|
|
وبعد جهد جهييييييييييييييييييييييــــــــــــــــــــــــــ ـــــــــــــــــــــــــــــــددد
واتكالي على رب العالمين ومن كثر ما قريت تجرب البنات خصوصا مكياتو وحرم الحةت ةظبيه قررت اني اروح حق هالدكتور اللي ماظل احد ما محه قلت بروح اخذ استشارة شالمشكله اهو كلام وماراح يصير الفعل الا بكيفي ..
د.عبدالناصر خلاااااااااف
اقنعت ابو الشباب ويالله يالله رضا لانه دكتور .. وقريتله جم موضوع عنه واقتنع الحمدلله … وقالي روحي ورحتله ..
هالكلام كان يوم الخميس .. دقيت على العيادة واخذت موعد وكان يوم السبت لانه كانت وحدة مكنسله موعدها وكان من نصيبي ….
ومن يوم اليمعه اقول حق ريلي اذا رحت باجر حق الدكتور ادفع فلوس ؟؟ واحجز والا لما بتصير الصجه تهون ؟؟ واهو لاهي بالبلي ستيشن ويوقولي عادي سوي اللي تبينه واروح وارجع عليه يا ريااال عادي خلاص قررت اسوي العمليه عادي والا لا ؟ … ويقول عادي خلباص وقتله ادفع فلوس اذا قال الدكتور ايي ..قال كيفج بس انا راضي .. كيفي كيفي …
صار يوم السبت رحت عند الدكتور واول ما دشيت عنده رحب فيني جنه يعرفني من زماان فارتحت وراح شوي الخوف فقتله مشكلة الفخوذ والارداف عندي .. ف شافهم وقال اذا سويتهم راح يكون شي من الماضي …قال خل اشوف بطنج بعد لما وريته قال حتى بطنج اسويها مرة وحدة واسويلج خواصر بعد شتبين عاد اناخواااااااااااااافه قتله لا دكتور بس ابي فخووذي واردافي بس .. وانا على فكرة توني والده صارلي شهرين !!! قال عااااااااااديسوي التحاليل واذا نسبه دمج زينه ماكو مشاكل وماله علاقه الولاده بشغلي … قتله اوكي ….وتشجعت من الحجي اللي قاله وعن اني راح ارد فخوذي اللي قبل الحمال والولادة واحلى بعد …جان اخذ منه ورقة التحاليل وهوب وهوب سويت التحاليل وطلعت ….
رديت البيت مستانسه ونفسيتي الحمدلله كووول وقالولي انه بس تتطلع نتيجه التحاليل بيدقون علي …
امس دقوا قالوا خلصت ووتاعالي باجر عن اليوم .. ورحت وكلمت الدكتور ……..
قتله دكتور الله يخليخ مو امووت انا بسوي العمليه وريلي يقولي ردي حق بناتج … والله يخلييخ دكتور امنه العمليه .. وكل كلمه والثاني اقول مو اموت .. واهو يقولي لا حل الله ليش جذي تقولي … ومع الحنه قالي صج انتي عوار راس …
ورديت البيت وقلت حق ابو بناتي .. جان يقولي حلفي سويتيها ؟؟ من صجج ؟؟ انتي متخيله انج بتدخلين العمليات وتهدينا .. قلت عاادي … قال لااا قلت انت قتلي قال ماتوقعت تسوينهااا …قلت خلاص طاح الفاس بالراس ويوم السبت راح توديني قال يالله شنسوي امرنا لله
وكاني قلبي يرقع الله يستر ويعدي السبت على خير وارد رشيقه بدون فخوووذ واردااف قطيعه لاعت جبدي منهم ..
ادعولـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــي بنااات الله يقومنى بالسلامه وانشالله الله يقومني بالسلامه ويردني لبيتي وريلي وبناتي
بس عفيه حتى انا ودي اروحله بس كم كلفج الارداف والفخوذ والبطن والخواصر؟
|
المشاركة الأصلية كتبت بواسطة حرم الحوت
 عسى الله يقومج بالسلامه وتردين لبو عيالج وبنياتج ويتمم عليج الصحة والعافيه وانشاءالله تتهنينين باللوك الجديد ونظمج معانا بفريق الرشيقات والشافطات
|
يالله انشالله يوم السبت العصر انا بفريقكم
ومشكورة حياتي … بس مخترعه من البنج
|
المشاركة الأصلية كتبت بواسطة @شمس الضحى@
الله يستر عليج ويقومج بالسلامه ويردج لبنياااتج اللهم آمييييييين
|
امييين يارب العالمين .. مشكورة يالغالية
|
المشاركة الأصلية كتبت بواسطة ^^المهره^^
عسى الله يقومج بالسلامه ان شاءالله
|
انشالله يارب .. الله يسمع منج حبيبتي
|
المشاركة الأصلية كتبت بواسطة عجميه توت
الله يقووومج بالسلامه انا ناطره اجمع فلوسي عشان اروح دفعي صدقه ودفعة بلا قبل لاتروحين
|
اي حبيتي ما توصين حريص … جدي مميته من الخوف .. وانشالله اقومك بالسلامه واقولج شصار معاي
|
المشاركة الأصلية كتبت بواسطة تعبت انتظرك !
الله يوفقج ويردج لريلج وعيالج سالمه ويارب يصير الي كنتي تتمنينه
بس عفيه حتى انا ودي اروحله بس كم كلفج الارداف والفخوذ والبطن والخواصر؟ |
تسلميين حياتي وانشالله يارب …. ىشغل ايد الدكتور 800 د.ك جان اقوله سولي خصم دكتور انا يايتك من طرف منتىدى كويتيات جان يقول يالله 700 د.ك طبعا هذا بدون ادويه بدون المستشفى بدون الكورسيه ..
المستشفى قالي الدكتور 270
والكورسيه 65
عاد الادويه مادري … يعني 1100 د.ك تقريبا