|
|
السلام عليكم و رحمة الله و بركاته
اخواتي المتزوجات …. ودي أسألكم سؤال محيرني
اسمع رفيجاتي وايد و اشوف مشاكلهم مع رياييلهم , كلها تقريبا بسبه المعاش و راتب المره … .gif "Eh S(10)")
وحدة قالت لي ان ريلها خيرها بين اثنين , يا ياخذ بطاقتها و يسحب راتبها و يتحكم بالصرف
او تقدم استقالتها !!
على بو انه الريال و كرامته ما تسمح له يشوف مرته تصرف و الفلوس بيدها
!!
شسالفه ؟؟
انا بسأل خواتي المتزوجات عسى الله يبارك لهم ويهنيهم
اشلون طريقتكم مع رياييلكم ؟
هل هم ملتزمين بكل شيء ؟
و اذا كانت الاجابة لا
انتو شنو دوركم بالضبط و شنو عليكم ؟؟
و اشلون تفاهمتموا مع رياييلكم على المسائل المادية ؟؟؟
يعني شغلها وتعبهاا وبالاخير الكرت له خير ان شاء الله :/
اذا كان الزوجين متفقين براحتهم بس غصبا عليهاا لاا
و الصرف بالبيت كله على اتفاق الزوجين
ما كو قانون و لا شي كيفكم
واذا لزم الامر تدخل اهلها بالموضوع
واغلب الي اعرفهم الكرت معاها وزوجها يصرف ع البيت وعليها ،، بس هم هي تشيل معاه بس بتفاهم ماكو شي غصب ،،
ريايل ه الزمن همهم الفلوس طمع ،،
يتزوجون الموظفه عشان معاشها ،،
ماله شغل ببطاقتها اهي يوميا تداوم وتتعب اخر شي كرت البنك عنده ليش ان شالله وين عايشين ؟؟
اهو يتحجج بسالفة انه هالشي يجرح كرامته كرجل بس بالواقع اهو يبي يقط عليها جم فلس كل شهر على بو ينظم مصرفها والباجي يصير عنده ويسحب متى مابغى
وانا اشوف اللي تعطي ريلها كرت البنك اكبر غبيه وصيده
انا كل يوم اتعب واشقى واهو بارده مبرده ياخذ الكرت … هزلت
ان حبيت وعن طيب خاطر اساعده اعطيه وانا صراحة اشجع مساعدة الزوجة لزوجها .
والزوجة ان حست ان زوجها يستاهل والله تعطيه عيونها
ان ماله شغل بفلوسها كلش ملش
رياييل اخر زمن……………………..الريال اللى جذيه غسلى ايدج منه.
وليش وين كرامته واهو يصرف من تعب زوجته ؟؟
من رايي خل تستقيل ابرك لها وخل تشوفه اشلون بيدور حوالين نفسه
كله كلام على الفاضي
وايد سعيدة بردودكم
صحيح اني من حزب الطماشه ,, بس هالسالفة خلتي افكر اشلون اتصرف لما انحط بموقفها
يمكن يتحجج لي مثل ما يتحجج لها ان الحياة أخذ و عطا و ان الحياة صارت صعبة و تبي تعاون
و الحل يعني ؟