|
|
حبيت اشرايك وياكم ومنها نتعرف على بعض اكبر ونصير خوات
شوفوا بنات موضوعي هو انا كل وحدة تقولنا اشلون تم طلب ايدها يعني شلون تملجت وشلون اخطبوها
وشنو المواقف اللي صارت معاها بيوم الملجه سواء مضحكه ولا مبكيه وانشاءالله كلكم مفرحه يارب يلا خلنا نتونس ونتشارك
يلا بنات مافي سحى كل وحدة تكتب لنا اشصار معاها واللي ما تملجوا للحين عسالله يرزقهم بالرجل الصالح امين
تدرون انا تملجت وخلصوا حتى ماسألوني ….>>>الحمدالله ابيه
وانا في سابع نومه قومتني امي الصبح س 9 وقالتلي مبروك تملجتي >>>>>>>>>واي والله اول شئ اخترعت ومن الخرعه بكيت:::لاتخافون ولا تحاتون الحمدالله لاني انا ابيه واحبه من زمان والله جمعني فيه وهو من قرايبنا
وانا اسمع صوت اللواليش اثاري جدتي تلولش توني ادري يحليله
واللحين الحمدالله اللي رزقني فيه زوج الحمدالله
يلا عاد كل وحدة تشمر ذراعها وتكتب اشصار معاها
حبيت اقط وجهي واباارك لج يازبرجد بالبيت الجديد
الله يتمم عليكم ويرزقكم الذريه الصالحه
الله يحييج اختي تروفا يحليلج ترى انا مزوجه من زمان يا حلوج
والله يرزقش انشاءالله يا ترف وانحضر عرسش اللهم امين
بالنسبه لي شلون انخطبت احم احم … كنت رايحه زواره لبيت خالي عاد انا بالسنه حسنه على ماازور هالبيت بالذات .. ولا انا قاعده اتعشى عندهم طبعا رايحه انا وبنت خالتي الدجه معاي عاااد حطوا العشى جان نفصخ قناع الذرابه ونلبس قناع الحرب خخخخخ .. طبعا اول شي تمثيل الرقه والنعومه والهداوه خخخخ .. وانا بعز الهوشه اقصد بعز الاكل جان يدش الأخ والظاهر عجبه المنظر عاد انا ارفع عيوني شوي شوي ماكملت وصلت لين شفايفه وحكيت بريك ولاالأخ يتبووووسم خخخخخخ عاد انا نزل علي وحي الانوثه جان اعدل قعدتي واتنحنح واقول كثر الله خيركم << حزتها حتى النمله ماسمعت شنو قلت
..
والله موضوعج وناسه ذكرني فيما مضى 
لحضه احراج حلوة واكيد لها ذكريات الله يتمم عليش انشاءالله ويجعله الزوج الصالح
|
المشاركة الأصلية كتبت بواسطة زبرجد
 الله يحيييش يا الزين كله ماشاء الله
لحضه احراج حلوة واكيد لها ذكريات الله يتمم عليش انشاءالله ويجعله الزوج الصالح |
الله يبقيش ..
انا اشهد انها اكثر لحظه حلوووه مرت علي بحياااتي ..
والله يسمع منش ويجازيش بالمثل يالسنافيه
ويحبج ويموووووووووووووووووت فيج وتعيشووو في سبات ونباااااااات وتخلفووووووو صبيااااااان
وبنااااااااااااااات عاد سمي بنتج علي
