|
|
امه ماكانت من البدايه تبغاني لولدها على قولتهأ اني متوسطة الجمال حرام يظلم نفسه معي !!
سالفة طويلة وعريضه والحاح منه وعطناهم الرفض وهو اغلب الأيام يتصل على اهلي ان يبغاني وافقت
ربحته بس خسرت اهله بدون أسباب كارهيني ليش ماادري
معاملتها مع حريم عيالها حلوة لأن قريباتها وعندها انهم مثل بناتهم حتى عيالهم هي الي تشيلهم لهم
ابوي اشترى لنا شقه دفع زوجي قسط وابوي تكفل بالباقي
الى ان اتكمل الدفع. عرفوا اهله وقامت قيامتهم ليش زوجي يدفع وابوي هو الي شاريها ليش يقبل ان ابوي يستغله
مع ان الشقة اسمها مناصفه بيني وبين زوجي والي دفعه والله مايتعدى حتى 10% من قيمتها
ماكان أصلا مجبور ابوي يسوي جذي على كلامه الرجال شاريج وتحدى اهله علشانج فيستاهل.
المضحك المبكي انهم يمشون ويقولون للناس ان ابوه هو الي شاري له شقه وان رغم حالته المادية السيئة ساعد ولده
يعني فوق ماهم يسبون ابوي بعد ناكرين جميله وناسبينه لغيره
امه مصره بيع الشقه وتعال أسكن عندنا. وماعندهم لنا الاغرفة وحمامها مشترك الله يكرمكم
اضطريت اسوي زواج مختصر واروح أمريكا وياليت كفوا شرهم عني
زوجه اخوه تبي تسكن في شقتنا. وتطلع المستأجرين. طيب اجارها يساعدنا في المصاريف خصوصا ان على حسابنا ندرس
فرت رأسهم وصار الكل يلح ان يسكن اخوه
واني الشريرة الي مب اتنازل علشانهم وان ابوي هو السبب الي رافض مع ابوي كلش مايتدخل
يتصلون على زوجي ويسبون فيني وفي اهلي الى ان اضطر يقفل الجوال.
جات امه وحذفتني من قروب الواتس اب وعطتني بلوك !!
عندهم اني قاصه عليه وهو يتبعني بدون مايعترض وودعاوي توجع القلب
تحملت تدخلاتها الغير منطقية حتى في أمور الفراش تبي تعرفها وتطلب منه يصور الثلاجه والبيت ويفتح الفرن تشوف شنو حاطه فيه
لقيت ان دور السلبية ماينفع. قطعت علاقتي نهائيا معهم.
ببنزل بعد كم شهر قال زوجي نبات بيتنا كم يوم رفضت اسلم عليهم دقيقة وامشي مالي علاقة فيهم
يحز بخاطري حيييل اشوف هالتفرقه بيني وبين حريم عيالها. هم لهم المحبة والدلال وأنا ماغير تسب فيني وتسوي لي مشاكل
شرايكم شنو التصرف الصحيح الي المفروض يكون
إعمملي بأصلج علاقه رسسسميه شلونكم شخبااركم ومع السلااامه
والحمممد لله زوجج متفهم وعاارف أهله …’
وخلج بعييييييييييده عنهم ديري بالج تسكنين معاااهم …’
ولا يسكنون بشقتكم هذي خصوصيتكم كيفكم تاجرونها تبيعونها لايناشبونكم
طبعا الشقة لكم ولا تتنازلون لهم شكو زوجة
اخوه تسكن فيها
ياليت ناتشو أو المشرفات يصححون الخطأ من يتعامل الى يتعاملون
بدليه شكبرها
مشكورين خواتي على ردودكم الله يصبرني عليهم لاني شرانية ولاني راعية مشاكل
ومب تاركيني في حالي حتى وأنا بعيدة
اتوقع مع الوقت يتعدل كل شيء لان امه شكلها كانت ماتبي احد من عيالها ياخذ برا العايله في بعض الامهات كذا عندها عنصريه شوي بس اتوقع مع الوقت باذن الله بتحبك ويطيح هالحاجز الي قاعده تبنيه بس انتي خصوصياتك لاتسمحين يتدخلون فيها بالذات الشقه وهالسوالف وخلي زوجك يتكلم عندهم نيابه عنك لاتناقشين انتي وخليك رسميه واعملي باصلك والي تربيتي عليه ماعليك في مشاعرهم تجاهك وهالسوالف المهم سوي الي عليك اعملي باصلك وقولي لزوجك ماقدر اسكن معهم وانت عارف الوضع وحاولي تشوفين طريقه تحبب الام امه فيك لان لو حبتك الام الكل غصب بيحبك وممكن كل ماراح عندها ترسلين لها شيء هديه مثلا جلابيه او بخور او شيء من سوالف الحريم كل ماراح تجيبين لها شيء معه واذا رحتي بعد خذي شيء معك لها حتى لو ماحبته ولا لبسته المهم تجيبين
( سوي خير وقطي بحر ) لاتنتظرين منها ردت فعل بس يمكن ربي يحنن قلبها وتشوف ان نيتك صافيه وانك حبوبه ترا المساله مو مساله اقل جمال بس هي باختصار كانت تبي ياخذ من اقاربه وهو مايبي من القرايب لو يبي اخذ بس اختارك بنفسه ف قاعده تضغط عليك وعليه لكن دااايم ادعي الله انه يحببهم فيك ويسخر قلب امه لك ..
شيء يقهر وربي بس الله يعينك ويصبرك
خخلج سطحية رسمية لاتدشين معهم بقروبات خلج بعيدة مايحصلون عليج خطا
والله يسخرهم لج مردهم يعرفون الطيب
شوفي حبيبتي دامك ماغلطتي وماشيه صح ماعليك منهم وادعي دايم اللهم اكفنيهم بما شئت , اللهم إني أجعلك في نحورهم وأعوذ بك من شرورهم , اللهم اشغلهم في انفسهم
والله يسخرهم لك ويسخر لك زوجك ويسعدكم ويكفيكم شر المشاكل والحسد يا رب ..
تحملي الضيم لأن ولا شي يغفر لج
كثير من الردود بتقول لج حبيها على راسها بوسي يدها خدميها .. أهديها .. تحملي صبري وان شاء الله بتحبج
لا حبيبتي ما بتحبج ولا شي
لا تعبين روحج
احترمي ريلج و كسبيه قد ماتقدرين وان سوت امه شي و انفتح الموضوع مع ريلج قوليله الله يسامحها
تحملي تغلطين عليها او على اي احد من اهله .. لأن بتكون هالنقطة لهم ضدج
مابينساا ريلج و بصدقج انج النسرة و انج تبين تحرمينه منهم … إلخ ….
تحملي و اذا السالفة فيها بيع شقة لا تتنازلين عن حقج .. و لا تستعيلين بسالفة العيال
ديري بالج
الله يعينج دامج مو من اختيار الخالة العزيزة استبشري
كل اللي عليك تسوينه
1 اول ماتوصلون سلمي عليهم واشتري هدايا للام وبناتها واجلسي نصف ساعه واطلعي
* لاتسكنيييييين ولا كم يوم عندهم ارفضي ووضحي لزوجك ان انت تعرفهم مو مرحب فيني تبيني اسكن ؟؟؟واصلا انا ماارتاح
3 شقتكم مالهم دخل فيها ومع الاخت اللي قالت هالسالفه زوجك يتنااقش فيها مع اهله انت اسكتي
4 علاقتك سطحييييييييييه جداا وعمرهم ماحبووك انت ملزوومه بزوجك فقط لاغير
خليه يحبك ومايستغنى عنك بتقولين كيف انا اقولك بالمدح فيه وباخلاقه وباسلوبه وبشكله
بالابتساامه اللي ماتفارقك وبالهدووء والروقان والابتعاد عن العصبيه قدر المستطاع
لايناام الا بحضنك حتى لو مافيك نوم نوميه واطلعي
عند انوم حاولي تحطين عطر واااحد بس يكون هادي والافضل بودرة اطفال جونسون ماقبل النووم
خليه يثق فيك وباخلاقك وبارائك وحلولك اللي تدل على امرأه ناضجه وعاقله
عامليه مثل البيبي خافي عليه ووضحي هالخوف دائما تطمني عليه وحسسيه بحناانك وعطفك
الباقي عاد انت ادرى بزوجك وش يحب ووش يكره
واذا فيه مشاكل بينك وبينه دافعي وبقوه عن نفسك وحياتك وراحتك مو تكونين ضعيفه
عاد من ناحيه المشاكل تستخدمين اسلوووب ثااااااااااااااني
بالمختصر اسلوب اهم شي نفسي وراحتها
ان شاءالله مافي مشاكل بس انا حبيت اكون شامله
عشان محد يفهم التعامل مع الزوج كله حب وابتسامه كأنها هبله حتى لو هزأها وغلط عليها وتصيح وتقول الله يسامحك ولا بعد ممكن هي اللي تراضيه
^^^
اعذريني فتحت مواضيع كثيييره رووقت على موضوعك ومخمخخت عليه
لاني حسيت محتااجه مسااعده لانك بين ناس يخووفون الله يسخرهم لك ويهديهم
مهما كان الولد زين لو أمة قشرة تهديينهم أغنييية يا قلبي أبعد عنهم !!
والله ام الريل القشرة البعد عنهم غنيييييييمة
مدري شقولج غير الله يصبرح