يا بنات ضايقه فيني الوسيعه ,, الشخص اللي احبه من جم سنه تزوج :((

((((((((((((((
مثل ما قريتوا بالعنواان

الشخص اللي احبه ويحبني صارلنا جم سنه ,, تركني وتزوج , ,سمعت خبر زواجه توه ماصار له اسبووع ,,,,ويقولون تزوج بسرعه بسرعه ,,

قلبي محرووق علييه وضايقه فيني الوسيعه وبس ابجي ,, اكتبلكم الحين وانا ابجي والله العظيم ,,, كل ما احد يشوفني حزينه ويسالني شفيج ابجي

اذا بتعرفون ليش تركني
اقروا قصتي اللي كتبتها بالضبط من سنه ,,وما كنت اعرف حزتها وانا اكتبها ان بعد سنه بتصير جذي حالتي
https://q8yat.net/showthread.php?t=318917

قلبي محرووق ,,عرفتوا شنو يعني محروووووووووووووووووووووووووق ,,, شعوور غريب ماني قادره اوصفه احس قلبي ذايب قاعد يتفتت ,, احس اني مكسوووره والله العظيم ,يا ناس حبيبي كسرني ,,,,,,,وصار اهو والزمن علي ,,,,,, احس اني مقهوووره فيني قهر وحسره ماني قادره اتحملها ,, انا انظلمت وايد ببحياتي بس ما اهتميت بس القهر لي ظلمك القريب,,, واحس برغم كل اللي صار بس هم ابيه و محتاجته للاسف

انا مو جذي طول عمري غشمرجيه واحب الضحك والفرفشه وكله شاقه الحلج مع اني طول عمري عايشه بمشاكل ,, الناس اللي ضايق خلقها اتييلي عشان تستانس ,, الحين احس مو قادره افرح حتى ,,, الانسان الوحيد اللي كان يفرحني ويخليني اضحك من كل قلبي راااااح خلاص ,, الانسان اللي لما كنت اشوفه احس الدنيا بخير قطني ورااااح ,, صارلي 6 اشهر من تركني ما فرحت والله العظيم ,, والحين عقب خبر زواجه انذبحت مره وحده

, كنت اقرى مشاكل الخوات اللي يحطون مشاكلهم ويقولون زوجي تزوج علي بس عمري ما حسيت بحرقتهم ولا المهم الا الحين ,, اصلا احس ان اهم حالتهم احسن مني بوايد والله ,, ع الاقل اهم في امل يرجعون لازواجهم ,,دايم يقولون الواحد ماله غناة عن مرته الاولى ,,,,,,,,,,, بس انا خلالاص مافي امل ,,, محد هد مرته ورجع لحبيببته الاولى ,, مع اني انا اللي حبيته وصبرت عليه وتحملته سنين ,وعاش معاي اجمل ايام باعترافه اهو شخصيا ما عمره حب وحده كثري ولا ارتاح مع وحده كثري ,, كان يقولي باخر ايامنا اذا ماصار نصيب وتزوجتج اتمنى اخذ وحده مثلج ع الاقل ,,,,

شلون جذي هنت عليه يتزوج ويحرق قلبي شلوووووووووووووووووون ,, وليش تزوج جان نطرررررر ليش استعيل ؟؟؟؟؟؟؟؟؟؟؟

عقب ما تركني كان ودي يرجعلي كان ودي نرد نفس قبل ,,كنت عايشه على هالامل ,,,,,,كنت اصلي وادعي كل يوم عشان يرد ,,,,,,,,, بس خلالاص عقب ما تزوج ماكو املللللللل راح كل شي
مافي اصعب من ان الواحد يفقد الامل بشي يحبه وعااايش عشااانه ايام طويله

احبه واشتااااق له ,,, كل يوووم احلم فيه ,,, امس حلمت ان يقول انه مو سعيد بزواجه ,, وانه مشتاق لي ,,,,

كل ما اتخيله وياها اموووت واحترق الف مره ,,, كل ما اذكره قاعد معاها والاطالع معاها والا ماسك ايدها والا حتى يكلمها بالتلفون قلبي يتقطع

والله ان من عقبه كرهت كل الريايييل احسهم كلهم شواذي ,,كلهم مليقين كلهم سخيفييين ما ابي غييره ,,, م

والله العظييم اكتب لكم الحين وانا ابجيييييييييييييييييييي قلبي محروووق وايد
واللي حارق قلبي اني لا قادره انساه ولا قادره اكرهه ولا قادره اوصله

هالسنه هذي اسوا سنه مرت علي يمكن من 10 سنيييييييييييييييييييييييين

مو قادره افرح والله العظيم كل شي ماله طعم ,, قاعده اطلع واروح وايي مع ناس غالييين على قلبي بس الطلعه مالها طعم ,, القعده مالها طعم بدونه ,, كل شي ماله طعم من غير وجوده ,,
,, راح الانسان اللي كان يفرحني من كل قلبي ,,,,,,,,,,,,,,,,,,,,

تعبااانه ادعووولي يا بنات تكفوووون ادعولي انسااه والا حتى اكرههه ,, ما ابي اتعذب جذي ابي ارجع افرح واعيش حياتي واستانس نفس ما اهو مستانس ,, ابي ارجع افرح من كل قلبي مره ثانيه ,,

الله يفرج همج ..(:

يأختي اشتبين فيه؟ وتدرين ان علاقتكم حرآم اي شئ يبدأ بحرام ينتهي بعواقب وخيمه خلاص نسآج وباعج بيعيه اي حب اي خرابيط عبالج الرجال يعرفون حب لا ياحبيبتي هذا يسمونه لعب وناسه … اسال الله انه يستر عليج ويرزقج باللي احسن منه

ما عليه حبيبتي هذه الدنيا .. كل وحده تحب واحد خااارج اطار الزواج هذه نهايتهم

و الصراحة الريال ما يتأمن حتى لو كان ريلج .. عادي يروح و ينوخذ !!

يمكن يحبج بـــس

لو اهو كان صج يبيج جان خذاج و ما هموه اهلها .. الريال الصجي ما يتأثر براي حريم! صدقيني

و لو اهو يستاهلج جان ما لاج بالهحالة اللي انتي فيها الحين قلبج محترق و تبجين!

جان حطج على راسة و مشى

يمكن انه يحبج .. بس مو شاريج

و حطي ببالج شي واحد .. الله خذاه منج و شاله من طريجج لان الله يدري ان ما يصلح لج .. الله سبحانه أرحم على عبيده من رحمتهم على انفسهم
و لا تجزعين من رحمة الله

نصييييحة .. موعلى ابو انه تزوج تروحين و تكلمين واحد غيره .. علبو بتملين الفراغ و تنتقمين .. ترى انتي الحين بروحج و كل شي راد عليج .. دربالج و اسمحيلي .. الريال معرس و اهو الحين موداري عنج

حبيبتي .. اتجهي لربج .. و استغفري و قولي اللهم اجرني في مصيبتي و اخلفني خيرا منها .. صدقيني بريحج هالدعاء

و ادعي ربج بصلاتج و سجودج قولي يا رب اسألك انك تمسح هالريال من قلبي و عقلي و تخلفني باللي احسن منه و تهون على امري

لان على تجربتي حتى و انتي تطلبين ربج انه يعوضج بالريال اللي احسن منه تحسين ان قلبج يعورج و تحسين انها صعبة

اذا انتي بوي فرند .. شلون عاللي ملجت و طار من ايدها؟؟؟؟؟؟؟؟؟؟؟؟؟؟؟؟؟

ذكري الله ياقلبي ابجي لاتشيلين بقلبج وانشالله مع الايام راح تنسينة شوي شوي تدرين شنو الى يذبح؟؟
انج تذكرين الاشياء الحلوة الذكريات تعور القلب..الحين حطي في بالج ان خلاص اهوا تزوج وادعى ان الله يوفقه ويرزقج بالي احسن منه

انا واااثقة مليون بالامية انه بيدق عليج لو كان حبة صح حقيقي بس اهني انتي راح توقفين وتقولين خلااااااااااااااص كل واحد في طريج

واهوا باعج مرة وراح يبيع مرته وعادي عنده

اذا ضاقت فيج الوسيعه حبيبتي استغفرييي على طوول حتى وانتي تبجييين وادعي ان الله يبرد قلبج ترى حاسة بالاحسساااس والحمدلله مرت الاياااام والسنييييين والحين اذكر واضحك لانها ايام حلوة بس النصيييييب

و ترى حلمج هذا مو صج .. هذا من عقلج الباطن لانج تفكرين ووايد

وربي كسرتي خاطري بعد عمري ياتني البجيه

عادي ياقلبي راح تنسينه بس مو الحين بعديييييين

حاولي ماتتذكرينه ولهي نفسج باي شي

انا كنت مثلج و نسيته خلااااااااااااص ادري شي يحرق القلب بس وش بيدج حبيبتي

لازم تعودين خلاص تزوج بعدين هو اللي تركج خليه يولي هو اللي تزوج وماصبر

وستناج انا مادري ليش تركتو لا كن بروح اقرا موضوعج الاول

والله يهون عليج والرياييل مالهم امان

حبيبتى كسرت خاطرى

الله يفرج همج ويرزقج بالانسان الا يستاهلج

الله يفرج همج
بس شتبين بانسان باعج
وعلاقه بدايتها غلط اكيد مالها نهايه
ولو اهو صج يحبج وشاريج جان خذاج وما اهتم لاي احد
بس اهو شكله مبيت النيه وخصوصا لمن قالج لو ماخذيتج ابي اخذ وحده مثلج !!
اكيد صعب النسيان بس انتي تقدرين
طلعي نفسج من هالهم والوهم
وشيليه من راسج خلاصصص
كثري من قرايه القران والاستغفار
وشغلي وقتج بأي شيئ
والله يعوضج بالزوج الصالح

انزين بنات اسالكم هل يا ترى راح اقدر افرح مره ثانيه ؟؟؟؟؟؟ظ صارلي 6 اشهر على هالحاله ,, وطبعا زادت الماساه من عقب ما تزوج لاني دريت انه خلالاص ماراح يرجع ,,
كل ما طلعت طلعه حلوه مع اهلي والا رفيجاتي اللي احبهم احس مو مستانسه ,, اتذكره مع اني كنت اروح معاه اماكن بسيطه ,, بس حزتها كنت اموت من الوناسه ,,,
خااايفه من هالاحسااااس والله ,, اكون ضايق خلقي وودي اطلع بس ما استانس واقعد اقارن بين حالتي الحين وحالتي قبل معاااه

اي حبيبتي بتفرحين!!

ناس اللي يحبونهم يمووتووون و ظلوا يفرحون!

بس مثل ما يقولون الزمن يداوي أصعب الجروح .. و عطي نفسج وقت على ما يندمل جرحج

حبيبتى انا ماقريت قصتج القديمه بس انا اقول الى باعج بيعيه وخلى يولى ولاتنزلين دمعه من عينج عشانه اكو اشياء اهم بدنيا من ريال تبينه ومايبيج وبدى غيرج عليج …… بصرف النظر عن اسبابه

والله لونى مكانج ماضيع دقيقه وحده من عمرى افكر فى ماعندج سالفه كلش دوسي على قلبج وخلى كرامتج جدام عينج

الى انتى مو من اولوياته لا اتخلينه على راس اولوياتجومن ضمن اهتمامج لان اصلا مايستحقج اتحبينه كل هلحب واهو طاير بلعروس ومادرى عن هوا دارج

وبنهايه كل شي قسمه ونصيب

وشوفى الله وين حاط نصيبج ومع منو خيره اختى كل شي يصير بهدنيا لج خيره

وعسي ان تكرهو شئ وهو خير لكم

انا مع الاخت
Mrs_Orchidia

والله كلامها كله عدل
وخلاص حاولتي تعطين نفسج وقت وادعي ربج واستغفريه ويااارب يريح بالج ويعينج

ووترى قريت قصتج اللي كاتبتها قبل
ترى يا عمري فارق السن يأثر حتى لو الحين انتي مو مستوعبته
بس ترى المرة تكبر بسرعة مو مثل الريال وبتصيرين بعينه مرا كبيرة ومرده بيفكر بالصغار جذي الرياييل

واصلا شتبين بهالزواج اذا بتييج خالة نسرة مثل هاذي

والله والله والله ربي فكج منهم وحمدي ربج
ترى والله الخالة شي مهم لا تقولون مالي شغل فيها
ترى اهي امه يعني اهم منج بالنسبة له

بالنهاية اللي بوصل له ان نصيبج مو معاه وربي ابعدج عن زواج ماكان بينجح
قولي الحمدلله وعطي نفسج وقت وبيخف الجرح انا اقول لج بعد شهوووور يمكن لكن ادري ماراح تقدرين تنسين لكن عالاقل بتذكرين وبتقولين الله يوفقه ويسامحه

من باعنا برخيص بتراب ينباع

خلي يولي باعج بيعيه ومن شراج اشتريه واللي ما شافج لا تشوفينه

انا معا كلام الاخت سنعه بس مظلومه

مثل ما انا متأكدة قاعدة اكتبلج الحين انا متأكدة انج راح تنسينه

اقطعي اخباره تري الي بعيد عن العين بعيد عن القلب لا تحاولين تعرفين اي شي عنه اقطعي اخباره نهائيا

اهوا صعب بالاول بس بس راح تتعودين

وتركي هالشي تري ربي رايدلج خير وهالطريق غلط

وان شالله يرزقج الزوج الصالح