|
|
بس عندي جم اساله ضروريه حق رفيجتي يالييت الاقي رد مقنع
الحيين حاليا مع ارتفاعات المعاشاات مشالله وصاار المعاش مو مثل اول يعني اول كاانت المدرسه مشالله منو يقاايش معاشها
اما الحين تقريبا تقااربت المعاشاات المهم سؤالي اهو
تنصحوون الحيين مع هالوزااره سووري بس الفاشله وهالمناهج الصعبه وحصص التدريس كثرت تنصحون البنت بمهنه بالتدريس؟؟؟
هذا الاول والثاني
ابي تقريبا ابلات المتوسط جم حصه ياخذون باليوم ؟؟ او مجموع حصصهم بالاسبوع جم ؟؟
جم معاش الابله اول ماتشتغل ؟؟
هل الوزاره التربيه او النضااره تقدر جهد المدرسات خصوصا بعد التقااعد؟
وسووري اذا طوولت ههههههه بس اهم شى تنصحوون بالتدريس او لاااااااااااااااا
واي شخص يحب وظيفته راح يبدع فيها ويرتاح لها
وطبعا التقدير موجود عند الاغلبيه من الناظرات والوزاره بعد
ولكل مجتهد نصيب وعند الله ما في شي يضيع 
والمعاش فوق 800 وان شالله البنات يقيدونج اكثر جم بالضبط
المعاش ماشاء الله كبير
سمعت منها انه السنه الجايه ما كو موجهات يعني التوجيه ما يدشون عالابلات التقييم يكون من المدرسة الاولى
اتمنى اكون فدتج
بس إذا كانت مو رغبة بس عشان المعاش راح تتعب شوي وتتذمر
وعموما
1- الإنسان إذا حب شي أبدع فيه فهل هي تحب التدريس فعلا ؟
2- الظلم والتقدير للأعمال في كل الوزارات عموما وهذا يرجع
للأنسان نفسه مو بس بالتربية في كل مكان الزين والشين
3- التعب على حسب المادة إللي تدرسها بعض المواد مرتاحين وبعضهم مكروفين
والمعاش صج عالي يبدأ تقريبا من 820 وفوق ما أدري جم بالضبط بس بهالحدود
الله يوفقها وأنصحها تستخير
والله يعـــينـــــــــــــــــا على المهنــــة
اختي ماخاب من استخار
لو تحب التدريسو لها رغبه راح يساعدها هالشي
لكن لو داشه مضطرة نفسي راح تتعب على ماتتعدل العلاقة بينها وبين هالمهنه
عالعموم لو مدرسه عربي او انجليزي راح تنكرف
بس الباجي اهون شوي
نصابنا الاسبوعي بالمتوسط يتراوح بين 12 الى 14 حصة بالاسبوع
غير المناوبات ومربية الصف وبرامج الاذاعة والنشاطات
يعني مهنة شاقة تحتاج حب وضمير
وارد واقولج ماخاب من استخار
واتوقع تقدر تروح المدرسه وتسأل
وموفقه
لان آخر مايبونه منج التدريس!
ومو التدريس هو المشكلة في شغلات ثانية تطلعج من طورج
مهما كنت تحبين التدريس راح تتحسفين عالاقل مرة باليوم!
بالنسبة للحصص كل مدرسة وظروفها ماكو عدد محدد للحصص
اذا المدرسة فيها نقص راح تشيل الكثير وطبعا على حسب التخصص
الله يوفقها
يعني يعتمدعلى الانسان نفسه وشلون طبيعته على من النوع الصبور واللي يتاقلم يمشي اموره,
وللتدريس مزايا حلوة
-معاش قوي بحدود ال800 ورفيجتي تقول يزيد بحدود ال900.او الف ماني متاكدة.
-مكان مو مختلط.
-قصر ساعات الدوام.
-عطلة 3 اشهر وغير العطلات الثانية الكثيرة.
مساوئها
-(احيانا) تصادفين ان الوكيلة او الناظرة تكون قشرة .
-التدريس يحتاج مجهود كبير بالاخص عند بعض المواد انجليزي-عربي عندج الاقتصاد المنزلي شكله زين.
يعطييكم العافيه
آنا أدرس إنجليزي والصراحة كرااااف أي وحده بتدرس إنجليزي بقولها انحاشي
وأشوف إن المعاش (858 بالضبط) ما يكفي أو بالأحرى ما يسوى تعبنا
عندج مناوبة الفرص (مرة كل أسبوع) مناوبة نهاية الدوام ومناوبة بداية الدوام وتربية الفصل وتصحيح امتحانات وكتب (الإنجليزي كتاب الworkbook والخط ودفتر الصف والواجب وكل يوم لازم أوراق عمل) والحين شي يديد مادري إذا طبقوه بكل المدارس (حصة مستهدفة عقب الطابور قبل الحصة الأولى) وناظرة يمكن تطلع …. ووكيلة فوق راسج، ومدرسة أولى يعتمد إذا زينة ولا مو زينه، ومشاكل وأولياء أمور… وتسوين امتحانات ما يطلبون منا نسويها إلا بالعيد! يعني شهالصدفة عيد الفطر وعيد الأصحى الواحد ما يستانس
والاستئذان بالحسرة، وغير مجابل الضعاف…
آنا أحب التدريس بس المشاكل هذي كرهتني بالمدرسة.
والله يعينج
((
انا امي مدرسه روووضه وايد تعبت وتقول ماانصح بالرياض الاطفال بس انصح بالابتدائي والمتوسط
اوكي اذا في ابله اجتماعيات بليز ترد علي
صج التدريس سهل؟ يقولون اسهل قسم قسم الاجتماعيات
لو طبعج الكسل ( قبّه)
لو نشيطه وتحبين التحدي وشخصيتج قوية … دشي بقلب جامد