يصيربخصوص تسجيل الاطفال بالروضه؟"تم التعديل من قبل الاشراف"

السلام عليكم بغيت اسال عن هالقانون اللي من التربيه اللي هو يخص الاطفال اللي بيسجلون بالروضه يعني اللي
مواليده 15/3 مايسجل الا بالسنه القادمه اما اللي مواليد 14/3 يقدر يسجل باولى روضه ليييش؟ انا ولد اخوي مواليد 23/ 3 قالو مايصير حتى لو اكبر واسطه مايسجل وولد اخوي الثاني مواليد 15/1 بس راح يسجل بس للاسف بغيناهم مع بعض بغيت اعرف احد سجل ولده بنفس هالظروف ؟؟؟ وشكرا

السلام عليكم
هذا قانون الحكومة للمدارس الى 15-3 الا المدارس الخاصة عادي يقدر يسجل فيها وما في واسطة تسمح

بس هذا القانون من زمان مو توه

السلام عليكم تم مشاري رحنا نجرب المدرسه الباكستانيه نبي نسجله بالروضه بس قالو لنا احنا نفس الحكومه مانسجل حالنا حال مدراس الحكومه بس شنسوي بعد على العموم مشكوره ويعطيج العافيه على الرد وحلوة الروح تسلمين اختي .

بنت عمتي نفس الحالة دخلوها اولى روضة وبعدين استوعبوا انهم غلطوا فـ قعدت 3 سنين بالروضة

هالسنة وديه حضانة وبعدين يدخل الروضة ..

شكرا ام العصاقيل يهبل اسمج ماكو الا هالحل الحضانه عشان مايقعد بطالي عاد هالايام البطاله شكثر الله يصلح خلقه.

والله انا ولدي العود مواليد شهر 4 وتأخر سنه بس المدارس الخاصة ماتسجلها مبجر كلهم نفس الحكومة اللي المدرسة الامريكية أظن

انا بنتي مواليد 30/5 و كنت مصرة الا ادخلها مدرسة خاصة تقبلها بالروضة و هي صغيرة و دخلتها السنه اللي فاتت اولى روضة بالاكاديمية البريطانية اللي بالجابرية تالي تحسسسسسفت كثر شعر راسي و البنت تعبت واندقرت شوي و قلت شالله حادني على الشقا و التدريس مبجر ولا اتعب نفسية بنيتي هالسنه رديتها حضانتها الاولية لأن فيها روضة وايد ارتحت و هي ارتاحت مع اللي بعمرها.. للعلم مستواها كان بالحضانه احسن من و يدرسونهم و يكتبون بس الياهل مايقايش الا مع اللي بعمره الاشهر تفرق بالتفكير بين اليهال . نصيحتي خليه دخليه حضانه و خليه مع اللي بسنه احسن

ام عبود مشكوره وخوووووخه 79 راح نطبق نصيحتج يالغاليه الله يعطيكم العافيه كلكم ويرزقكم الصحه والعافيه.