|
|
مساء الخير شلونكم بنات شخبااركم بدخل بالموضوع يا الغاليات بصراحه تعقدت من عيشتي شورو علي يمكن يتهيء لي ولا انا قاعده اتسابق الاحداث واركض وراا النصيب .. الحمدلله اني بنت ناس وحموله متربيه ودارسه وفاهمه وعاقله عمري اربعه وعشرين سنه مملوحه ماعلي قاصر وعلاقتي مع الناس جداا محترمه وما اتعدى حدودي وموظفه معاشي بيدي .. بس في شغله مضايقتني يابنات انا مادري ليش ليه الحين ما ياني نصيب او احد سئل عني مع اني كامله والكمال لله .. من اسمع بفلانه عرست ولا وحده اصغر مني ولا من عمري يحز بخاطري اقول ياربي وليش انا محد يتقدم لي شكلي بعنس للابد وصديقاتي يحنون علي يالله تزوجي اشناطره اللي بعمرج عندهم على اثنين ثلاث وانتي ليه الحين ما تزوجتي .. من اسمع هالكلام احسه سجاجين بقلبي والله لو ما الحياا والمستحى جان رحت وتعرفت لي على واحد وارتبطت فيه بس لا ما اخلي الشيطان يغلبني انشالله الله يكتب لي اللي فيه خير والله حلمي الامومه اتمنى ارتبط بالحلال وكل مايمر سنه كل ما اتأزم بعمري .. شاركوني بنات عفيه نصحوني اقنعوني بنصايكم الثمينه ودي اقتنع اني ليه الحيني بزهرة شباابي والمستقبل جدامي والف من يتمناااني 
|
المشاركة الأصلية كتبت بواسطة eng.lomi
 لا تحاتين حبيبتي ولا تضيقين خلقج,الله سبحانه وتعالى يبي الخير لج وانشالله النصيب قريب, اهم شي الدعاء
|
تسلمين يالغاليه يزاج الله خير
|
المشاركة الأصلية كتبت بواسطة أم حسين وطيبه
حبيبتي رددي على طول (ربي لاتذرني فردا وانت خير الوارثين ) والله يكتب لج اللي فيه الخير وفي خطابات ثقه ليش ماتكلمينهم ؟
|
من صجج ام حسين ؟؟ اروح اركض ورا الخطاباات لا الله لا يقوله انشالله ولا يعوزني لهم
كل تأخيره فيها خيره
ترى الزواج مسئولييية لالالالالاحقه على عووار الراس
بس ان شاء الله ربي يرزقج بسرع وقت الولد الصاااااالح اللي يحطج بعيووونه ولاتخلييين الشيطان يلعب عليييج
وانشالله تفرحينا بخطبتج بأقرب وقت
|
المشاركة الأصلية كتبت بواسطة احلى بنات الكويت
حبيبتي لا تظيقين خلقج ان شا الله اللي الله كاتبه لج بيصير و كل تأخيره فيها خيره بس أنتي الحين استانسي بحياتج انتي توج شباب لا تظيقين خلقج و ان شا الله نصيبج بيي ليما عندج .
|
تسلمين عزيزتي اللهم اميين
واحس بموت من التفكير ولا بعد كنت اسمع كلام من اللي معاي بالدوام يغث ونفس الاسلوب اللي يقولونه لج يقولونه لي؟؟
اخاف انج معاي بالدوام <<<
المهم حبيبتي انا من كثر ظيقتي حطيت موضوع نفسج بقسم العروس لان ماعندي احد افضفض له وشفت وايد ردووود
من خوات لي هني بالمنتدى تبرد القلب كثر ماتظايقت على كثر مابردوا جبدي من الحره للامانه كلامهم عسل وحسيتهم
صج خوات ويردون بذمه ،،،، غير النصايح اللي نصحوني فيها ومن ظمنها انج تكثرين استغفار وتداومين على قراءة
سورة البقره ،،،، كثري صدقات وادعي بالثلث الاخير وعن تجارب بنات والله رزقهم اللي يتمنون،،، داومي على
هالاشياء حبيبتي وان شاء الله ربي يكتبلج الخير وانا بعد وربي باديه اعمل بنصايحهم لي واتقرب اكثر من ربي
ولا اطلب غيره وبحاول اشجعهم لين نشوفج عروس ان شاء الله اسمحيلي طولت بس لاني حاسه فيج وانتي نفس
حالتي ،،،، اتمنى اني افدتج بشي وان شاء الله هم الخوات مايقصرون معاج ،،،، موفقه ياغلاااا
أنتى توج صغيره وفيه كثير غيرج كبروا وماجاهم نصيب..والله مايكتبلج شىء الا فيه خيره انشالله..
عليج بالدعاء وانشالله يجيج نصيبج وتفرحين فيه وتشوفين عيالج معاريس يارب.
تحياتى
توج وردة خليج بحضن امج شبعي دلال باجر ماتلاقين الدلال عند الريل
وتوج صغيره على كلمه عااانس
اسم الله عليج
الله يرزقج بولد الحلال اللي يهنيج ويسعدج
وصدقيني كل واحد بياخذ نصيبه وانشالله خييير
لاتحاتين الموضوع