السآعه يعني ,
– التآخير : تتأخر .. و أعتقد عاادي احد يتآخر عندها , بس ما عمري جربت

محآسبه 1 : هآجر العصيمي ( هت هت ) ..

– الشرح : بصـــــــــــــــرآحه مو ذآك الزود , و محد يمدحها بالكليه لمن اقول لهم هاجر !!
– الدرجات : ما تزيد احد اكثر من حقها
– الإمتحانات : شوي صعبه ..
– الغيآب والحضور : تحااااااااااااااسب بششششششششششكل مو طبيعي عندها إذا تآخرتي 15 دقيقه خلااص تحسبج غيآب و إذا بغيتي تدخلين عاادي دخلي بس ما احسبج حضور ! تتمين غيآآب .. ,, و عندها إذا ما فهمتي من المحاظره كيفج هذي مشكلتج .. خاصه إذا في بنت ولا بنتين فاهمين والباااجي ما يدرون وين الله قاااطهم تقول : مالي شغل انتوا مو فاهمين بس المهم في جم بنت يفهمون مني ..
– التآخير : تتآخر 15 دقيقه … و إذا وحده تآخرت عندها ما تسامحها ,,

هذوول موآآآدي , بشكل عااام انا مرتااحه منهم , بس خايفه من المحاسبه و المقدمه , اما البااجي وايد مسآعدينا

انا معهد السكرتاريه الكورس الثالث
——–
اول كورس من احسن الكورسااات
استاذه الانجليزي موزه الحماد تهبببببببببببببببببببببببببببببببل لي الحين ندعيلها بالخير ونتمنى تدرسنا
تساعد وتفهم واذا مالنا خلق محاضره تعتذر نتاخر ماتحسبنا غياب
حتى تقول انا ماانزل الغياب
استاذ اداره مكاتب هيثم بالبدايه مانطيقه بس جد خوووش استاذ محترم وطيب
وانا بهالماده ماادري وين الله قاطني بس سااعدني
استاذه اصول اداره مراحب العازمي وااايد زينه تهبل وشرحها يهبل وتساعد
استاذه معالجه عربي لمياء بعد تهبل احب مادتهاا
استاذه مقدمة حاسب مريم الركف شوي عصبيه بس زينه واللي موحلو فيها ماتقول انها معتذره الا متاخره
ولما نقولها بتحضرين تقول اي وماتحضر
واستاذه الرياضيات نسيت اسمها ولااني عبقريه بالرياضيات مااحب الماده خخخ بس زينه اهي لابااس فيها
———
الكورس الثاني
استاذه الانجليزي ردينه الزامل ماااااااااااااااااحب شرحها ماتفهم ماتعطينا المهم و24 ساعه معتذره واذا يت بالاسبوع مره
وماتعرف اسامي البنات واذا يت رن تليفونها تقول اسفه بنات عندي اجتماع وتروح
وبالاخير زفتنا بالامتحان والسبه اهي
استاذه علاقات عامه وحده شريه كبيره شكلها بس نحيسه وعصبيه ومحاضرتها تييب النووم والملل والزهق والطفش وغثيان بالدماغ ههه نبي اي شي عشان نفتك من محاضرتها
واستاذه معالجه انجليزي نفسها لمياء
واستاذه سكرتاريه 1 ايمان الخضير بالاول اشتكينا عليها من اول يوم عصبببت وصراخ تعقدنا هه
بس بعدين تحولت صارت طييييبه وتهبل ومحاضرتها خفيفه
استاذه قيم وولاء شذا الفايييز لو اوصفها مااوفي حقها جد استاذه تهبببببببببببببببببببببببببببل احسن استاااذه مرت بحياتي
تهبل تهبل تهبل ومادتها تهببببل وكلنا امتياز فيها وحبوووبه وتتغشمر ماودي انها تعتذر
————————–
الكورس الثالث اللي انا فيه الحين
تطبيقات حاسب استاذه سها الرفاعي طيبه وحبوبه وتهبل صراحه
استاذه الانجليزي فاطمه السرحان بعد تهبل تتغشمر بس شديده عالغياب
استاذه السكرتاريه 2 فاطمه رخيص شديده شويه بس محاضرتها خفيفه
استاذه مراسلات عربي صفيه اشكناني اول يووم عصبت وصرخت بس الحين طيبه وخفيفه محاضرتها
استاذ ثقافه اسلاميه فهد شخير زين بس وايد يعتذر نبي نخلص موراضي يحضر واذا قال امتحان يغيب هه بس للامانه حيل يساعد بالدرجات
استاذه مختبر انجليزي غدير السعيد زينه بس محاضرتها تطول السبه هي ماتعرف تشغل الكمبيوتر ماتعرف مادري شنو تقعد ساعه على ماتفتح الشي وشديده بالغياب
بسسسسسس وان شاءالله الكورس الياي يكونون زينين

^ منورهـ ,, وربي يسعدج ,, ـآآبـ

موضوع روعه كملوا

^ تسلمين حبووبـةةةة ..,

آآآبـ ..

خوش موضوع بس لو مسوين حق كل كليه موضوع احسن راح يفيد اكثر
لانه مشالله كل كليه فيها درزن دكاتره

^^ لوول , صح كلامج بس مثل مآ آنتي شآيفه محد كتب مع ان وآيد طآلبآت بالتطبيقي لووووول ,

منورهـ حبووبه

كليه الدراسات التجاريه ( انا بحطلكم تقيمي بس دراجاتكم تعتمد عليكم يعني مرات بماده وحده انا ايبa ورفيجتي تيبd او انا ايب d ورفيجتي تيب a كل واحد ودراسته بحطلكم تقيمي لهم من٥)
د زينب ناجح تدرس احصاء الامتحان ما يطلع من اللوح و تشرح بضمير اذا شافتكم مهملين تعطي كويزات باختصار انصحكم فيها و يعتمد ع دراستكم ٥/٥
د حيدر الحداد خوش دكتور محاضراته تهبل لوول كنت اروح قبل الكلاس بربع ساعه شرححه عجيب تندمجون مع المحاضره ما ودكم اتخلص و ما يقصر ما عنده تفرقه ما يحب الغياب كللللش و امتحاناته تعتمد ع فهمج بالكلاس اساسا مو وايد يبيله دراسه كثر ما تفهمون و تراجعون وكانا اول متيريم مو مسوين زين خلانا نسوي بروجكت عشان نعوض ٥/٥
د ناصر المسعد دكتور ما يقصر يوصل المعلومه كثر ما يقدر يحاول يختصرلكم الدرس وامتحاناته عجيبه وعطاني درجه للامانه ما استحقها ٥/٥
د وفاء الصباح تهببببل طيبه ما تحب احد يتاخر عن الكلاس امتحانتها مباشره خططو معاها من الكتاب و لا تغيبون ولا تتاخرون تعطيكم فوق حقكم �� و حبوبه ٥/٥
د نور حيدر هممم تبي الكتاب يكون معاكم وهمم اهي زينه ولوول انا الانقلش ما احبه وايد وعالعموم الانقلش امتحانات موحده و تصليح كمبيوتر وتعطي كويزات تقيمي٥/٤
د يعورب الكندري هممم يحب الحضور يبي تراجعون لووول يعرف اذا مخج معاه ولا بره يحب تجابون معاه محاضرته فني شي ٥/٤
د ناصر العنزي همممم يبي تحضير ومراجعه الماده دسسسسسسمه علاقات عامه محاضرته سريعه اذا كلمتوه يزيدكم وما يحب التأخير٥/٤.٥
د لمى الحميدان اتهبببببل طبعا كانت لنا اخت قبل دكتوره و تشرح بضير تعيد لكم اذا تبون بدل المره عشر و تحط اسأله بونص بالامتحان و تراعي و تعطيكم حقكم تحب الالتزام ٥/١٠ انصكم بقوه
د فضه الخميس اتراعي تشرح و تعيد وتزيد و اتساعدكم و تعطيكم فوق حقكم و وطيبه ٥/٥
ا هيا الفلاح هممم تبي التزام واتدقق ع الاخطاء الي بالطباعه بس تشرح و تعطيكم حقكم عالموم الماده تعتمد عليكم٥/٤
د فاطمه معرفي حبوبه تهبل من عمرنا لوول تشرح بضمير تحب الي يتناقش معاها تحط اسأله بونص بالامتحان و تحدد المهم للامتحان و تعطيكم فوق حقكم ٥/٥
د بدر العقيلي يهبل طيب وااايد يساعد ويراعينا كنت ماخذ صيفي عنده حذف لنا نص المقرر لووووول و هم يعطي بونص ٥/٥
د. مجبل السعيدي يشرح بضمير يحاول كثر ما يقدر يخليكم ما تدرسون بالبيت يعيد الدرس و يراجع ويعطي بونص سؤال بالامتحان تخيلو ١٠ درجات او ٥ ويكون قبلها محدد سؤال البونص و مثلا لو متيرماتكم ١٠٠٪ و الفاينل خرتوها يشيل الفاينل عادي حييييل براعي ويزيد ٥/٥
طبعا تحفظ ع اسامي البعض و للامانه انا تكلمت عن تجربي الشخصيه و هذيل الي ذاكرتهم هههههه قرقت وايد

كليه التربيه الاساسيه

ثقافه اسلاميه عند د عبدالعزيز الايوب يهببببببببببببل وامتحاناته تااافه اسهل من امتحانات الاسلاميه بالثانويه

ووايد يعطينا بونص ويساعد المحاضره الوحيده الي كنت ما امل وازهق فيها الله يوفقه ويعطيه العافيه

سيكلوجيه النموو عند د فهد الطشه الدكتور صج انه نفسيه ومايضحك وااايد بس امتحاناته سهله ويقولون يساعد

بالدرجات عاد مايندرى ننطر ونشوف p:

مقدمه بتكنلوجيا التعليم عند د خالد الكندري خوش دكتور حبوب وطيب وامتحاناته موضوعيه سهله

مدخل الى التربيه د محمد طالب الكندري وايد زين وينكت ومحاضرته خفيفه وامتحاناته سهله بس واااايد يطلب تكاليف

ويقسم البنات مجموعات وكل مجموعه تسوووي مشروع ونشرحه باخر الكورس وبس

كليه الدراسات التجاريه
تخصص : إداره

مواد العامه :-

ماده مقدمه حاسب : هيفاء الرومي
الماده سهله عن الكمبيوتر واجزائه تعرف تشرح ماتطول نص ساعه بالكثير امتحانها انتبهي معاها إذا قالت مهم يعني جائ بالامتحان وتجيب رسومات

تقبل مرضيات وانتي ومجهودج بس الماده سهله .

إحصاء : منال العيسى
تعطي كويزات كثيره لكن تأخذ أحسن درجات لج بالكويز 2 أو 3 إذا ما خاب ظني
تعطيج مذكره حتى لو غبتي المذكره فيها القوانين وتقبل المرضيات .

انجليزي 1 : عبير الرويشد
هذي تحلل الوقت تحليل ماتطلعكم ؤتعطي واجب ؤأذا واجباتج كامله تضمنين 10 درجات نص ونص ماتفهم حيل لكن أنا شاطره بالإنجليزي مشيت حالي و ماتحب الغياب تنزل حرمانات .

انجليزي 2 : مي العتيبي
ما شفت أحلى منها صح تسأل بالمحاظره علشان تعطي درجات مشاركه بس تعطي مراجعه قبل الامتحان ويجي نفسها بالضبط بالامتحان يعني تضمنين نجأحج و فوق هذا ترفعج ماتسقط و تعطي بونص أسئله بالامتحان بس لأتغيبين لأنها تنزل حرمان وتقبل مرضيات و اعتذاراتها واجد .

طباعه وتحرير : هيا الفلاح
قبل كانت تهتم بالتمارين والفلأشات الحين مأدري !؟ سمعت ماتهتم إلا بالامتحان بس لأتغيبين لأنها تعطي حرمانات و تقبل مرضيات والماده سهله ؤانتي وحقج .

ميكانيكا : خالد مراد
طيب ويسااعد حيل حتى لو درجتج زفت كلميه ويرفعج و أنا ساعدني حيل يعطيه العافيه بس يشوف اللى تستأهل يعني اللى ماتغيب عنده يساعدها و امتحانه صح وخطا .

مراسلات عربي : جميلة
ناسيها اسمها جميله خليل يمكن لكن اسمها جميله تكتبين معاها دفتر و امتحانها اختياري يمكن مع مقالي شويه بصراحه مااذكر لكن للأسف معطيتني دي و تقبل مرضيات مع أنه مفروض سي لكن لأني ماكنت مهتمه وماكلمتها .

مبادئ اقتصاد : شفاء الخريف
تفهم الماده بس الماده شوي دسمه وفي رسومات بس إذا كلمتيها ترفعج ؤلاتغيبين تحب البنت الملتزمه معاها .

محاسبه 1 : مشاري الفريح
يفهم الماده و مـآ ينزل حرمانات لكن يشوف اللى مهتمه بالماده وماتغيب يرفعها و امتحانه كله اختياري .

المواد التخصصيه :-

أصول أداره : شبيب الشمري
يختصر الماده بكل صفحه خط واحد و مايطول بالشرح يمكن نص ساعه وأمتحانه سهل كله اختياري وسوالين مقالي و الفائنل نفس أسئله امتحان الشهر أؤل والثاني و يعطي بونص درجتين .

أداره حكوميه : يعقوب الكندري
هذا إذا شاف الكلاس نايم يعطي كويز لكن إذا سولفتوا معاه وشاركتو معاه بالسوالف مايعطي مزاجي يعني امتحانه صح وخطا مع التصحيح واذا ماغبتي عنده لج 10 درجات بس للحين ماخلصتها هالماده. بأجيلي الفاينل .

عمل مكتبي : فضه الخميس
هاذي أحسن من كل اللى يدرسون هالماده لأنها الوحيده اللى تختصر النقاط وتفهم وتساعد إذا محتاجه وكلمتيها مأدري عن الغياب تعطي حرمان أو لا لكن تقبل مرضيات امتحانها كله مقالي يعني نقاط وأذكري .

أداره مكاتب : عدنان العلي
هالاستاذ محاطرته غثيثه يحلل الوقت تحليل ما يطلعكم إلا عالوقت والماده سهله عن تصميم المكاتب و امتحانه كل شيء فيه مقالي و موضوعي و ديربالج لأتغيبين ينزل حرمانات .

قانون إداري : وفاء الصباح
طيوبه حيل و تقبل مرضيات و تساعد وماتسقط أحد و امتحانها صح و خطأ

مشروعات صغيره : سمر القاضي
إذا حفظتج بالمحاظره بتعطيج حقج وزود واذا مآتعرفج بتعطيج حقج وبس و امتحانها كل شيء فيه و تقبل مرضيات .

سلوك تنظيمي : فاطمه دويسان
تحب اللى تشارك معاها و ماتحب اللي تغيب وتنزل حرمانات و امتحانها شهر واحد بس ومشكل فيه كل شيء و بدال الامتحان الثاني شرح بحث تسوينه وتشريحنه جنج مدرسه وللحين مأخلصتها بأجيلي الفاينل .

معالجه نصوص : ابرار عبدالكريم
تهتم بالفلأش تمارينج تكون كامله ما تهتم بالأيد وين بالكيبورد تحلل المحاظره كلها ؤأذا غبتي ماتقبل مرضيه تبيج تحظرين معاها كلاس ثاني و الماده سهله مثل الطباعه بس مع تنسيقات و إذا حفظتج أحسن بترفعج .

نظم معلومات : أحمد العوضي
ما يطول بالمحاظره و يرفع اللى تكلمه وأمتحانه كل شيء فيه مقالي و موضوعي و للحين مأخلصتها أدعولي لكنه طيب حتى لو دشيتي آخر محاظره بعشر دقائق ما يقول شيء يدخل .

إدراه ماليه : فهد الأحمد
هالماده مثل المحاسبه و للأمانه ما يفهم امتحانه صح وخطا مع تصحيح الخطأ و مقالي و مسأله بس لأن أول شهر مزفتين عطانه بونص 6 درجات هههههه سبحان اللہ و يقبل مرضيات وتكتبون معاه بالدفتر أدعولي أنجح فيها للحين مأخلصتها : (

يمكن بس هذولي ؤمادري إذا ذكرت شيء بكتبته هههههه

أدعولي بالتوفيق وارفع معدلي

الله يوفقكم يآآرب , منوورآت يآ الغآليــآت ,

يآ الله نبي بعـــدْ ,,