معادلة مواد الجامعه المفتوحه

السلام عليكم

انا بالجامعه العربيه المفتوحه وابي اطلع منها واحول جامعه ثانيه ومتحسفه على المواد الي خلصتها لأن تقريبن مو باجي لي وايد ماخليت مكان ما سألت محد راضي يعادلي المواد الي خلصتها (جامعة الكويت – قست – الاستراليه) حتى المكتب الثقافي بالبحرين قالو ماكو جامعه تعادلي المواد وهم خليت ناس يسألون لي المكتب الثقافي الي بالسعوديه ماكو جامعه ترضا تعادلي والحين قاعده اشوف لي جامعه بمصر وشكلي ماراح القى

المشكله ان نظام الدراسه بالمفتوحه عن بعد والجامعات الثانيه تقليدي عشان جذي صعبه اي جامعه ترضا تعادلي

سؤالي في احد يعرف اي جامعه بأي مكان بالعالم تعادل مواد الجامعه المفتوحه واكمل عندهم؟

وثانكس

ليش بتطلعين…كملي اذا تقولين مابقى شي حرام تطلعين…

لان مافي احد يعادل موادنا…نظام الجامعه التعلم عن بعد وغير عن الجامعات الثانية

بطلع لأن طقت جبدي ينيت

اذا عندي محاضره قبلها بيوم تصك فيني الدنيا محد احاجيني

من ادش الجامعه احس بقمته ولوعت جبد ودي ابجي

لا اداره سنعه ولا دكاتره سنعين والامتحانات الي اتسرب

ندرس ونشط عمرنا بالتي ام ايز وانتنزل للي مايسوااااااااا ويعطونا سي

والي يوصله المسرب ياخذ ايه واهوا مرتااااااح

الله يرضا جذي!!!

غير مواد التخصص الي على سنه

ووووو

شقول وشخلي الله يلوع جبدهم

يعني اختي ماتمدحين الجامعة سيئة جداً ما ادرس فيهااا ,,,
والله قالولي جوها حلوو وراح تنبسطسن واللدكاترة بعد متفاهمين مع الطلاب

انا صارلي خمس سنين ومو باجي لي الا ثلاث مواد تخصص بس الانسان له طاقه ومحد يرضا بالغلط وحرااااااااااام الي يجابل ما ياخذ حقه والي يغش ياخذ ايه والله ان الجامعه مافيها ميزه وحده الا ان ماكو دوام يومي بسسسسسس كلها عيوب مافي دكتور نظيف وحقاني وعادل تم فيها كلهم مشو لأن ما يعجبهم الي يصير هذا غير الاضطهاد والمعامله الي يعاملونا فيها والنقزات الي تنقط على الكويت اشكرا مره دكتوره حمصيه قالت لي بالويه شحقه ماتروحين جامعة الكويت واكثر من مره بالمحاضرات بنات حمصيات يعطون امثله سيئه عن الكويت وفي استاذ ماعنده سالفه الا ينتقد الكويت الي معيشته ومعيشه اهله طيح الله حظهم كلهم غلطت عمري يوم دشيت هالجامعه بحياتي كلها ما تحسفت على شي الا اني دشيت هالجامعه