الطبيبات و بنات الطب تعاااالووو اهنييي ابيييكم

شلونكم بنات ؟؟
ادري احنا قله بالمنتدى .. ماشالله المنتدى مترووس مهندسات و اداريات و مدرسات
و احنا وينااا ؟؟؟ المهم خلونا نتعرف على بعض
ان كنتي صيدله او اسنان او طب بشري
و وين تشتغلين ؟ و وين درستي ؟ او وين تدرسين ؟ و شلون الشغل معاكم؟؟

يلاااا بنات شاركوونااا خل نثبت وجودنا

و أخيرااااااااااااا في وحده غيري بالمنتدي تعبت و انا انادي من قبل ….. حياج الله

عرفيني عليج اول

هلاااا حبيبتي دانتييل
انا طالبه سنه ثالثه بالكليه الملكيه للجراحين بايرلندا و ادرس طب بشري
Royal College Of Sergeons
و انتي ؟ ونااااااااااااسه في احد معاي

وينكم بنات ؟؟؟ شدعوه ماكو احد بالطب !!!!!!!!!!!!!!!
يلا تعالوووو تعالوووو نبي نتعررف
شلونكم مع الخفارات ؟؟ و اللي قاعده تدرس شلون الدراسه معاج ؟؟
و شرايكم بالكادر اللي يبون يزودونا ؟؟ عني انا مستانسه حدييييييييييييي

دنتستوووووو هلا

انا بالنسبه لج غنيه عن التعريف

انا مثل دنتستو

دانتيييل عرفينا عليج ؟؟

الكادر شي جميل بالحياه .. لوووووووووووووووووووول
انا بعد مشتانشه عشانه

دنتست …. ترى فيها فرع من Rcos بالبحرين

انا توني متخرجه والحمدلله شهر 6 تخرجت واااااااااااي ما بغيت … انا طب بشري
بس لي الحين ما توظفت عندي ظروف شوي بس ان شاء الله قريب

انا درست بجامعه الخليج العربي – البحرين Agu

دنتست توج صغيرووونه ما شفتي الظيم بعد

عاد قالولي البحرين دراستها حلوه
الله يوفقج انشالله
لا تخرعيني انا الحين و احس اني مضغوطه
ادري عندنا فرع هناك لووول قصدي الجامعه عندها فرع

ويسبروووووووووووو هلا هلا ببنات الرويال حياج الله ياوخيتي

والله شوفي البحرين نظامهم problem based learning
ندرس سيستم سيستم يعني ناخذ مثلا الكارديو و ندرس الاناتومي و الفسيولوجي و الباثو و الكلينيكال مو نفس نظام الكويت الاناتومي مره وحده
بس اهوا self learning يعتمد عليج انتي … المحاضرات قليله … اذا انتي ما شديتي حيلج محد بيدرسج

السعوديه spoon feeding حدهم الدكاتره يسوون لهم ملخصات و ملزمات غير المحاضرات

تصدقين احنا تقريبا بينكم و بين السعوديه
في اشياء لازم self studying
و في محاضرات فيها نوت و ملخصات
و على الاناتومي اهمه مقسمينه عندنا على سمسترز يعني اول سمستر ماخذين lower limb
semster 2 upper limb
semester 3 head and neck
و عقبها مستشفيات الدوام
يمكن الفرق بينا و بينكم انه احنا عندنا بس سنتين دراسه و الباجي كله مستشفى يعني نسكن بالمستشفى و يوفرون لنا سكن للدكاتره و نرد بس بالويك اند
طبعا المستشفيات بره المنطقه اللي احنا فيها و هذا اللي مسبب التعب يعني الطريج اكثر من ساعتين " جنه سفر"

و الكورس صراحه ضاغطينا ضغط مو طبيعي
بايوكيمستري و اناتومي و سيكولوجي و فيسيولوجي و موليكيولار و نيورو

ايي حتا احنا سنه اولى بريمد فيزكس و كيمستري و هالخرابيط
سنه 2 و 3 و 4 اناتومي .. فسيولوجي.. و هالمواد
5و 6 مواد الكلينيكال و ما ادراك ما الكلينيكال
medecine – , pediatrics- surgery , و باجي الربع

شكلنا بس احنا الثلاثه بهالمجال محد معانا !!

دنتست حدددددده ماكو غيرنا حسسااااافه بس فينا الخير

دنتست في من رفيجاتي اللي توظفوا …. يقولون الدوام زفت الزفت يقولون ما نقدر نحك راسنا
والله وحده تقول تبي تدرس صيانه طبيه اللي يسوون صيانه على الاجهزة تقول كرف مو طبيعي

هااااااااااااااااااي زمــــــــــــلاء الكـــــــــفاااح

شخباار الدح ؟؟ ما وصيــكم .. أرواااح الأواادم .. لا يدعون علينا عقب

أنا أدرس طب ثاني سنه فجامعه الامارات .. أنفع ؟؟؟

احم.. هذي نبذه عن نظامنا باختصار

نظامنا يسمونه integrated curriculum .. لأن عميد الكليه كندي و إداره الكليه كلهم أجانب .. فنظامنا شبه انظمتهم ..

أول سنتين يسمونهم (MSC (Medical science course .. مقسمينها 10 units ..

أول يونت أغلبها بيوكمستري و شرحولنا السيستمز عالخفيف .. يعني التيرمز و الوظايف .. ثاني يونت عن الــcell .. ثالث يونت عن الtissues.. رابع يونت upper limb و lower limb.. خامس يونت Thorax

هذي كانت أول سنه.. طبعاً كل يونت ناخذ معاه فسيولوجي أو كمستري أو سايكولوجي أو فارما أو كلهم ويا بعض !! حسب موضوع اليونت ..

هـــــذا غير إن البروجكتات كل يونت و شغل الكميونتي مدسن و الفاميلي مسدن .. و البرزنتيشنات و هالسوالف ..

ثاني سنه .. يونت 6 abdomen.. و يونت 7 cellular communication هذا اللي احنا فيه الحين أغلبه فارما و الهرمونات..
و عقب head and neck و بعدين أعتقد بكتيريولوجي و باراسايت

ثاني سنه عندنا بروجكت اجباري .. احنا نختار الدكتور .. و نشتغل فاللاب أو الانيمال هاوس أو نسوي ستاتيستكس إذا البروجكت مع الكميونيتي .. و نسوي بوسترات للنتايج و نعرضهم هالدكاتره و الطلبه .. الله يعيني عليه

فأول سنتين يعطونا English .. عساس نقدر نمشي فالمنهج reading , writing , speaking, medical terms…… بس أنا أحس ماله لزمه !! ضاغطين جدولنا عالفاضي

ثالث و رابع سنه (OSC .. (organ system course

ناخذ الجسم سيسم سيستم يعني الكاردوفاسكولر بروحه الريسبايراتري بروحه وجذي .. ما نكون نظام كلاس .. مجموعات صغار كل مجموعه باشراف دكتور .. يكون مثلكم self learning فيه محاضرات بس مب مثل أول سنتين , case studies

خامس و سادس سنه كلينيكال هذول ما عرف نظامهم .. أحسهم فعالم ثاني هههههه

إجمالاً مبسوطين .. بس ضغط .. تعلمنا النظام بالغصب .. ما كان في حد كثري عايش الدنيا سبهلله ههههه بس صرنا نعرف ننظم وقتنا مب مثل قبل ..

امممممممممممم أكثر شي مزعجني احساسي بالغربه ساعات .. 90% إذا ما كان 95% كلهم أجانب .. و شويه إماراتيين .. و نتــــفه عرب .. و حتى العرب جوازاتهم أجنبيه ..

بس أرد و أقول إذا عشان مصلحتنا ما عليه .. و أكيد استفدنا وايد من اختلاطنا فيهم ..

دانتيـــل .. كلولولولولولولولولوش مبرووووووووووووووك التخرج .. و عقبالنا يااااااااااااااااااااااااااا رب

دنتست .. قصيتي علينا و ما طلعتي دنتست
كيف و ماذا و لماذا ؟؟؟؟؟؟

بس كليتكم عجيــبه و سمعتها تكــــــــــــفي

سؤااال .. حد من أهلكم وياكم ؟؟ يدرس طب معاكم ؟؟

أنا أخوي أصغر عني بسنه .. أحس وناسه

يلا مـــع الســـلامه .. راجعه للموضوع قريب