تجمع طالبات المعهد العالي للفنون الموسيقية "ضروري دخول من لها خبرة في هذا المجال"

السلام عليكم

اللي عندها خبرة في مجال دراسة الموسيقى اتمنى تدش
و تكتب عن تجربتها ~

اللي اعرفه ان في مكانين يدرسون الموسيقى :
1- المعهد العالي للفنون الموسيقية " السالمية "
2- كلية التربية الاساسية تخصص موسيقى "حولي"

ابعرف شالفرق بينهم ؟ و هل ممكن ان اللي درسون يأخذون بعثة و يكملون برا ؟ و شنو الدول المتاحة ؟
و هل في نسبة معينة ؟ لان في ناس قالوا عادي اي نسبة و في ناس قالوا لا لازم نسبة معينة !

بانتظاركم

و شكرًا

At least ..

1 UP

صباح الخير

انا قاع ادرس بكليه التربيه الاساسيه تخصص تربيه موسيقيه الي بالشاميه

طبعا الكليه فرق عن المعهد الموسيقى من حيث الشهاده يعني شهاده كليه التربيه الاساسيه بكالريوس اما

معهد الموسيقى فيعطي دبلوم

اما عن موضوع البعثات اكيد يعطون بعثات

وان شاء الله اكون فدتج

التربية الأساسية تقدرين تسيرين مدرسه و راتب قوي عكس المعهد تشتغلين بالتلفزيون و الإذاعات كملحنه أو شي جذي و الراتب ما عندي فكره عنه

التربية الأساسية حق الموسيقى سمعت أنها تاخذ من 70 بس عشان تحطين نفسج بsafe saide شدي حيلج و يبي 76 و فوق

و اي التربية لهم بعثات

أما المعهد ما أدري

و شهادة التربية مو باكلريوس لكنها تعادل الباكلريوس

صباح النورْ ��

~

بس شنو الأعلى دبلوم ولا بكالريوس ؟
شنو الفرق بينهم :/ ؟

و شكرًا لج يسلموووؤ عالردْ ��

بس انا اكثر من احد قال لي ان الموسيقى بدون نسبة ما يعتمدون على النسبة*
علما ان درجات بــ بالموسيقى بالمدرسة كاملة ..*

و شكرًا لج على الرد يسلموو 🌹

اللي عندها فكرة عن المواد اللي ندرسها بالمعهد ( عدد المواد / و شنو اهما ..؟) تفيدناآ

طبعا الباكلريوس أقوى بواااااااااايد من الدبلوم من كل النواحي

يعطيج العافية الحورية

Up up |~

المعهد تطور و كان دبلوم والحين صارت شهادته نفس التربيه الاساسيه و فيه تخصصات فيه تربيه موسيقيه و غناء و تلحين و الات
بالنسبه حق دراسته نفس المدرسه و تاخذين ١٤ ماده و نفس نظام المدرسه بالسنه مو بالكورس وفيه دور ثاني وفيه تعيدين السنه و طبعا ٩٠٪ من دراسته تكون بالموسيقى و بس مادتين او ٣ يكونون نظريه مثل ماده تربيه موسيقيه وماده تاريخ موسيقي ،،، مو ذاكره بالضبط شنو اساميهم … والدراسه اصعب من التربيه الاساسيه واول ما ادشين المعهد يسوون لج اختبار وتغنين اي غنيه ببالج و جدامج جم دكتور و دكتوره و ما يبي نسبه … القبول ٥٠٪ وفوق … و الفصول تكون خلط شباب و بنات وهالشي يحتاج انج تكونين جريئه….. طولت عليج و قرقرت وايد

تقبلي مروري

^ خرعني ردج :/

انا مو جريئة كلش !
بس بسأل عن الدوام من الساعة جم لي جم ؟
و في بعثات عن طريق المعهد ؟

يعطيج العافية

لوووول لا حبيبتي ماكو شي يخرع اذا انتي حابه الموسيقى ومالج خلق دراسه .. دشي و ترا اناوكنت فيه كورس وطلعت وما عجبني الوضع كلش كلش

الدوام من ٨ لين ١٢ بس جنه كل سنه يغيرون الوقت

اياكيد في بعثات اذا خلصتي ال ٥ سنين اول سنه تمهيدي و الباجي ٤ سنين جامعه يعني
واذا تخرجتي باكلريوس تروحين مصر او لبنان تكملين وترا كله دكاتره ما فيه اساتذه

أمبيه يخرع والله
انا شاطرة بالموسيقى و اعرف اعزف على الات وايد و الحن
ما عندي مشكلة من ناحية الموسيقى
بس خايفة من الوضع هنااك
انا كلش مو جريئة كلش كلششش
بس ماكو بعثات غير هالدول ؟ :/