طالبات كليه الدراسات العليا ضروري تعالوووو

السلام عليكم

اشلونكم عساكم بخير

انا خريجه اداب قسم فلسفه تخرجت كورس اول هالسنه وقدمت على الديوان وناطره الوظيفه وقالو لي اني مقبوله بالتربيه حلو ؟

فكرت اكمل دراسات عليا اتصلت اليوم وقالو لي تعالي راجعينا بس التقديم راح يكون شهر 11

بس انا ما قلت لهم التفاصيل

يعني ينفع اشتغل واكمل دراستي العصر والا لازم اخذ تفرغ دراسي

واذا كلمت ويبت شهاده الماجستير هل التربيه تجبرني اني اتم بالوزاره نفسها؟

شغله الثانيه اذا بكمل ببرنامج قسم التاريخ الدراسه بتكون بالعربي والا بلاانجليزي؟

لان مستوى بالانجليزي جيد وخايفه بصراحه من امتحان التوفل والايتلز

بالنسبه للشروط ابي اعرفها بالتفصيل بليز من ناحيه المعدل وسكوير الامتحانات والدراسه هناك طبيعتها شنو ؟واشلون اقدر اعدي الامتحانات؟

ادري كثرت بالاسئله بس ودي اعرف كل شي

حبيبتي .. الدراسة في كلية الدراسات العليا تبدا من الساعة 3 العصر الي 8 المسا يعني تقدرين تتوظفين و تدرسين في نفس الوقت لان هذا يسمونه بارت تايم .. ومايحتاي تفرغ دراسي .. ولازم تقدمين على ماجستير الفلسفة ما ينفع تاريخ لان على حسب شهادتج او مكتبات او ادارة اعمال وعلى ما اعتقد بعد علوم بيئية اذا ما كنت غلطانه ..
يطلبون منج توفل 450 .. وهذا الامتحان الجامعة تقريبا كل شهر تقدمة بس لازم تسجلين و تدفعين 30 دينار حق الامتحان ولما تقدمين على طلب القبول في الدراسات العليا لازم يكون معاج .. طبعا ان اتكلم عن المتطلب اللغوي حق الفلسفة طالبين 450 توفل والدراسة باللغة العربية بس في مادة وحدة اسمها نصوص تخصصية بلغة اجنبية … توكلي على الله وقدمي موفقة مقدما
هذا موقعهم https://www.graduate.edu.kw/arabic/ne…hp?data_id=101

مشكوره حبيبتي الله يعطيج العافيه يا قلبي

يعني ينفع الشهر الياي اقدم على التوفل؟

والشروط بس توفل من غير ايتلز؟

والامتحان اشلون طبيعته صعب والا سهل ؟

لما اتصلت عليهم قالو لي شهر 11 تعالي قدمي!

الدراسات العليا يطلبون امتحان واحد فقط … وانا سويت التوفل وهو وايد سهل لان لوكل مو انترنشيونل … بس التوفل يبيله سرعه في الحل وما يطلبون منج رايتنق بس ريدنق و ليسننق و قرامر … وتروحين كلية الدراسات العليا بالخالدية وتقولين لهم ابي اقدم على امتحان التوفل راح يطلب منج صورة شخصية و 30 دينار ويقولج في اليوم المحدد تمتحنين في الخالدية… عاد انتي درسي قبلها
ولما تقدمين عالدراسات العليا شهر 11 قدمي نتيجة التوفل اخر مرة كانوا طالبين 450 والتوفل يقعد معاج سنتين

بس انا مو بذاك الزود بالانجليزي

يعني تنصحيني بمعهد زين؟والا الجامعه نفسها اهيا اللي تحط دوره عشان نتعلم

وصج ان اغلب الاجابات تكون بي وسي اكثر شي؟

والاختبار اختيار متعدد والا كتابه؟

ومتى الحين اقدر اقدم على التوفل؟

مركز اللغات (اعتقد جذية اسمه) التابع للجامعة الي بالشويخ يعطي دورات للتوفل .. انا مرة خذيت من عندهم دورة التوفل لمدة 3 اسابيع قيمتها 75 دينار .. و وايد فادتني وخلال ما كنت ادرس قدمت على طلب امتحان التوفل الي بالجامعة علشان ماكو ناسية الي درستة … اختبار التوفل كله اختياري يعني a,b,c,d الصعوبة بالوقت كل جزء بالامتحان له وقت معين وينتهي
بالنسبة للاجابات انها تكون بي و سي فقط … ماعندي علم
روحي كلية الدراسات العليا بالخالدية و سأليهم الي اعرفة ان كل شهر يسون امتحان بس يكتفون بالعدد 100 بس

اهااا اوكيه راح اراجعهم يوم الاحد ان شاء الله

بالنسبه للاختبارات اشلون؟ راح يكون بايام الاسبوع الصبح والا بس السبت؟

وبالنسبه للكتب والمراجع لازم اروح المكتبه الصبح يعني لازم الوزاره اللي راح اتوظف عندها يكون عندها علم اني قاعده اكمل؟

لان يمكن على الشهر الياي اتوظف!

نفس الاستفسارup up up

لا ما يحتاي تبلغين وزارتج لان وقت الدراسة ما يتعارض مع وقت الدوام .. الدراسات العليا تبدي من 3 العصر
والاختبار اعتقد يكون يوم سبت لان انا كانت اختباري في يوم السبت
اي كتب واي مراجع ؟؟؟
الديوان يعطيج 45 يوم بالسنة علشان الامتحانات يعني غصبا على دوامج اذا توظفتي يعطيج اجازة دراسية 45 يوم تقسمينها على كورسين اوقات الامتحانات

اها يعني معناها لازم ابلغ المدرسه اللي راح ادرس فيها اني قاعده اكمل صح؟

انا اقصد المراجع والكتب لما بسوي بحوث لازم اروح من الصبح والا اهوا عادي تفتح المكتبات العصر صح؟

والامتحانات تكون الصبح يعني مو العصر؟

up up up

سوري مزاجيه كثرت بالاسئله بس ما ادري منو اسأل

وحتى لو رحت سألت بالخالديه بس ارجع البيت افكر بأكثر من سؤال وسؤال عشان جذي حطيت موضوع

بنات تكفون ابي تفاصيل اكثر

مرحبا انا عندي تجربتي في التوفل
بصراحة لغتي الانجليزية تحت المتوسط يعني لغة ثانوي
ودراستي البكالوريس كانت بالعربي
سجلت بتوفل جامعة الكويت لوكال
ودرست 3 شهور من كتاب عباس الشمري 2024
وقدمت اخر الايام لكن للاسف حصلت على 400 نقطة والمطلوب 500
انا تخصصي تربية قسم الرياضيات وكنت حابة اكمل علوم رياضيات
ماادري اذا شرط 3 سنوات خبره ينطبق او لا ياريت تفيدوني
بالنسبة للاختبار يعتمد بشكل كبير على السرعه
ويعتمد على كم الكلمات الى تعرفينها بالانجلش
وطبعا القواعد محتاجة فهم وتركيز
انا قدمت الاختبار مرتين
والان ادرس انجليزي في البيت وناويه اخذ دوره في مركز اللغات
انا انصحك الان
تختبرى وتشوفي مستواك لاتتوهقين مثلي اذا حصلتى على نتيجة قريبة من المطلوب مااعتقد تحتاجين دوره
وان شاء الله تاخذينه من اول مره
فيه اختبار بتاريخ 21 – 5 – 2024
بالنسبة للشروط ماعندي معلومات لانى مو من اهل الكويت بس موجوده الشروط في موقع الجامعه
عموما اتمنى تكون معلوماتي مفيده
واي سؤال ان في الخدمة

الامتحانات اختيار متعدد؟

لاني سمعت ان في اشياء تعتمد على السمع وما ادري شنو!

المشكله ان في مادتين خذيتهم بالجامعه وكان قريدي جيد يعني ما بين 70-75 عشان جذي خايفه من التوفل

اختي تعطينهم خبر بس .. ما يقدرون يمنعونج .. وانتي تعطينهم خبر علشان لي بغيتي تاخذين اجازة اداء امتحان تسوينها عن طريق مدير المدرسة …
وعن سؤالج بخصوص المراجع .. استغرب منج … شلون انتي خريجة جامعة الكويت وماتدرين ان المكتبات تبع الجامعة سواء الي بكيفان او الشويخ تفتح لي 8 بليييل ؟؟؟؟
مكتبااات جامعة الكويت تفتح لي 8 بلييل و تسوين لج بطاقة استعارة من مكتبة جابر الي بالشويخ لانج تدرسين دراسات عليا
والامتحانات ماتكون الصبح تكون بأوقات المواااد يعني انتي مسجلة بمادة ميتافيزيقا ومحاضرتج الساعة 5 العصر … بنفس هالوقت يكون امتحانج الميدتيرم و الفاينل نفس وقت المحاضرة