التجمع لبنآت التجاري مستجدات )

السلام عليكم
شخباركم بنات التجاري
شلونكم بعد أول أسبوعين
أن شاء الله زينين ؟؟

هذا أن شاء الله يكون التجمع الجديد
عن القديم اللي ماادري وين راح ؟؟
عموما ..

اللي عندها استفسار أو مشاكل أو
أي شيء خاص بالتجاري تتفضل هني
لأن مليون موضوع مانحتاج ..

شرايكم نبدأ بكل وحده تقول لنا عن
أساتذتها شلونهم من أول انطباع

لأن خلاص سجلنا وبلشنا دوامات

بالنسبه لي

عندي مي العتيبي انجليزي 2
عسل أعرفها من قبل و ماتقصر ومحد
يسقط عندها

علاقات عامه ناصر العنزي
للحين ماداؤم أحلى شيء هههههه

أداره حكوميه يعقوب الكندري
محاظره غثيثه بس أهم شيء امتحان
صح وخطا وتصحيح خطأ و 10 درجات عالحضور وكميه شويه

فاطمة دويسان سلوك تنظيمي
تفهم بس أحسها شديده و ماتحدد امتحان مقالي أو صح وخطا

إلباجين ساحبه عليهم ماحظرت
هههههههه

السلام عليكم

بنات بغيت اعرف في تسجيل متأخر ؟؟ متى؟؟

واذا مافي متى التسجيل للكورس الثاني ؟؟

حبيبتي بقولج عن تجربتي بالاساتذه دام تخرجت

ما اخذت عند مي العتيبي .. بس ساره الصباغ عسسسسسل صج اذا شفتيها تقولين عنها نفسيه بس تهبل مع البنات وامتحاناتها سهله وتحدد شنو اللي راح يدخل بالامتحان وبسرعه تخلص المنهج

ناصر العنزي ابشرج اغلب المحاضرات ماراح يحضر كله يغيب واذا حضر ينقلكم المحاضره ويطلع وامتحاناته صح وغلط مع تصحيح الغلط .. بالفاينل يزيد ويحط اختياري مع سؤال واحد مقالي وصح وغلط مع التصحيح

فاطمه الدويسان زوينه .. راح تسوي مجموعات للبنات وكل مجموعه تسوي تقرير وتشرحه وامتحانها صح وغلط مع التصحيح ومصطلح ومقالي ورسم راح تذكرج بالثنويه بس درسي عدل لان تطلع اسئله من بين الاسطر

والله يوفقج حبيبتي

عيا زماني
وعليكم السلام ورحمه الله وبركاته

التسجيل المتأخر بطلوه وخلص اللي
أهو الأسبوع هذا وجمعه وسبت مافي

للكورس الثاني للحين ماحددوا
وإذا حددوا بقولج

مس سوسا
ساره الصباغ نفس نظام مي
ومشكوره على المعلومات أهم شيء
ناصر العنزي وناأسه هههههه

بس نظام فاطمة ماحبيته خاطري اسحبها
ياليت في سحب

ميك آب , حبيبت شلونج شخبارج ؟

اممم التجمع مالج القديم اجمعووه مع التجمع اللي اقدم منه مال العضوه طالبه ,

ع العموم إذا تبين خل نخلي هالموضووع للاستفسارات 😛 ,

ويعطيج العآفيه

عن نفسي انا حظرت كل المحاظرات , ولله الحمد ,

كلهم زينيين والحمدالله إلا في دكتوره احسها ما تفهمممم , و شكلها يديده

والباجي كلهم اوكي لي حد الحين , بس المبااني ساعات تضيعج لووول , بس الحين انا حفظت المباني ,

تماام حياتي انتي شلونج ؟!
في موضوع ثاني عن الاستفسارات

مانبي نكرر موضوع ثاني هذا حق السؤالف و عن مشاكل أو استفسارات أو تجهيزات للكليه من كل شيء

ومنوو أساتذتج ؤاللي ماتفهم علشان نستفيد من تجارب بعض لأن ورانا تسجيل كورس ثاني بعد نبي الزينين علشان نتخرج
أما ضياعه الكليه ههههههه بتدلين
لاتحااتين هالمؤضوع : )

السلام عليكم

انا مستجده تخصصي ادارة و جدولي حلو اي انا اول ما داومت ضعت بين المباني و لحد الحين اضيع بس تعودت بعد هل الاسبوعين
احنا درسنا من اول اسبوع طباعة على الحاسب عند عالية العمر ما ادري احسها حبوبه بس مرات تغث لما تقول المنهج وايد و ما يمدي نخلص و طبعوا بسرعه و تدقق على الاصابع و شلون حاطه ايدج بس مع هذا اهي تبي مصلحتنا و نطبع بشكل صحيح
و باجي المحاضرات احضر و اهم الدكاتره ما يحضرون و هل الاسبوع يوم درستنا شريفة الحوطي وايد عسوله و قالت ان كل خميس مافي محاضره اوف وناسه بس عندنا لها محاضرتين بالاسبوع يعني و شكلها شاطره و حبابه و حضرت بعد شفاء الخريف كشخه و سمعت انها حيل طيبه و مع البنات و اللي تكون معاها ترفعه بالعلامات لحد الحين و في بعد محاسبة عند بدور الصقعبي سمعت انها اول مره ما ادري بس شكلها حييل ممتازه و في عندنا مقدمة في الحاسب كنا عند عبدالله الخواري بس ما حضر لنا و قال حولونا على الدكتوره هدى او ما ادري شسمها المهم انه غيرنا

و الكفتيريا اكتشفت اللي بمبنى 5 و اكتشفت بعد اللي عند المدخل الرئيسي اللي جنب المسرح و بالعكس احلى و اشرح من اللي بمنبى 5 << اي اهم شي بطونا
هههههه

و بعد اكتشفت وين المصلى لان ضعت و عزكم الله الحمامات ما شفت بالمباني الثانيه حمامات بس شفت واحد بمبنى 5 اللي فوق ع اليمين الباقين ما شفت فيهم

انا جدولي الاحد و الثلاثاء عندي بين المحاضرتين ساعة راحه والاثنين و الاربعاء كل محاضراتي 4 ورا بعض و كلهم بمبنى 3 ما عدا محاضرة شفاء و الخميس محاضرتين و بينهم نص ساعة و الثانيه تخلص 3 اللي اهي مالت بدور