|
|
ا
يا حوامل انا عرفت ناس حرموا عيالهم من الرضاعة الطبيعية او فطموهم بسبب معتقدات او ضغوطات، انا سميتها اعداء الرضاعة الطبيعية:
1= قلة طولة البال عند بعض الامهات
طبعا الرضاعة يبيلها صبر وطولت بال وسهر وحكرة وغيرة وغيرة والي مالها خلق اكيد ما بتقدر تصمد
بس تدرون انا اخترت الرضاعة الطبيعية لان مالي خلق
بتقولون شلون؟ مع ان الرضاعة يبيلها خلق ونص
انا اقولكم شلون
انا اعرف ثنتين قريبين مني وحدة دايم كانت تعطي عيالها صناعي يعني مارضعتهم الا مرة مرتين
والثانية كلا طبيعي
والحين عيالهم كبروا وبالمدرسة
الاولي عيالها كلا مرضي وما يطيبون الا بمضادات وتطول فيهم المرضة يعني مقزرتها من دكتور لدكتور وكلا ف الطواري لدرجة شالت لهم اللوز وبعد مب مرتاحة حتي ف السفر لازم يطيح عليها واحد
والثانية ماشاء الله علي عيالها شحليلهم واذا مرضوا يوم يومين ويصحون
لهل سبب قلت اختصر الطريج علي روحي لان مالي خلق مستشفيات وروح وتعال صج بهللللك وبتعب لي 6 شهور لكن تالي برتاح العمر كله.gif "Eh S(17)")
2= الحليب الصناعي اشحلاته يصير البيبي مربب وينام طول الليل والي يرضع طبيعي يتفزز باليل جوعان
تدرون ليش لان تركيبة حليب الام تختلف عن الصناعي
حليب الام يتكون من:
- حليب>>>>خخخخخ اكيد يعني شنو
- دهون طبيعية
- فيتامينات
- اجسام مضادة
- كريات دم بيضا
الحليب الصناعي يتكون من
- حليب بقر مجففينه ونازعين منه الدهون الحيوانية الي فيه لان معدة البيبي ماتحملها
- دهون نباتية>>>> تعوض الدهون الحيوانية المنزوعة
- فيتامينات
ومافيه الاجسام المضادة وكريات الدم البيضا والي تنتقل من الام للطفل عشان جذي الطفل الي يرضع طبيعي مناعته تزييد
اما الدهون الي فيه وطبيعته باعتباره حليب بقر فما يهضمها جسم البيبي وتقعد علا جبده بعكس الي يرضع طبيعي فجسمه يهضمها بسرعه وبالتالي ايوع بسرعه
3= بعض الامهات تقول "مافيني حليب" .gif "Eh S(14)")
دامج حملتي وولدتي اكيد بيصير حليب، بس تعرفون المشكله وين؟
الاخت تقعد اتمكيج وتعدل وتجابل الناس في استقبال ولادتها والبيبي في الحضانه ما عنده الا الميمه
وتالي لا خلصت تبي ترضع
اكيد ما بيدر الحليب لا ما رضعتي
وهني نوصل للقاعدة المهمة وهي
"كل ما رضع البيبي اكثر كل ما زاد الحليب"
"كل ما قلت رضاعة البيبي كل ما قل الحليب"
خلص شحن اللابتوب
بس اذا مافي تفاعل ما راح اكمل
كملي
اي و الله انا خايفة لان في حريم يقولون ما يطلع مني حليب خفيف
و انا بجرية و ودي ارضع البيبي
والحمد لله ارضع عيالي لي عمر السنتين
انا من النوع الاول رضعت ولدي اقل من شهر و كله بفضل حنة امي و مجابلها لي كانت ترفض تعطيه صناعي و تقعدني من عززز نومي علشان ارضعه وانا اطق روس و كل شوي انام عليه و تصحيني امي حبيبتي
وهالمره ما ادري ؟! صراحه تعب تعب تعب بس الله يسهل
حلو موضوعج كمللي يمكن تشجعيني !
shoshowoo فوائد الرضاعة الطبيعيه لا تعد ولاتحصي للام وللطفل واتصدقين في دراسات يدية اتقول ان من اسباب الامراض العقلية الي تصير للاطفال مثل التوحد وتشتت الانتباه وغيره هو سوء تغذية الطفل وعدم ارضاعه رضاعه طبيعيه، ويقولون ان هل امراض تنتشر في المواليد الذكور امثر من البنات>>>>>>>> يالله الي فيها ولد اتحمل فيه وترضعه احسن لها
المها يا شين هل حريم شينااااااااااه لي حديث مفصل عنهم
shak!shoka لااااااا لازم اتصبرين والله بيجازيج خير