ّّ يضيق خلقي لمّا اسمعها تتشكّى طول الوقت تنكّد علي و على الناس ّّّ

مبارك عليكم الشــــــــــــهر و عساكم من عوآآدهــ

الحسد مذكور بالقرآن ,, و نص اهل المقابر بسبب الحسد <<< طبعا" هالكلام الكل يتفق عليه

بس في ناس سبحان الله فيهم وسواس ((مو طبيعي ))

وايد يبالغون ,, و حيييييييييل يخافون من الحسد

مو بس جذي ,, لأ ,, تقعد تألف و تجذب و تفاول على نفسها عشان ما تنحسد !!

اعرف وحده 24 ساعه (( بدون مبالغه )) تتشكّــى !!

والله يا بنات بعض المرات تنكد علي و تعكر مزاجي من كثر الشكاوي

مع اني اعرفها عدل و ادري انها فيها وسواس من الحسد يعني ادري ان كل هالكلام جذب و تأليف لانها تخااااااااف من العين

كلنا نخاف من العين و الحسد بس مو لدرجة الجذب

يعني هاذي تقعد طوووووووووووول الوقت كل كلامها :

– صحتي تعبانه , جسمي يعورني , شعري يحت , فيني دسك , ريولي مو شايلتني , ما انام الليل

هذا بالنسبه للصحه و طبعا" كله تأليف من عندها عشان لحد يحسدها

الحين صار دور الزوج :

– زوجي كله يزفني , متهاوشه مع زوجي , زوجي ما يعطيني ولا فلس , زوجي ما يطلعني ،

زوجي ما يخليني اطلع مع رفيجاتي <<< تقريبا" تطلع مع رفيجاتها 3 مرات بالاسبوع ( بعد شتبين ؟ )

طبعا" كله جذب لان زوجها يحبها و حالته الماديه زينه و على طول يسفرها مو مقصر عليها

الحين دور الحموله :

– خالتي نسره , خالتي ما تحبني , خالتي مطنشتني , خالتي تشيّش زوجي علي , خالتي تعيب على لبسي

والله يا بنات ان خالتها تحبها و تقدرها و اهي بنفسها تزلق بلسانها و تقول هالكلام

الحين صار دور الاهل :

– ابوي مايحبني و كله يجعمني , اخواني و حريمهم ضدي , امي ما تحب عيالي و تفضل عيال الناس على عيالي

– علينا ديووووووون و زوجي مو قادر يدفع و ممكن ينسجن !

والله يا بنات كل ما شفتها و شافتني تقعد تتشكّى 24 ساعه جذي جدام الناس و احس الكل ما يصدقها

لان واضح انها تجذب

و لانها تزلق بلسانها على طوووووووول

تقولج زوجي مايطلعني <<<<< بعد شوي تقول امس كنت انا و زوجي بالمطعم الفلاني و الاكل عجييييييييييب!

تقولج زوجي ما يخليني اطلع مع رفيجاتي <<<< شوي تقولج ذاك اليوم رحت مع رفيجتي المجمع الفلاني !

تقولج زوجي ما يصرف علي ولا فلس و كل شي من فلوسي <<<< شوي تقول يخسي اعطيه فلس لازم انتفه و اقعده ع الحديده!

تقولج ما عندنا فلوووس و علينا ديون <<<<< و اهي طول السنه تسافر !

قال تعالى : "و أما بنعمة ربك فحدث " صدق الله العظيم

كلنا نخاف من الحسد , انا وحده من الناس دايما" اقرا المعوذات و سورة الكرسي علي و على عيالي

و الله الحاااااااافظ

مو اقعد أجذب و افاول على نفسي بالامراض عشان الناس لا تحسدني !!

بصراحه استغرب من الناس اللي جذي

دامج خايفه من الحسد مو شرط تقعدين تمدحين زوجج و مو شرط تقعدين تقولين انا مستانسه و مرتاحه

خلاص سكتي بس لا تقعدين تتشكين!

و عسى ما صار فيها شي !

تقول واااااااااااااااااي هذذي عين!

طاحت منشوله <<<< تقول : هذي من عيون الناس لان انا متزوجه و عندي عيال و عندي سياره !!!!

محد غيرج متزوج و عنده عيال و سياره؟؟

طلعت لها حبه بويهها <<< قالت هذي فلانه حسدتني لاني وايد اسافر !!! <<< شكو محد غيرج سافر؟

والله اقل شي يصير معاها تقول اكيد عيييييييين

شي غريب

اشرايكم بهالنوعيه من الناس؟

تشوفون الوسواس اللي فيها صح ؟ ولا مبالغه ؟

شفتو ناس نفس هالنوعيه من قبل؟