يعني اخلي قمصاني حق القطوه تلبسه حق العتوي ؟؟

السلام عليكم ..

شلونكم بنات جميلات امورات ؟ شخباركم؟

انا عضوه يديده واول مره اشارك في هذا المنتدى الراقي ..

وعندي سؤال ؟؟ اعتقد ان حيل مهم وياليت تشاركوني خواتي ؟؟ عشان انا وانتو نستفيد ..

انا متزوجه من سنتين ؟؟ وقمصاني النوم تكودوا علي شكثرهم صاروا لأن خلال هالسنتين انا ما قطيت منهم شي ؟؟ مع ان في اشياء وايد انا ماله منها وما ابيها ؟؟ شسوي فيها ؟؟؟؟؟؟؟؟

انا الحين عازله قمصاني اللي ما ابيها ؟؟ وما ادري وين اقطهم محتاااره ؟؟ يعني اقطهم بالزباله ؟ بعدين القطوه اتيي تنبش بالزباله وتلقاهم وتلبسهم حق العتوي ؟ لوووووووووووووووووووووووووول

ولا اقطهم بالبحر ؟؟ لا لا لا بعدين الزبيديه تلبسهم حق الصبور خخخخخخخخخخخخ لا لا اتغشمر بنات ..

بس صج والله انتوا شتسوون بقمصانكم اللي ما تبونهم .. احس غلط اقطهم بالزباله مادري قولولي ولا اوديهم البر احرقهم ؟؟ واااااااي فاضيه انا اروح البر واشب فيهم ؟؟ ولا اسوي حفره واقطهم داخلها ؟؟ لالا بعدين الحيه تلبسهم حق الضب

شسوييييييييي ؟؟؟؟؟؟

لا تقطينهم ولا شى حبيبتى

دقى على لجنه خيريه وهى تجى تاخذهم

وبس وان شاء الله اكون افدتك

صاجه والله انا بعد محتاره وين اوديهم….حماتي الصغيره تقول وديهم بيت الزكاة قتلها اشدعواا بيت الزكاة شيبون فيهم

اللي عندها حل تفيدنا…

اي عطيهم بيت الزكاة

بس هم احس فشله اعطيهم قمصان نوم

اللجان الخييريه كثر الله خيرها تاخذهم وتغسلهم وتفرزهم ويوزعونه حق الناس المحتاجين داخل وبره الكويت

ولاتعطينهم لا للقطوه ولا للزبيديه الكويتيه اولى لوووووول

نفس الحالة ….

كودي بعد الي ماتبينه من دراريع وقمصان وهالسوالف وكلهم مع بعض وديهم

اي والله حتى انا محتارة

بالنسبه لي مستحيل اوديهم لجنه خيريه هذي اشيائي الخاصه ما أحب أحد غيري يستعملهم

أنا أقول خليهم قمتيهم فتره تالي ردي لبسيهم وهذا ويهي اذا ماقالج ريلج يه يه هذا أول مره أشوفه عليج خخخخخخخ

بس اللجان الخيريه فشله تعطينهم قمصان النوم رفيجتي قصصتهم صغار حيل وقطتها بالزباله تكرمون

انا رايي من راي سبوكه

انا اقول عطيهم حق القطوة تلبسهم حق العتوي

خليهم يستانسون يمكن يحسنون النسل هههههههه

السلام
اشونكم
والله انا قبل اسبوع مسويه جرد حق قمصاني واخلي ريلي بليل كلش يقطهم بالزباله علشان محد يلعب فيهم لانه الفير ايون البلديه يشيلون الزباله

ويييييييييه فشلة تعطين لجان خيرية قمصان نوم !!!

خليييهم مدة بعدين طلعييهم مرة ثانية لبسييهم تكونين نسيتيهم

في صناديق خيرية تكون خاصة للملابس صفطيهم عدل و حطيهم بكيس او كرتون و حطيهم بالصندوق و بس اشدراهم انه انتي ّ! اهم شي انج تاجرين من ربج لان في ناس مساكين ما عندهم ياكلون مو بس ما يشترون قمصان نوم