|
|
يسعد مساكم يالغوالي
عساكم بخير ان شاءالله
بنات بغيت اسالكم انا ناويه احول من الاداب لتربيه فقالولي اخذي مواد ماتضيع عليج الكورس وتخصصي من الحين
لاني ضايعه ماني عارفه شسجل مواد
مدري جم اخذ ماده
واخذ مواد الالزاميه
وشنو هاذي المواد
وجزاكم الله خير
و يمكن بعد مدخل علم نفس -تاريخ حضارة
اخذت مهارات وجماليات
ويعطيكم العافيه
عندج الالزامية :
تاريخ حضارة العربية و الاسلامية >> جمال الزنكي
تاريخ الكويت الحديث و المعاصر >>> عبدالله الهاجري ، عبدالهادي العجمي لا تأخذين عند نجاة القناعي و لا تروحين فيها تمهيدي انجلش >> سلوى شمس / سلوى بن ناجي / صبيحة بوفتين / عبدالله حزام المطيري
انجلش 141>>> ما عندي علم
انجلش 142 >>> ما عندي علم
الاختيارية :
الثقافة القانونية >>> ما عندي علم
مدخل إلى علم النفس >>> نعيمة طاهر / امثال الحويلة / ناصر المنيع
مدخل إلى علم الاجتماع >>> فواز العنزي هذا اللي اعرفه
الرياضيات الأولية او مبادئ الاحصاء للعلوم الانسانية >>> ما عندي علم
شوفي اختي تأخذين المواد الالزامية كلهم و المواد الاختيارية اخترت لج احسن 2 اللي اهم المداخل بس الثقافة القانونية و الرياضيات ما ادري عنها بس اذا خيتي
لو تأخذين المواد اللي حددتهم تكونين مخلصة 30 وحدة تقديم على تحويل و ما تضيع عليج ولا وحدة و يعادلولج كل المواد
هي مأخذه مادتين و تبي تخصص اجتماعيات و هم التخصص الموجود بس في دفعة 2024
فاكيد هي 2024
اب
ياليت تحطين لنا ميجر شيت التخصص اللي تبينه
نصيحة لاتسجلين مواد على نصايح البنات
لان دفعتكم مختلفة اختلاف كلي عن كل الدفعات السابقة
فشوفي دليل التسجيل الخاص فيكم وكم وحده يبون والمعدل والمواد
واذا حطيتي لنا الميجر شيت نقدر نفيدك
بالتوفيق ان شاء الله
فيه تخصصات جديده وانا ناويه ان شاءالله اجتماعيات
جزاج الله خير فوفا ماقصرتي وربي
| والله ناويه تخصص الاجتماعيات |
روحي اخذي ميجر شيت لتخصصج وسجلي
للمواد اللي مشتركه بين تخصصج وبين الاداب
لاتضيعين عمرج بمواد مو داشه تخصصج
وتاخذين اي شي عشان تجتازي وحدات